Magistrantların XVIII Respublika Elmi konfransı, 17-18 may 2018-ci il
390
Qeyd etmək lazımdır ki, ümumilikdə təhsil sisteminin İKT əsasında təkmilləşdirilməsi informasiya
cəmiyyətinin əsas xüsusiyyətlərindən biridir. Azərbaycan Respublikasının Prezidenti cənab İlham Əliyevin
21 avqust 2004-cü il tarixində təsdiq etdiyi “Azərbaycan Respublikasında ümumtəhsil məktəblərinin
informasiya və kommunikasiya texnologiyaları ilə təminatı Proqramı (2005-2007-ci illər)” ölkəmizdə bu
prosesə start verdi. Bundan sonra 10 iyun 2008-ci il tarixində ölkə başçısı tərəfindən qəbul edilmiş “2008-
2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı”
isə İKT-dən istifadə etməklə ölkəmizdə beynəlxalq standartlara uyğun keyfiyyətcə yeni təhsil modelinin
qurulmasını, vahid elektron təhsil məkanının yaradılmasını və təhsil sisteminin dünya təhsil məkanına
inteqrasiya etdirilməsini əsas məqsəd kimi qarşıya qoyub.
Ölkəmizdə də xarici dil dərslərində informasiya – kommunikasiya texnologiyalarından istifadə geniş
yayılmışdır. Təhsil Nazirliyi 2010-cu ili ölkəmizdə “Təhsildə İKT ili” elan etmiş və bu kampaniya
çərçivəsində konfranslar, seminarlar, müxtəlif stimullaşdırıcı və həvəsləndirici aksiyalar, müsabiqələr həyata
keçirilmişdir. Azərbaycan Respublikası Prezidentinin 2013-cü il 24 oktyabr tarixli sərəncamı ilə təsdiq
edilmiş “Azərbaycan Respublikasında təhsilin inkişafı üzrə Dövlət Strategiyası” təhsilin
informatlaşdırılmasını mühüm vəzifə kimi qarşıya qoymuşdur. Bütün bunlar dövlətimizin təhsilin inkişafına
göstərdiyi böyük qayğının nəticəsidir.
Müasir təlim metodlarından və İKT-dən istifadə sinif mühitində dəyişiklik etməyə və müəllimlə şagird
arasında, şagirdlərin öz aralarında və məktəblə ev arasında baş verən qarşılıqlı əlaqələr qurmağa imkan
yaradır.Hər bir müəllim, diqqətlə və ağılla, həmin nəzəriyyələrdən irəli gələn tədris üsullarından istifadə
edərək səmərəli öyrənmə və şagirdlərin təhsildə təşəbbüskarlıq göstərməsi üçün təlimat proqramı hazırlaya
və tədbiq edə bilər.
Müasir təlim metodlarından və İKT-dən istifadə cəmiyyətin dəyərli vətəndaşları olmağa hazırlaşan,
fəal və hər şeylə maraqlanan şagirdlərin təhsil aldığı siniflərin yaradılmasında müəllimlərə yol göstərəcəkdir.
Bu isə dünyanın hər yerində təfəkkürə üstünlük verən müəllimlərin heç vaxt bitib tükənməyən axtarışları
deməkdir.
ORTA TƏHSİL MÜƏSSƏLƏRİNDƏ XARİCİ DİLİN TƏDRİSİ
Namazova R.M.
Bakı Slavyan Universiteti
Orta və ali təhsil müəssələrində tədris olunan hər bir fənnin məqsədi olduğu kimi xarici dilin tədrisinin
də qarşıya qoyduğu bir məqsədi vardır.Orta məktəbdə xarici dillərin tədrisi praktik, təlim və tərbiyəvi
məqsəd daşıyır.Tədrisin praktik məqsədi şagirdlərə xarici dil mətnlərini müstəqil oxumağı, müstəqil yazı
yazmaq vərdişlərini aşılamaqdır.Dərsə verilən hər hansı bir tələbi yerinə yetirən müəllim tədris prosesində
yüksək keyfiyyət əldə edə bilər.
Xarici dil tədris fənni kimi şagirdlərin ümumi təhsilini, dünyagörüşünü artırır, təfəkkür və nitqlərini
inkişaf etdirir.Ölkəmizdə xarici dillərin tədrisi tərbiyəvi və ümumtəhsil məqsədi daşıyır.Ölkəmizin digər
dövlətlərlə əlaqələrinin genişlənməsi də xarici dillərin tədrisinin bir məqsədidir.Ümumilikdə isə xarici
dillərin tədrisinin iki əsas məqsədi vardır.
