1
D
Dövlət qısamüddətli istiqrazları (DQİ) (short-term state loans) –
Maliyyə Nazirliyi və ya digər səlahiyyətli orqan tərəfindən buraxılan
güzəştli və müəyyən dövriyyə müddəti olan (1 ilədək) qiymətli kağızdır.
İstiqrazların parametrləri Maliyyə Nazirliyi tərəfindən müəyyənləşdirilir.
DQİ-nin ilkin və təkrar bazarda yerləşdirilməsi Fond Birjasında həyata
keçirilir. Dövlət istiqrazlarının və digər qiymətli kağızların satışından
daxilolmalar aşağıdakılardır: ölkənin daxili uduş istiqrazlarının
satışından daxilolmalar; əhali arasında yayılan dövlət xəzinədarlıq
öhdəlikləri; qısamüddətli dövlət istiqrazları; sair daxilolmalar.
Dövlət qiymətli kağızları (state securities) – hökumətin dövlət adından
dövriyyəyə buraxdığı müddətli borc öhdəlikləridir. Məsələn, Maliyyə
Nazirliyi büdcə kəsirini örtmək üçün qısamüddətli istiqrazlar buraxır.
Dövlət qiymətli kağızları yerli və xarici hüquqi və fiziki şəxslərə satıla
bilər. Dövlət qiymətli kağızları müəyyənləşdirilmiş vaxtda sahibinə
istiqrazların nominal dəyərinin alınmasına hüquq verən dövlət borc
iltizamıdır.
Dövlətin maliyyə nəzarəti (public finance control) – dövlət büdcəsinin
və büdcədənkənar dövlət fondlarının vaxtında icra edilməsi, pul
tədavülünün təşkili, kredit resurslarından istifadə, daxili və xarici dövlət
borcunun və dövlət ehtiyatlarının vəziyyəti, maliyyə və vergi güzəştləri
və üstünlükləri üzərində dövlət nəzarətini nəzərdə tutur. Müasir dövrdə
bir sıra Qərb mənbələrində də maliyyə nəzarəti “audit” anlayışı ilə
assosiasiya edilir. Bu zaman onun 3 növü fərqləndirilir: maliyyə auditi
(financial audit); icra fəaliyyətinin auditi (performance audit); effektivliyin
auditi (“value for money” audit). Əgər birincidə yalnız maliyyə
əməliyyatlarının və xərcləmələrin qanuniliyi və mühasibat uçotunda
düzgün əks olunması yoxlanılırsa, ikincidə maliyyə vəsaitindən nə
dərəcədə qənaətcil, səmərəli və nəticəli istifadə (“3 E” prinsipi) ön
plana keçir. Dövlət vəsaitindən effektli istifadənin yoxlanılması 3 əsas
mərhələdən ibarətdir: yoxlamanın planlaşdırılması; yoxlamanın həyata
keçirilməsi; yoxlamanın nəticələri haqqında hesabatın hazırlanması.
Dövlət maliyyə nəzarətinin formaları (forms of public finance
control) – maliyyə nəzarəti üzrə kompleks tədbirlərin effektli həyata
keçirilməsi üçün onun mövcud iqtisadi şəraitə adekvat olması və
bu şəraiti nəzərə alması çox vacibdir. Büdcə prosesinin ayrı-ayrı
mərhələlərinin və komponentlərinin yoxlanılması və bütövlükdə onlara
nəzarət forma baxımından konkret klassifikasiyaya bölünür. Büdcə
prosesinin mərhələli nəzarət sistemi aşağıdakı kimi klassifikasiya
olunur: ilkin nəzarət büdcə layihəsinin hazırlanması, onun müzakirəsi
və təsdiqi mərhələsinə aiddir. İlk baxışdan mücərrəd görünən bu
nəzarət növü, əslində, çox vacib bir işin – büdcənin ayrı-ayrı sahələr
D
və onlara məsul instansiyalar tərəfindən ortalığa çıxarılan ehtiyaclar
bir daha nəzərdən keçirilir və büdcə layihəsinin hazırlanması zamanı
müxtəlif şişirdilmələrin qabağı alınır. Təəssüflə qeyd edilməlidir ki,
Azərbaycanda büdcə prosesinin bu mərhələsinə nəzarət hələ kifayət
qədər amorf şəkildə həyata keçirilir və nəticə etibarilə növbəti ilin büdcə
ehtiyacları hökumət səviyyəsində əldə edilmiş razılığın (konsensus)
nəticəsi kimi öz əksini tapır. Cari (operativ) nəzarət əslində bütövlükdə
büdcəyə nəzarətin əsas bel sütunu kimi ən geniş yayılmış mərhələsidir.
