D
ilə müəyyənləşdirilir. Yeni dövlət borcalması dövlət borcunun əsas
məbləğinin qaytarılması üzrə vaxtı çatmış öhdəliklərin ödənilməsinə
yönəldildikdə, bu borcalma dövlət borcunun yuxarı həddinə (limitinə)
daxil edilmir. Dövlət borcunun yuxarı həddi (limiti) yalnız müvafiq il
üçün dövlət büdcəsi haqqında Azərbaycan Respublikasının qanununa
dəyişikliklər edilməklə artırıla və ya azala bilər.
Dövlət büdcəsi (state budget) – dövlət xərcləri və onların ödənilməsi
mənbələri üzrə illik maliyyə planı. Dövlət büdcəsinin məqsədi ölkənin
iqtisadi, sosial və digər strateji proqramlarının və problemlərinin həlli,
dövlətin funksiyalarının həyata keçirilməsi üçün qanunvericiliklə
müəyyən edilmiş qaydada maliyyə vəsaitinin toplanmasını və
istifadəsini təmin etməkdir. Büdcə həm də ölkənin iqtisadi-sosial
inkişaf proseslərini tənzimləmək alətidir (bax: büdcə, dövlət büdcəsinin
gəlirləri, dövlət büdcəsinin xərcləri).
Dövlət büdcəsi gəlirlərinin təsnifatı (classification of state budget
revenues) – dövlət büdcəsi gəlirlərinin yaranma mənbələrinə görə
qruplaşdırılmasıdır. Azərbaycan Respublikası Maliyyə Nazirliyinin
hazırladığı Azərbaycan Respublikası dövlət büdcəsinin gəlirlərinin
təsnifatına əsasən, dövlət büdcəsinin ümumi gəlirləri 4 bölmədə və 18
köməkçi bölmədə qruplaşdırılır, köməkçi bölmələr isə, öz növbəsində,
paraqraflara ayrılır. Dövlət büdcəsi gəlirlərinin qruplaşdırıldığı bölmələr
və köməkçi bölmələr aşağıdakılardır:
I. Vergilərdən daxilolmalar
1. Gəlirlərdən (mənfəətdən) vergilər
1.1. Əhalidən tutulan gəlir vergisi
1.2. Mənfəətdən (gəlirlərdən) vergi
1.3. Əmtəə-material dəyərlərinin yenidən qiymətləndirilməsindən
daxilolmalar
2. Məcburi dövlət sosial sığorta haqları
3. Əməkhaqqı fonduna və işçi qüvvəsinə vergilər (ehtiyat)
4. Mülkiyyətdən vergilər
4.1.Torpaq vergisi
4.2. Əmlak vergisi
4.3. Hədiyyələrdən və vərəsə qalan əmlakdan vergi
4.4. Qiymətli kağızlarla əməliyyatlardan vergi
5. Mal və xidmətlərdən alınan daxili vergilər
5.1. Əlavə dəyər vergisi
5.2. Aksiz vergisi
5.3. Malların istifadəsinə, yaxud istifadə hüququ verilməsinə vergilər
5.4. Hər hansı bir fəaliyyətlə məşğul olmaq üçün vergilər
5.5. Mədən vergisi
6. Xarici iqtisadi fəaliyyətlə bağlı vergilər (gəlirlər)
D
II. Vergi olmayan gəlirlər
7. Mülkiyyətdən və sahibkarlıq fəaliyyətindən gəlirlər
7.1. Büdcə təşkilatlarının xüsusi vəsaitlərinin daxilolması
7.2. Maliyyə və qeyri-maliyyə müəssisə və idarələrindən vergi olmayan
daxilolmalar
7.3. Xarici dövlətlərdən mülkiyyətlə bağlı gəlirlər
7.4. Xarici qeyri-dövlət strukturlarından mülkiyyətlə bağlı gəlirlər
7.5. Daxili xüsusi sektordan daxil olan mülkiyyətlə bağlı gəlirlər
7.6. Mülkiyyətdən daxil olan sair gəlirlər
8. İnzibati tədiyələr və rüsumlar
9. Cərimə və sanksiyalar üzrə daxilolmalar
10. Dövlət idarəçiliyi daxilində dövlət qulluqçularının sosial təminat və
təqaüd fondlarına ayırmalar (ehtiyat)
11. Vergi olmayan sair daxilolmalar
III. Əsaslı gəlirlər
12. Əsaslı vəsaitlərin özəlləşdirilməsi
13. Dövlətin maddi ehtiyatlarının satışından daxilolmalar
14. Torpağın və qeyri-maddi aktivlərin satışından daxilolmalar
15. Qeyri-rəsmi mənbələrdən əsaslı ödənişlər (transferlər)
IV. Rəsmi qaydada alınan vəsaitlər (transferlər)
16. Xaricdən alınan vəsaitlər
17. Digər səviyyəli büdcələrdən alınan vəsaitlər
Qeyd etmək lazımdır ki, 1-ci (vergilərdən daxilolmalar) və 2-ci (vergi
olmayan gəlirlər) bölmələrin cəmi büdcənin cari gəlirlərini əmələ
gətirir. Cari gəlirlərə 3-cü (əsaslı gəlirlər) və 4-cü (rəsmi qaydada
alınan vəsaitlər) bölmələr üzrə gəlirlər əlavə edildikdə büdcənin ümumi
gəlirləri alınır.
