depressiometrning turli darajalarida namoyon bo’ladi. Suyuqlik darajalar orasidagi o’lchangan
farq depressiya yoki kompressiyani ko’rsatadi.
Kon laxmlaridagi havo harakatining tezligini o’lchash qanotchali va chashkali
anemometrlar orqali amalga oshiriladi. Qanotchali anemometr (19.5 rasm) aylanuvchi o’qqa
mahkamlangan yupqa plastinkalardan tashkil topgan. Anemometr o’qining
aylanishi
hisoblagichga uzatiladi. Hisoblagich laxmga kelgan havoning tezligini o’qning aylanishlar
soniga qarab ko’rsatadi. Laxm kesimi bo’yicha havo harakatining o’rtacha tezligini anemometr
bilan o’lchashning ikki usuli mavjud: “o’zining to’g’risidan” o’lchash va “ko’ndalangiga”
o’lchash. Birinchi usulda o’lchashda o’lchovchi havo oqimiga yuzi bilan turadi va qo’lini
cho’zib turgan holda anemometrni ushlab yuradi. Ikkinchi o’lchash
usulida laxm devorlariga
orqa qilib turadi va laxmning yuzasi bo’ylab anemometrni olib yuradi.
Nazorat o’lchovlarida esa maxsus o’lchash stansiyalari o’rnatiladi. O’lchov stansiyalarida
havoni o’lchash ma’lum muddatda amalga oshiriladi va maxsus kitobga
olingan natijalar yozib
qo’yiladi. Shaxtadagi gazlarning sifatini tekshirish uchun kimyoviy analizga havo probalari
gazsiz va gaz bo’yicha I va II kategoriyali shaxtalarda oyiga bir marta olinadi. Gaz bo’yicha III
kategoriyali shaxtalarda esa probalar oyiga ikki martadan kam bo’lmagan
miqdorda, yuqori
kategoriyali shaxtalarda esa oyiga eng kamida uch marta olinadi.
Dostları ilə paylaş: