Magistrantların XVIII Respublika Elmi konfransı, 17-18 may 2018-ci il
503
hərəkətdə plastikliyi, büküklərdə xüsusi sədəf çaları həcmi lifli, klyoş yubkalı, enli qolları olan paltar
modellərində öz təzahürünü tapır. Krep–şifon krepdeşindən daha yüngül parçadır. Şəffaflıq onu başqa
parçalar arasında fərqləndirən keyfiyyətdir. Paltarın obrazı parçanın obrazına yaraşmalıdır: zərif, yüngül
olmalıdır. Şəffaf parçalar qeyri–iradi çalarlar və yumşaq işıq–kölgə ilə zəngindir. Belə parçadan modelləri
yumşaq formalı etmək, daraltmamaq məsləhətdir. Rəqsdə ipək paltar bədənin hərəkətini bəzəməyə, onu
cazibəli etməyə qadirdir. Gündəlik, daha praktik və statik paltarı, yaxud koftanı süni ipəkdən də tikmək olar.
Yun parçanın ən qiymətli xüsusiyyəti istiliyi qorumasıdır. Ancaq bu zaman lifin özü yox, liflərin
arasını dolduran hava insanı qızdırır. Ona görə də yun parçanın qiyməti onun qalınlığı ilə deyil, yüngüllüyü
ilə, az çəki müqabilində daha çox hava saxlamaq qabiliyyəti ilə ölçülür. Model parçanın bu əsas məziyyətini
nəzərə çarpdırmalıdır. Kaşemir, yüngül krep demək olar ki, ipək parçalar kimi istifadə olunur – eyni
sərbəstlik və dinamiklik. Drap paltarlarda ağır, preslənmiş formalardan istifadə etmək olmaz. Bəzək tikişini
parçanın kənarından uzaqda qoymaq lazımdır ki, həcmlilik təəssüratı qorunub saxlansın. Palto formaları
sərbəst, detallar çox vaxt dəyərli, konturludur. Məmulatı kompozisiya cəhətdən ağırlaşdıran konstruktiv
xətlərdən, bölgülərdən bacardıqca az istifadə olunmalıdır. Bundan əlavə, keyfiyyətli, bahalı, uzunömürlü
parçanı qorumaq lazımdır – o, hələ sizə lazım ola bilər. Müxtəlif model mürəkkəbliyi – ikili tikişlər, kəsilən
detallardan mahuddan olan məmulatlarda istifadə etmək olar.
Lavsanlı yun meydana çıxanda, ondan geyimi yumşaq, təbii materialdan layihələşdirirlər. Ancaq
«quru», bərk parça bədənə yapışan paltar və jaketlərin tikişlərində qabarır. Lövsanlı parçalar üçün az tikişli
düz formalar uyğun gəlir. Belə formayadavamlı, əzilməyən parça kəmərli məmulatlar – yubka, şalvar,
xüsusilə bükməli və qofre yubkalar üçün əvəzolunmazdır.Əzilməyən sintetik parçalar modeldə müxtəlif
formalı büzmələrin istifadəsi üçün məqsədəuyğundur. Onlar istismar prosesində, o cümlədən yuyulduqdan
sonra yaxşı qalırlar. «Plaşevka» tipli parçaların zəif cəhəti olan qeyri – plastiklik çəpinə biçimlə
kompensasiya edilir.
Məxmər, hətta rulonda da başqa parçalardan effektli görünür. Ancaq onu məmulatda büzərkən
təkrarolunmaz işıq – kölgə oyunu başlayır. Ona görə də büzmələr daima məxməri müşaiyət edir. Bunu
nəzərə almamaq həm paltarı, həm də parçanı məzmunsuzlaşdırmaq deməkdir. Dərin, dolğun tonlu parçalar
yumşaq formalı büzülən paltarlarda üstünlük təşkil edir.Geyim üçün toxuculuq materiallarının hərtərəfli
nəzərdən keçirilməsi «Tikiş istehsalının materialşünaslığı kursunun mövzusudur. Kursun bu bölməsində
material səthinin optik xüsusiyyətlərinin və dekorativ tərtibatının formanın həllinə təsiri nəzərdən keçirilir.
Kostyum yaradarkən formanın xüsusiyyətlərindən heç birini digərlərindən ayrı nəzərdən keçirmək
olmaz. Belə ki, rəng və naxış çox vaxt kostyumun formasını təlqin edir, forma geyim üçün materiallara öz
tələblərini irəli sürür və s. Bir həllin seçimi digərlərinin seçim şərtlərini məhdudlaşdıran bütöv kompleksin
nəzərə alınmasını zəruri edir.
