304
Kərəm”, “Abbas və Gülgəz”, “Aşıq Qərib”, “Tahir və Zöhrə”,
“Şahzadə Əbülfəz” və s. kimi şedevrlər öz bətnində bu və buna
bənzər nümunələri bəsləyir. M.P.Vaqif də məhz həmin
düşüncədən gələnlərə öz əlavələrini, istedadının əlçatmazlığı
səviyyəsində olanları da qatmış və yazılı ədəbiyyata bunun
gərəkliyini göstərmişdir. Məhz böyük şairimiz S.Vurunun
dediyi kimi bunlar “könlünü bəsləmiş sazlar elində” olanlardan
gələnlərdir. Ədəbiyyatşünas Y.Babayev isə bir başqa
müstəvidə “...bunlar sırf milli (və ya milliləşmiş) geyim-əşya
elementləridir. Deməli, XVIII əsr şairi poetik obrazı milli
qiyafədə təqdim edir. Onun libasından milli mənsubiyyəti bəlli
olur. Mücərrəd qiyafə real milli libasla əvəz olunur”. (17, 724).
Yuxarıdakı misralar XVIII əsrdə etnosun geyim mədəniyyətini,
etnoqrafik həyatını aydınlaşdırmaq üçün əvəzsiz faktdır.
Ümumiyyətlə, Vaqif yaradıcılığının etnoqrafik xətti təəssüf ki,
indiyə qədər ayrıca sistemli təhlillərə çevrilməmişdir.
S.Mümtaz öz təhlillərində Vaqif təsvirinin əzəmətini konkret
bir epizodda verir və bizim üçün maraqlı olan bu təsvirin
arxasında dayanan hadisənin məhz Vaqif şeirinin qüdrətinə
istiqmətlənməsidir. O yazır ki, “Molla Pənah Vaqif yeganə
nuri-didəsi olan öz oğlu Əlağaya şeir ilə sifariş edir ki,
sayıqladığı məziyyətləri, gözəllikləri, havi bir nimtənə alaraq
Qarabağa gətirsin və bunun bulunması üçün ayaqlarına
dəmirdən nəleyin geyibən və əlinə dəmir əsa alaraq bütün
dünyanı dolaşıb hər dürlü insanlar ilə görüşüb hər bir guşəni,
xüsusən Təbriz şəhərini arasın, bulmazsa boylə bir rəxti-dilaviz
toxutdurub anası üçün töhfə gətirsin” (74, 267).
Bir nimtənə kim ta ola zərbəft nikutər – diba ana möhtac,
Mətnində bütün rabitə mövzun və sərasər – tək haşiyə qıyqac,
305
Üstündə anın aşiqü məşuq müsəvvər – dil şövqünə minhac,
Yulduza şəbiyə nəqş yeri göy kimi əxzər – nəzzarəsi bihac,
Piri-nəzəri əhl tamaşaya müqərrər – hər butəsi amac,
İçində anın şölə verə tələti-dilbər – ta bəndeyi vəhac,
Görən deyə bu mahdir ol çərxi-nur əxtər – ya bəhri-pir əmvac,
Kəbə evinin örtüyünə tuta bərabər – simasını həccac,
Gər daməni düşsə ələ əlbəttə tez eylər – bizdən qəmi ixrac,
Əndişə nə itdir çıxa bir də çəkə ləşkər – könlünü edə tarac.
(74, 267).
Göründüyü kimi, bu şeirdə də təsvir olunanlar özü ilə bağlı
əhvalat və rəvayətləri formalaşdırmışdır. Vaqifin əzəməti,
qayeyi-amalı Azərbaycan ədəbiyyatının yeni istiqamətini, yüz
illər boyu mücərrədlikdə çarpışan və orta əsrlərin dolanbac-
larında müdrikləşən və həm də qocalan sistemini yeni
istiqamətə yönləndirmək idi. Bunun texnologiyasını, həm heca
vəznində, həm də xalq şeiri üslubunda yazdıqları ilə Vaqif
reallaşdırdı. Bütün bunlarla M.P.Vaqif Azərbaycan realist
düşüncəsinin, ədəbiyyatın beşiyi başında dayanır. Beş bənddən
ibarət olan bu nümunənin iki bəndini S.Mümtaz nümunə olaraq
verir, biz isə bir bəndin əzəmətində çatdırmaqla kifayətlənirik.
Çünki yorğunuyam mən bu yolların,
Qaydasını billəm hər üsulların,
Gümüş biləklərin, bəyaz qolların,
Sarı kəhrəbası, hayıf ki, yoxdur.