Dövlət büdcəsinə borclar (debts to state budget) – vergi orqanları
ilə hüquqi şəxslər arasında təsdiq edilmiş üzləşmə aktlarına görə
dövlət büdcəsinə ödənilməli olan, lakin ödənilməmiş vergilər, qeyri-
vergi ödənişiəri üzrə borclar və vergi qanunvericiliyinin pozulmasına
görə vergi orqanları tərəfindən hesablanmış peniya və maliyyə
sanksiyalarıdır.
Dövlət büdcəsinin gəlirləri (budget revenues) – büdcə gəlirləri
büdcə və vergi sisteminə uyğun olaraq əsasən mülkiyyət növlərindən,
təsərrüfatçılığın təşkilati-hüquqi formalarından asılı olmayaraq vergi
ödəmələri bazasında formalaşır və özündə müəssisələrin, təşkilatların
və əhalinin büdcəyə ödəmələrini birləşdirir. Büdcə gəlirləri vergi və
oxşar ödəmələri, qeyri-vergi ödəmələrini (material ehtiyatlarının
satışından və özəlləşdirmədən daxilolmaları) və “Ümumi dövlət
idarəetmə” sektorunun digər səviyyələrinin institusional vahidlərindən
və beynəlxalq təşkilatlardan alınmış qrantları əhatə edir. Dövlət gəlirləri
D
milli gəlirin bölgüsü və yenidənbölgüsü prosesi nəticəsində dövlətə
daxil olan pul, yaxud material resursları. Dövlət bunlardan öz daxili və
xarici funksiyalarını həyata keçirmək məqsədi üçün istifadə edir. Dövlət
gəlirlərinin məzmunu, yaranma və istifadə edilməsi prinsipləri bilavasitə
istehsal üsulu və hakim istehsal münasibətləri ilə müəyyən edilir.
Dövlət büdcəsinin xərcləri (budget expenditures) – dövlət idarəetmə
səviyyələrinə uyğun olan məlumatları və yerli büdcələr haqqında
məlumatları əhatə edir və dövlətin fəaliyyətinin maliyyələşdirilməsi
üçün nəzərdə tutulmuş vəsaiti əks etdirir. İctimai təyinatına görə büdcə
xərclərinin strukturu dörd qrupa bölünür: iqtisadiyyat sahələri, sosial-
mədəni tədbirlər, müdafiə, idarəetmə. Xərclərə, həmçinin, borc kimi
verilən istiqrazlar (qaytarılmış kreditləri çıxmaqla) və dövlət tərəfindən
iqtisadiyyatın digər bölmələrinə verilən ssudanın digər növləri də
daxil edilir. Dövlət xərcləri – geniş mənada bu, dövlət büdcəsindən
həyata keçirilən bütün xərclərdir. Lakin bəzi hallarda bu termini
büdcə vəsaitlərinin bilavasitə dövləti funksiyaların (məsələn, dövlət
idarəetməsinin və milli müdafiənin təşkili, hüquq-mühafizə və məhkəmə
xidmətlərinin təmin edilməsi və s.) icrasının maliyyələşdirilməsinə
yönəldilmiş hissəsini fərqləndirmək üçün istifadə edirlər.
Dövlət büdcəsi kəsiri (budget deficit) – büdcənin xərcləri gəlirlərindən
çox olduğu halda baş verir.
Dövlətdaxili borc (public internal/domestic debt) – dövlət
proqramlarının və sifarişlərinin həyata keçirilməsi zamanı əhalidən və
müəssisələrdən vəsaitlərin cəlb olunması ilə əlaqədar yaranır. Daxili
borc əvvəlki illərin borclarını və yenidən yaranmış borcları əhatə edir.
Daxili borc qiymətli kağızların buraxılması vasitəsilə həyata keçirilən
dövlət istiqrazları, kreditlər və hökumət tərəfindən zəmanət verilən
digər borc öhdəlikləri şəklində ola bilər. Borc öhdəlikləri qısamüddətli
(1 ilə kimi), ortamüddətli (1 ildən 5 ilə kimi) və uzunmüddətli (5 ildən 30
ilə kimi) olur.
Dövlət gömrük orqanları (state custom authorities) – ölkənin gömrük
sərhədindən mallar keçirildikdə iqtisadi təhlükəsizliklə əlaqədar
qanunvericiliklə nəzərdə tutulan hüquq və vəzifələri həyata keçirən,
habelə malların gömrük sərhədlərindən keçirilməsi zamanı ödənilməli
olan vergilərin (məsələn, tranzit vergisi, idxal-ixrac əməliyyatları üzrə
vergilər) və rüsumların tutulması sahəsində qanunvericilikiə müəyyən
edilən funksiyaları yerinə yetirən müvafiq dövlət icra hakimiyyəti
orqanıdır. Azərbaycan Respublikasında belə qurum Dövlət Gömrük
Komitəsidir. Gömrük orqanları eyni zamanda öz səlahiyyətləri
çərçivəsində hüquq-mühafizə orqanlarının funksiyalarını da həyata
keçirirlər.
Dostları ilə paylaş: |