MƏDƏNİYYƏT TARİXİNDƏ KOSTYUMUN İŞARƏ-SİMVOLİK
FUNKSİYALARININ ANALİZİ
Namazova N.T.
Azərbaycan Dövlət İqtisad Universiteti
Mədəniyyət tarixində kostyumun işarə-simvolik funksiyaları dedikdə çox böyük bir bilik külliyyatının
araşdırılması nəzərdə tutulur. Kostyum tarixində işarə simvol anlayışının yaranması çox qədim dövrlərə
söykənir və müxtəlif mədəniyyətli xalqların dəyərlərində öz əksini tapır. Bu mövzu həm texnoloji,
baxımdan, həm də kompozisiya, rəng və eləcə də elmi baxımdan bütün dövrlərdə tədqiqat mənbəyi olaraq
tədqiqatçıların maraq dairəsini əhatə etmişdir. Azərbaycanda simvolların və ornamentlərin kostyumların
üzərinə həkk olunması, onların hər birinin ayrı-ayrılıqda bir məna kəsb etməsi, hələ qədim zamanlardan
aktual olmuş və bu günümüzə qədər gəlib çatmışdır. Fərqli-fərqli formalarda olan, ornamentlər, simvol və
işarələr müasir dövrümüzdə kostyumun və hətta digər məişət əşyalarının üzərində bəzək və naxış kimi
təqdim olunmaqdadır.
Azərbaycanda incəsənətin bütün sahələrdə rəmzi mahiyyətli simvol və işarələrin, kostyum tarixində də
bəzək elementi kimi çox yayılması, sübut edir ki, işarə və simvollar ölkəmizdə naxış yaradıcılığının
yaranmasının ilk dövrlərindən etibarən başlamışdır. Bir qrup simvollar müxtəlif formalardan ibarət
yazılardan quraşdırılmış, eyni zamanda məzmun baxımdan müəyyən bir məna daşıyan stilizə edilmiş
hərflərdən ibarət olur. Kostyumun kompozisiyasında bəzəklərarası məna daşıyan simvollar həm də müstəqil
olaraq ayrı-ayrı kompozisiyalarda da inkişaf edərək təkmilləşmişdir. Daha sonralar naxış sənəti inkişaf
Magistrantların XVIII Respublika Elmi konfransı, 17-18 may 2018-ci il
504
etdikcə geniş şəkildə ərsəyə gəlmişdir. Demək olar ki, dekorativ sənətin bütün sahələrində geniş şəkildə
istifadə olunan belə təsvir və simvollar kostyumun yaranma və inkişaf tarixində də özünəməxsus yer tutur.
Eyni zamanda qeyd etmək lazımdır ki, kostyum üzərində bir çox kompozisiyalar, naxış, ornament və
simvolların sintezi ilə kostyumun bədii xüsusiyyət daşımasına böyük təsir göstərmişdir.
Bütün bunlarla yanaşı olaraq daha çox şərq mədəniyyətinə xas olan nəbati naxışlardan da istifadə
olunurdu ki, onların da hər biri özlüyündə müyyən bir məna kəsb edirdi. Elastik xətlərlə stilizə olunmuş
bulud, od şöləsi, su, ağac, budaq, çiçəklər və s. kimi elementlər bəzək olmaları ilə yanaşı həm də rəmzi
mənalar daşıyırlar.
Bir qrup təsvirlər də süjetli, ədəbi ünsürlərin stilizə edilmiş təqlidi və dünyanın modelləşdirilməsinə
xas olan işarə, simvol və naxışlardır. Bu növdə olan təsvirlər çox qədim dövrlərə gedib çıxsa da bu gün də
müasir Azərbaycan kostyumlarının bədii tərtibatında geniş şəkildə istifadə olunmaqdadır. Bu növ simvol və
ornamentlər əsasən naxış yaradıcılığının ibtidai dövründən başlayaraq yaranıb, inkişaf etməklə kostyumun
bədii tərtibatında böyük əhəmiyyət kəsb etmişdir. Bir çox geyimlərin bədii tərtibatında eyni zamanda həndəsi
formalar və naxışlar mövcuddur. Bu naxış və simvollar bu gün də sənətkar və tədqiqatçılar tərəfindən
öyrənilib, araşdırılmaqdadır.
Həndəsi formada olan simvollar da vardır ki, onlar quruluşuna görə konkret ölçüyə malik olmaqla
yanaşı mütənasib olaraq həndəsi xüsusiyyətlərə sahibdir. Burada düz, qırıq, xətlər, bir neçə guşəli ulduzlar,
dairələr və eləcə də riyazi simvollar aktuallıq daşıyır. Eyni zamanda demək olar ki, bu işarə və simvollar
kodlaşmaya məruz qala bilən təsvirlərdir.