Büdcənin icrası cəmiyyət və dövlət üçün nə qədər vacib və taleyüklü
bir məsələdirsə, həmin prosesə nəzarət də bir o qədər önəmli işdir.
Büdcənin icrası prosesi kifayət qədər çoxşaxəli və mürəkkəb bir
proses olduğundan ona nəzarət də olduqca böyük zəhmət, bilik və
bacarıq və çox halda siyasi iradə tələb edir. Bütün bu işləri səmərəli
şəkildə həyata keçirmək üçün dövlət maliyyə nəzarəti sistemi işlək
və çevik olmalıdır. Azərbaycanda büdcənin icrasına nəzarət tam
qənaətbəxş səviyyədə olmasa da, son illər Hesablama Palatasının yeni
təşəbbüsləri sayəsində bu istiqamətdə aktivlik nəzərə çarpmaqdadır.
Sonrakı nəzarət əsas etibarilə artıq sona çatmış maliyyə ili büdcəsinin
yoxlanılması ilə bağlıdır. Bu mərhələdə ilk öncə büdcənin ayrı-ayrı
istiqamətləri üzrə icranın onun planlaşdırılmış səviyyəsinə uyğunluğu,
əgər fərq qeydə alınıbsa, onun səbəbləri və s. araşdırılır. O cümlədən
büdcənin icrasının səmərəliliyi də nəzərdən keçirilir ki, bu da növbəti
ilin büdcəsinin hazırlanmasında böyük əhəmiyyət daşıyır. Maliyyə
nəzarətinin subyektləri müxtəlifdir. İlk öncə onlara dövlət idarəetmə
orqanları (prezident, hökumət, parlament, vergi orqanları, digər
ixtisaslaşmış maliyyə-yoxlama strukturları), o cümlədən nazirliklərin
daxili yoxlama qurumları, müəssisələrin iqtisadi-maliyyə idarələri, audit
yoxlamaları, qeyri-hökumət təşkilatları və s. Dövlət maliyyə nəzarəti
həm də kənar nəzarət və daxili nəzarət kimi təsnifləşdirilir. Kənar
nəzarət xüsusi olaraq yaradılmış və nəzarət obyektindən funksional,
təşkilati asılılığı olmayan dövlət maliyyə orqanları tərəfindən icra
hakimiyyəti orqanlarının fəaliyyətləri üzərində maliyyə nəzarətini
təmin etmək məqsədilə həyata keçirilir. Daxili nəzarət icra hakimiyyəti
orqanlarının fəaliyyətləri üzərində maliyyə nəzarətini təmin etmək
məqsədilə həmin orqanlar tərəfindən xüsusi olaraq yaradılmış qurum
tərəfindən aparılır.
Dövlət maliyyə nəzarətinin həyata keçirilməsi prinsipləri (principles
of public finance control implementation) – dövlət maliyyə
nəzarətinin həyata keçirilməsi aşağıdakı prinsiplərə əsaslanır: dövlət
maliyyə nəzarətini həyata keçirən nəzarət orqanları və onların vəzifəli
şəxsləri tərəfindən mövcud qanunvericilikdə müəyyən olunmuş
normalara və qaydalara tam əməl edilməsi ilə qanunilik; nəzarətin
həyata keçirilməsi zamanı qərəzsizliyi müəyyən edilmiş nəticələrin və
Dostları ilə paylaş: |