D
Dövlət sirrinin mühafizəsi sistemi (state secret protection
system) – dövlət sirrini mühafizə orqanlarının, dövlət sirri təşkil edən
məlumatların və həmin məlumatların daşıyıcılarının mühafizəsi üçün bu
orqanların istifadə etdikləri vasitə və metodların, habelə bu məqsədlə
həyata keçirilən tədbirlərin məcmusudur. Dövlət sirri təşkil edən
məlumatların daşıyıcıları dövlət sirri təşkil edən məlumatların rəmzlər,
obrazlar, siqnallar, texniki qərarlar və proseslər şəklində əks olunduğu
maddi obyektlər, o cümlədən fiziki sahələrdir. Dövlət sirri təşkil edən
məlumatların siyahısı müvafiqliyinə görə məlumatların qanunvericiliklə
müəyyən olunmuş əsaslarla və qaydada dövlət sirrinə aid edildiyi və
məxfiləşdirildiyi məlumat qruplarının məcmusudur. Dövlət sirri təşkil
edən məlumatlarla tanış olmağa buraxılma səlahiyyətli vəzifəli şəxsin
icazəsi ilə konkret şəxsin dövlət sirri təşkil edən məlumatlarla tanış
olması qaydasıdır.
Dövlət vergiləri (state taxes) – ölkə qanunvericiliyi ilə müəyyən edilən
və ölkənin bütün ərazisində ödənilməli olan və mərkəzi büdcəyə (yəni,
dövlət büdcəsinə) keçirilən vergilər nəzərdə tutulur. Dövlət vergiləri
ölkənin vergi sisteminin əsasını təşkil edir. Dövlət vergilərinin siyahısı
və dərəcələri, vergi tutulması obyektləri, imtiyazların növləri, vergi
ödəyiciləri, vergilərin hesablanması qaydaları və onların büdcəyə və
ya büdcədənkənar fondlara ödənilməsi proseduru Vergi Məcəlləsinə,
həmin məsələlərin əks olunduğu digər qanunlara və dövlət icra
strukturlarının müvafiq aktlarına əsasən tətbiq edilir. Azərbaycan
Respublikasında dövlət vergilərinə aşağıdakılar aiddir: fiziki şəxslərin
gəlir vergisi; hüquqi şəxslərin mənfəət vergisi (bələdiyyə mülkiyyətində
olan müəssisə və təşkilatlardan başqa); əlavə dəyər vergisi; aksizlər;
hüquqi şəxslərin əmlak vergisi; hüquqi şəxslərin torpaq vergisi; yol
vergisi; mədən vergisi; sadələşdirilmiş vergi.
Dövlət vergi orqanları (state tax bodies) – rəsmi qanunvericiliyə
əsasən, Azərbaycan Respublikasının Vergilər Nazirliyi və bilavasitə
ona tabe olan ərazi vergi orqanlarını təşkil edir. Vergi orqanları eyni
zamanda öz səlahiyyətləri çərçivəsində hüquq-mühafizə orqanlarının
səlahiyyətlərini də həyata keçirirlər. Onlar fəaliyyətlərini yerli dövlət
hakimiyyəti orqanlarından asılı olmayaraq müstəqil həyata keçirirlər.
Vergi orqanları tərəfindən qəbul edilən qərarlar bütün hüquqi və fiziki
şəxslər üçün məcburidir. Vergi orqanları vergilərin (tranzit vergisi,
idxal-ixrac əməliyyatları üzrə vergilərdən başqa) tam və vaxtında
ödənilməsinə nəzarəti həyata keçirirlər.
Dövlət zəmanəti (government guarantee) – əsas borcalan öz
öhdəliklərini yerinə yetirmədikdə onun zəmanət verilmiş öhdəliyi üzrə
borcunun tam məbləğdə və ya qismən ödənilməsinə dair Azərbaycan
Respublikasının öhdəliyi.
D
Dövlət zəmanəti ilə alınan borcların təminat hesabı (provision
account of state guaranteed loans) – rəsmi qanunvericiliyə əsasən,
Azərbaycan Respublikasının dövlət zəmanəti üzrə öhdəliklərinin
yerinə yetirilməsini təmin etmək üçün müvafiq icra hakimiyyəti orqanı
tərəfindən xüsusi büdcə hesabı (təminat hesabı) açılır. Dövlət zəmanəti
üzrə öhdəliklərin təminat hesabı aşağıdakı mənbələrdən formalaşır:
dövlət büdcəsinin vəsaiti; dövlət zəmanətinin verilməsi üçün əsas
borcalandan alınan haqq. Haqqın miqdarı tələb edilən dövlət zəmanəti
üzrə riskin dərəcəsi nəzərə alınmaqla müvafiq icra hakimiyyəti orqanı
tərəfindən müəyyənləşdirilir. Əsas borcalanın təminat hesabına
köçürdüyü haqq dövlət zəmanəti verildikdən sonra geri qaytarılmır.
Təminat hesabının açılması, uçotunun aparılması və idarə olunması
qaydaları müvafiq icra hakimiyyəti orqanı tərəfindən müəyyənləşdirilir.
Dövlət zəmanəti üzrə öhdəliklərin icrası (implementation of
obligations on government guarantee) – əsas borcalan dövlət
zəmanəti ilə təmin edilmiş borc öhdəliyini icra edə bilmədiyi təqdirdə
zəmanətçi verilmiş dövlət zəmanətinin müddəalarına uyğun olaraq
öhdəliyi yerinə yetirir. Təminat hesabında toplanmış vəsait dövlət
zəmanəti üzrə öhdəliyin yerinə yetirilməsi üçün kifayət etmədikdə
çatışmayan vəsait dövlət büdcəsinin ehtiyat fondundan ayrılır. Əsas
borcalanın öhdəliklərini yerinə yetirmiş zəmanətçi ödədiyi məbləğin və
digər xərclərin əvəzini əsas borcalandan Azərbaycan Respublikasının
qanunvericiliyində və onunla bağladığı müqavilədə nəzərdə tutulan
həcmdə və qaydada ödənilməsini tələb etməlidir.
Dövlət zəmanətli borc (government guaranteed loan) – dövlətin
borcu ödəməmə şərtində dövlətin borcu qaytaracağı zəmanəti ilə
ictimai qeyri-hökumət bölməsi idarəsi tərəfindən müqavilə bağlanan
borc.
Dövlət zəmanətinə xitam verilməsi (termination of state guarantees) –
dövlət zəmanətinə aşağıdakı hallarda xitam verilir: zəmanət verilmiş
öhdəliklər əsas borcalan və ya zəmanətçi tərəfindən tam icra edildikdə;
zəmanət müddəti başa çatdıqda; kreditor zəmanət üzrə hüquqlarından
imtina etdikdə; zəmanət sazişinin şərtlərində başqa qayda nəzərdə
tutulmayıbsa, əsas borcalanla kreditor arasında razılığa əsasən
zəmanət verilmiş borcun təkrar strukturlaşdırılması aparıldıqda;
zəmanət sazişində nəzərdə tutulan digər hallarda. Zəmanətçi ən geci 3
iş günü ərzində dövlət zəmanətinə xitam verilməsi barədə kreditora və
əsas borcalana məlumat verməlidir.
Dövlətin ələ keçirilməsi (state capture) – xarici maraqların (özəl
sektor, mafiya şəbəkəsi) dövlət qanunları, qaydaları və siyasətini
məmur və siyasətçilərlə korrupsiya razılaşmalarından keçən faydasına
Dostları ilə paylaş: |