Xarici dildən ünsiyyət vasitəsi kimi istifadə edilməsi də irəli sürülür.Xarici dilin tədrisində “praktik
yiyələnmə” dedikdə dilə faktik yiyələnmə, tapşırıqlar vasitəsilə nitq vərdişlərinə yiyələnmə başa
düşülür.Əksər bacarıqlar isə formalaşıb nitqə çevrilir.Şagirdlərin həmçinin şifahi nitqlərinin də inkişaf
etdirilməsi vacib amildir.
Xarici dildə ünsiyyət yalnız şifahi şəkildə olmur.Bunu yazılı şəkildə də davam etdirə bilərik.Məsələn,
şagird oxuyub mənimsədiyi materialı digər bir şagirdə yazılı şəkildə başa salırsa, bu o deməkdir ki, şagird
həmin materialı yaxşı qavrayıb.Buna görə də şagirdlərdə yazılı nitq vərdişlərini inkişaf etdirmək lazımdır.
Xarici bir dili ana dili ilə müqayisəli şəkildə öyrədildikdə, şagird verilən materialı daha yaxşı başa
düşür və şagirdlər anlayır ki, xarici dil ilə ana dili arasında oxşar və qeyri-oxşar məsələlər vardır.
Azərbaycanlı şagirdlər ingilis dili dərsində qrammatikadan “artikl” sözünü ilk gündən eşidirlər.Çünki bu
qrammatik kateqoriya onların öz ana dilində yoxdur.Demək Hind-Avropa dillərinə məxsus olan bu qayda
müəllim tərəfindən izah olunmalı və mümkün qədər ana dilində ona uyğun ekvivalent göstərilməlidir.Belə
olduqda şagirdlər xarici dili mexaniki yox şüurlu öyrənirlər.Onlar həmin dili öyrənərkən düşünür və nəticələr
çıxarırlar.Xarici dilin tədrisinin başqa bir məqsədi də şagirdlərdə təfəkkürü inkişaf etdirməkdir.
Magistrantların XVIII Respublika Elmi konfransı, 17-18 may 2018-ci il
391
Orta məktəblərdə tədris olunan hər bir fənnin tərbiyəvi əhəmiyyət kəsb etməsi tələb olunur.Xarici dil
tədrisində şagirdlərin dünyagörüşünü və ideya-siyasi tərbiyəsini inkişaf etdirmək mümkündür.Bu işdə tərtib
edilən mətnlər də xüsusi rol oynayır.
Xarici dilin məqsədi başqa fənlərin qarşıya qoyduğu məqsədi yerinə yetirmir.Onun tədrisi o biri
fənlərdən tamamilə fərqlənir.Hər hansı bir xarici dilə yiyələnmək üçün yalnız söz və qrammatik qaydalar
öyrənmək kifayət deyildir.Bunun üçün şagirdə şifahi nitq,oxu,yazı,bacarıq və vərdişləri də öyrətmək
lazımdır.
Xarici
dilin
tədrisi
zamanı
müəllim
şagirdlərdə
beynəlmiləlçiliyi
tərbiyə
etməyi
unutmamalıdır.Müəllim şagirdlərə öyrəndikləri dilin xalqının keçmişi, adət-ənənələri barədə də məlumat
verməlidir.
ALİ MƏKTƏBLƏRDƏ MÜSTƏQİL İŞLƏRİN TƏŞKİLİNƏ DAİR
Nizami Kamran Xaqan oğlu
Sumqayıt Dövlət Universiteti
Azərbaycan Respublikası siyasi müstəqilliyini yenidən bərpa etdikdən sonra sürətlə dünyaya
inteqrasiya olunmaqdadır. Bütün sferalarda olduğu kimi təhsil sistemində də bu özünü aydın formada biruzə
verir. Siyasi müstəqilliyin bərpasından sonra ölkəmizdə təhsil sahəsində keçirilən islahatlar, Azərbaycan
təhsil sisteminin müasir Avropa təhsil standartlarına uyğunlaşdırılması istiqamətində atılan əməli addımlar,
orta ümumtəhsil sistemi üzrə ənənəvi təhsil metodunun fəal/interaktiv təlim metodu ilə əvəzlənməsi, orta
ixtisas və ali təhsil sistemlərinin yeni məzmun, keyfiyyət dəyişiklikləri istiqamətində uğurla inkişaf
etdirilməsi amilləri fikrimizi təsdiqləyir. Lakin bütün bunlara baxmayaraq Azərbaycan təhsil sistemində öz
həllini tapmamış, tədqiqinə ehtiyac duyulan problemlər hələ də qalmaqdadır. Onlardan biri ali məktəblərdə
müstəqil işlərin təşkili ilə bağlıdır. Əslində mini dissertasiya olub, bakalavr və magistrantı müstəqil tədqiqata
yönəldən müstəqil işlərin təşkili ali məktəblərin qarşısında duran həlli vacib problemlərdən bir kimi bu günə
qədər tədqiqata cəlb olunmaması baxımından diqqəti cəlb etməkdədir. Problemin kompleks formada
öyrənilməməsi məsələnin həllini vacib edir.