Vaqif haqdan dilər lütfü kərəmlər,
Belə yerdə gəzən, vallah, vərəmlər,
306
Yenə yada düşdü bizim sənəmlər,
Getməyin binası, hayıf ki, yoxdur. (89, 104)
Vaqif yaradıcılığı, bütün olanları ilə Azərbaycan bədii
düşüncəsində təkcə ədəbiyyat hadisəsi deyil, bu əlbəttə bir
tərəfdir, Vaqif həm də etnosun ruh məsələsidir. Milli-mənəvi,
ictimai, siyasi, əxlaqi, bədii-estetik dünyagörüşünün təqdim
nümunəsidir. Məhz bu səbəbdən də “Vaqifin “Kür qırağı” şeiri
Azərbaycan coğrafiyasının bənzərsiz poetik tərcümanı olan
qiymətli lirika nümunəsidir. “Hayıf ki, yoxdur” mətləbi
Vaqifin nikbin realizminin ağrılı çalarlarının bədii ifadəsidir”
(45 7). “Kür qırağının əcəb seyrangahı var”la getməyin binası,
hayıf ki, yoxdur” arasında olanların bütünlükdə mahiyyəti
milli-mənəvi dəyərlərə, Vətən müqəddəsliyinin izharına, etnos
əxlaqın, etnoqrafik yaddaşın ifadəsinə hesablanmışdır. Vaqif
“Kür qırağında olanları “getməyin binası, hayıf ki, yoxdur”
deməklə yekunlaşdırır. Buradakı poetik sistem təkcə sadala-
nanlarla, olub-olmayanlarla səciyyələnmir, həm də formanın
əlahiddəliyi, uğurluğu, yüksək struktur sxemin əvəzsizliği ilə
qeyri-adiləşir, sirə, ecazkarlığa çevrilir. Vaqif yaradıcılığının
poetik sistemi elə bir bütövü, özünəməxsusluğu işarələyir ki,
onun ecazkarlığının elmi-nəzəri təhlillə açımı mümkünsüzdür
və üst qatda olanlar timsalındadı, alt qatında olanların izahı isə
ancaq və ancaq duymaqla mümkündü ki, yazıya gətirilməsi isə
müşküldən də müşküldür, daha doğrusu mümkünsüzdür.
307
“VAQİF” DASTANI
Vaqifin bir şair, ictimai-siyasi xadim kimi araşdırılmasında
təhlil olunmalı problemlərdən biri haqqında yaradılmış “Vaqif”
dastanıdır. İlk əvvəl, onu etiraf edək ki, şəxsiyyətin dastan-
laşması, dastana gəlişi hansısa təsadüfin hadisəsi deyildir,
əksinə dastan elə möhtəşəm sənət abidəsidir ki, orada yalnız
etnosun əvəzsiz olanı yaşamaq haqqı qazanır, dastanlaşmaq
haqqına girə bilir. Türk xalqlarının, eləcə də dünya xalqlarının
dastan ənənəsi, Azərbaycan dastançılığı bizə “Vaqif” dastanı-
nın genetikasını, məram və məqsədini aydınlaşdırmağa imkan
yaradır. Dastan təfəkkürü və onun etnosun auditoriyasında yer
alması hər xalqa nəsib olan hadisə deyildir. Böyük dövlət
törənləri, dövlətçilik ənənələri, zəngin mədəniyyətləri olaan
xalqlar bu ruha köklənə bilir və burada özlərini yaşatmaq
məqsədinə gəlirlər. “Yaradılış”, “Şu”, “Ərqənəkon”, “Boz
qurd”, “Köç”, “Oğuz Kağan”, “Uralbatır”, “Boqlandıbatır”,
“Kitabi-Dədə Qorqud”, “Manas”, “Alpamış”, “Koroğlu”,
“Corabatır”, “Edige”, “Tahir və Zöhrə”, “Əsli və Kərəm”,
“Aşıq Qərib”, “Əmrah”, “Şahzadə Əbülfəz”, “Məsum və
Diləfruz”, “Valeh və Zərnigar”, “Avdı və Mehriban” və s.
dastanlar öz ehtiva etdiyi məzmun və poetik sistemi etibarı ilə
etnosun bədii düşüncəsini, bədii-estetik dünyagörüşünü əks
etdirir. Burada ən mühüm olan məsələlərdən birisi həmin
dastanların ümumi məzmununda dayanan tarix məsələsidir.
Hər bir dastan nümunəsi başlanğıcı etibarilə bu və ya digər
dərəcədə tarixi hadisəyə bağlanır və onun üzərində pərvəriş
tapır. Lakin onu da əlavə edək ki, dastan strukturu elə əlahiddə
hadisədir ki, bütün ruhu ilə etnosun gəldiyi yolu özündə ifadə
Dostları ilə paylaş: |