147
Beynəlxalq pul bazarlarına bir gündən bir ilədək aparılan depozit-
ssuda əməliyyatları daxildir. Kreditin əsas şərtləri telefonla razılaşdırılır.
Ortamüddətli kreditlər beş ildən yeddi ilədək olan müddəti əhatə edir.
Təcrübədə qısamüddətli kreditlər sonradan ortamüddətli və uzunmüddətli
kreditlərə çevrildiyinə görə, onlarla ortamüddətli kreditlər arasındakı fərq
get-gedə öz mənasını itirir.
Qısamüddətli kreditlər bazarı dünya maliyyə sisteminin ən sürətlə
inkişaf edən sektorudur. Beynəlxalq əqdlər, adətən, müqavilədə iştirak edən
ən azı bir tərəf üçün əməliyyatların xarici valyutada aparılmasını nəzərdə
tutur. Xarici valyuta ilə aparılan əməliyyatlar xarici valyuta bazarını təşkil
etdiyinə görə, pul bazarı valyuta bazarları ilə qırılmaz əlaqədə fəaliyyət
göstərir.
Bir çox valyuta əqdləri sırf maliyyə, möhtəkirlik xarakteri daşıyır.
Möhtəkirlik əməliyyatları dedikdə, maliyyə alətlərinin alındığı və satıldığı
qiymətlər arasında fərq hesabına mənfəət əldə olunması başa düşülür. Sırf
maliyyə əməliyyatlarının güclənməsinin bir sıra şərtləri mövcuddur:
(1) BVF üzvlərinin 70%-ə yaxını valyuta məzənnəsinin
tənzimlənməsinin müxtəlif metodlarından istifadə edir. Bu,
valyuta məzənnəsi ilə onun alıcılıq qabiliyyəti arasında fərqin
meydana çıxmasına və get-gedə artmasına səbəb olur.
Məzənnələr yüksəldilmiş, yaxud aşağı salınmış xarakterdə ola
bilər;
(2) valyuta birjalarında əməliyyatlar girov (marja)
ticarəti qaydaları üzrə aparılır. Bu zaman əqdin bağlanılması
üçün hesaba müqavilənin tam dəyərinin deyil, yalnız depozitin
köçürülməsi kifayətdir. Marja ticarəti diler xidmətlərinin
göstərilməsi vasitəsilə investorlara böyük həcmdə valyuta ilə
möhtəkirlik etmək imkanı yaradır (Britaniyada valyuta
əməliyyatlarının əksəriyyəti 5% və daha yüksək məbləğdə girov
qoyulması şərti ilə aparılır).
Valyuta məzənnələrinin dəyişməsi hesabına mənfəət əldə etmək
imkanları valyuta əməliyyatlarının sürətlə artımına səbəb olmuşdur.
Mübadilə əməliyyatlarının gündəlik həcmi 2 trilyon dollardan artıqdır
(1998-ci il). 1980-ci ilə nisbətən ixracın həcmi 2,8 dəfə artdığı halda, bu
əməliyyatların həcmi 50 dəfə artmışdır. Məzənnələrin kəskin enib-qalxdığı
vəziyyətdə əməliyyatların mütləq həcminin bu cür artımı milli pul sistemləri
qarşısında ölkənin dünya təsərrüfatı əlaqələrində tutduğu mövqeyinə uyğun
olan məbləğdə rəsmi valyuta ehtiyatları yaratmaq tələbini qoyur. Qeyd
olunmalıdır ki, bir çox ölkələrin bank sistemləri öz həcminə görə ABŞ-ın
orta ölçülü regional bankından geri qalır.
Pul və valyuta bazarlarından başqa, pul vəsaitlərinin müxtəlif tipli və
148
müddətli qiymətli kağızların buraxılması yolu ilə cəlb olunduğu bilavasitə
maliyyə, yaxud
fond bazarı fərqləndirilir. Bu bazar istiqrazlar, səhmlər,
kommersiya vekselləri və başqa qiymətli kağızlar bazarlarına bölünür.
Bunları ilkin bazara aid edirlər. İlkin bazarın tərkibində beynəlxalq
istiqrazlar seqmenti xüsusi rol oynayır. Ortamüddətli və uzunmüddətli
kapitalın mənbəyi kimi, bu seqment səhmlərlə aparılan əməliyyatların
həcmini 6 dəfəyə yaxın ötüb keçir.
Dünya fond bazarının kapitallaşması (qiymətli kağızların dəyəri) iri
məbləğlə ifadə olunaraq, MDM-in həcmini 3,7 dəfə üstələyir. Bu bazarda
qiymətli kağızların həcminin sürətli artımı tələb və təklifin strukturunda baş
verən dəyişikliklərlə əlaqədardır.
Maliyyə derivativlərinin, yaxud maliyyə riskləri ilə ticarətin alətləri
bazarının mühüm yer tutduğu təkrar bazar da inkişaf etmişdir. Bu alətlər
maliyyə əməliyyatları ilə əlaqədar olan itkiləri və əqdlərin bağlanması
zamanı qeyri-müəyyənliyi azaldır. Göstərilən alətlərin qiymətləri başqa
maliyyə, yaxud real aktivə bağıdır.
________________________________________
Avrobazar
Xarici və beynəlxalq kapital bazarları məskunlaşmış bütün qitələrin
eksterritorial mərkəzlərini birləşdirən avrobazarın bir hissəsidir. Onların
vəhdəti təkcə depozit-ssuda əməliyyatlarının ümumi şərtləri ilə deyil,
həmçinin onların qarşılıqlı təsiri ilə təmin olunur. Avrobazar
telekommunikasiya şəbəkəsi vasitəsilə bütün sutka ərzində işləyir. Onun
əsasını bir neçə yüz iri bank təşkil edir.
Depozit-ssuda əməliyyatları avrovalyutalarda həyata keçirilir.
Avrovalyuta - mənşə ölkəsindən kənarda olan kredit idarəsində
yerləşdirilmiş və beləliklə də həmin ölkənin valyuta orqanlarının nəzarəti və
yurisdiksiyası altına düşməyən istənilən pul vahididir. Avrovalyuta - şəxslər
tərəfindən malların və xidmətlərin dəyərinin ödənilməsi, valyuta
əməliyyatlarının aparılması, yaxud pulların depozitə qoyulması üçün milli
pul vahidində olan vəsaitləri başqa ölkənin kredit idarəsinə köçürüldüyü
vaxt yaranır.
Bu cür saxlanılan və istifadə olunan əsas pul vahidi dollar
(əməliyyatların 60%-dən çoxu), habelə avro, yena, funt sterlinqdir.
Avrobazarın həcminin 2/3 hissəsi ABŞ dollarının payına düşdüyünə görə,
onu çox vaxt avrodollar adlandırırlar. "Avro" söz önlüyünün olması heç də
valyutaların mütləq Avropa banklarında açılmış xarici hesablarda
investisiyaya yönəldiyini ifadə etmir. Adının əksinə olaraq, bu vəsaitlər dün-
yanın bir çox regionlarında yerləşən eksterritorial maliyyə mərkəzlərində
yerləşə bilər.