Müasir dövrümüzdə itmiş bəzi elementləri nəzərə almasaq görərik ki, kompozisiyaların qurulmasında
bədii, eləcə də mücərrəd formalı motivlər olduqca zəngindir. Eyni zamanda bu elementlərə nəyinki
kostyumlarda, hətta digər sənət nümunələrində də rast gəlirik.
Hər bir simvol və ornamentlərin özünəməxsus cəhətləri incəsənətin bütün dövrləri ərzində zaman-
zaman dəyişmiş və inkişaf etmişdir.
AZƏRBAYCAN XALQININ HƏYAT TƏRZİNDƏ MULTİKULTURALİZM
Nizami Kamran Xaqan oğlu
Sumqayıt Dövlət Universiteti
Coxəsrlik multikulturalizm və tolerantlıq ənənələrinə malik Azərbaycan xalqı bu fenomeni öz həyat
tərzinə çevirməyi bacarıb. Multikulturalizm həm də Azərbaycanın dövlət siyasətində prioritet istiqamətlərdən
biri kimi çoxdan öz təsdiqini tapıb. Azərbaycan çoxmillətli, qonaqpərvər bir diyardır. Burada tarixən birgə
yaşayan xalqlar, toplumlar özlərini azad, firavan hiss ediblər. Çünki, onlar özlərinə həmişə tolerant
münasibət görüb, sıxılmadan yaşayıb, yaşayır və mədəniyyətlərini yaşadırlar. Bu gün ölkəmizdə başqa
xalqların nümayəndələri öz ana dillərində təhsil ala bilir, öz dini inanclarına uyğun ibadət edir, heç bir ögey
münasibətlə üzləşmədən müxtəlif sahələrdə öz töhfələrini verirlər. Müxtəlif dövrlərdə ölkəmizdə qeyri-islam
dinindən olan insanlar üçün də ibadət yerləri, kilsələr, sinaqoqlar fəaliyyət göstərib və hazırda da onlar öz
fəaliyyətlərini davam etdirirlər. Heç kimə sirr deyil ki, Azərbaycanda dini konfessiyalar arasındakı
münasibətlərin kökündə bir-birinin dini inancı və mənəvi dəyərlərinə dərin hörmət dayanır. Bu da onu
deməyə əsas verir ki, Azərbaycan multikulturalizmin əsas məkanlarından biridir. Məzmunca
multikulturalizm ənənələri Azərbaycanda əsrlər boyu həmişə mövcud olub. Multikulturalizmin əsasını
tolerantlıq, qanunlara, bir-birinin azadlığına hörmət hissi təşkil edir. Elmi ədəbiyyatda verilən məlumata
görə, multikulturalizm anlayışı çox da qədim tarixə malik deyil. Multikulturalizm 1960-cı illərin sonunda
Kanadada meydana gəlib. Termin kimi o, 1970-ci illərdə ədəbiyyatda əks olunub. Beləliklə, multikulturalizm
bu gün Azərbaycanda gedən demokratik proseslərin və dövlət siyasətinin ayrılmaz tərkib hissəsi, Azərbaycan
xalqının isə həyat tərzidir. Bu çərçivədə keçirilən tədbirlər və görülən işlər isə ölkəmizdə multikultural
təhlükəsizliyin intellektual göstəricilərinin artıq formalaşdığını təsdiqləyir.Mövcud milli-mədəni müxtəliflik
və etnik-dini dözümlülük mühiti Azərbaycanı çoxmillətli, çoxkonfessiyalı diyar kimi dünya miqyasında
mədəniyyətlərarası dialoqun bənzərsiz məkanı etmişdir. Bu gün həmin mədəni, linqvistik, etnik
rəngarəngliyin qorunmasına yönəldilən və uğurla həyata keçirilən dövlət siyasəti multikulturalizm sahəsində
əsrlərdən bəri toplanmış böyük tarixi təcrübənin xüsusi qayğı ilə əhatə olunmasını, zənginləşdirilməsini,
cəmiyyətdə bu istiqamətdə qazanılmış unikal nailiyyətlərin beynəlxalq aləmdə təbliğinin gücləndirilməsini
zəruri edir. Multikulturalizmin həyat tərzinə çevrildiyi Azərbaycanın dünyaya tolerantlıq nümunəsi olaraq
daha geniş tanıdılmasının vacibliyini, eləcə də ayrı-ayrı ölkələrdəki müxtəlif multikultural modellərə xas