I.
Problemi tədqiq edərkən bu tədiqat işinə müstəqil tələbə və magistrant işi kimi yanaşılması daha
məqsədəuyğundur. Çünki o, gənc tədqiqatçıda elmi araşdırma aparmaq bacarığını formalşdırmaqla yanaşı,
bakalavr və magisrantda gələcək tədiqatlarının aparılması üçün bir stimul verici rolunda da çıxış edir. Bu gün
Azərbaycan ali məktəb sistemində müstəqil işlərin təkili ilə bağlı xaotik bir vəziyyət hökm sürür. Tələbə
müstəqil işlərinin vahid standarta uyğun təşkil olunmaması, onların müəyyən ali məktəblərdə mini
dissertasiya (esse), sərbəst iş, fərdi iş, müstəqil iş adı ilə tədqiqatçıya təqdim ediməsi özlüyündə onda bir
çaşqınlıq və ziddiyyət hissi yaradır. Hətta metodist, pedaqoq və psixoloqlar arasında da, bu istiqamətdə
ümumi fikir formalşmayıb. Ümumi bir fikrin formalşmaması isə tələbə magistrantları bu günü özündə belə
çətinlik qarşısında qoymaqla davamlı xarakter almaqdadır.
II.
Bu gün qarşıya qoyulan ümdə məqsədlərdən biri bu məsələyə aydınlıq gətirilməsi ilə bağlıdır.
Fikrimizə bütün ali məktəb strukturlarında Təhsil Nazirliyinin standarlarına uyğun şəkildə müstəqil işlərin
təşkili həyata keçirilməklə ümumi - “müstəqil iş” adı altında tədqiqata cəlb olunmalıdır. Belə olduğu
təqdirdə gənc tədqiqatçılar hər hansı bir problemi öyrənərkən qarşılarına qoyduğu məqsədə daha asan, qısa
yolla çata bilərlər.
III.
Digər tərəfdən tədiqatçıların yaradıcılıq istiqamətləri də genişlənmiş olar. Nəticədə müstəqi işlərin
yazılmasında formalizmə də son qoyular. Ali məktəb sistemində də tələbələrin müstəqil işlərinin təşkilinə,
daima onların rəhbərlik tərəfindən nəzarətdə saxlanılıb inkişaf etdirilməsinə xüsusi yer də ayrılmış olar.
Həmçinin tədqiqata yeni başlayanların öz bilik və bacarıqlarını lazımi mənbə və ədəbiyyata istinad etməklə
üzə çıxarmasına, qarşıya qoyduğu məqsədə uğurla nail olmasına, konkret elmi nəticələrə gəlməsinə və elmə
gözlənilmədən yenilik gətirməsinə də münbit şərait yaradar.
IV.
Artıq ali məktəblərə də fəal/interaktiv təlim metodunu təbiq etməyin vaxtı gəlib çatmışdır.
Azərbaycanın bəzi ali məktəblərində bu istiqamətdə müəyyən işlər görülsə də, hələ də bir çox bakalavriat və
magistr hazırlayan ali məktəblərdə ənənəvi təlim metodundan bir addım belə kənara atılmayınb. Azərbaycan
ali məktəblərinin bütünlüklə ənənəvi təlim metodundan uzaqlaşıb ineraktiv təlim metoduna keçməsi ölkə ali
təhsil sisteminin sürətlə Avropa standartlarına cavab verəcək bir səviyyəyə yüksəlməsi ilə nəticələnə bilər.
Yeni metodun tələbə müstəqil işlərinin təşkilinə tətbiq edilməsi amili onların ümumdünya müasir təhsil
standartlarına üyğunlaşdırılması prosesinin uğurla başa çatmasına gətirib çıxarar.