Sənaye inqilabı
315
ingilis maşınlarının yeri aydın görünürdü. Dəzgahlarla bərabər
İngiltərədən güc maşınları da gətirilirdi. Bu baxımdan buxar maşınları
geniş yayılmışdı. 1846-cı ildə Prussiyada 131 firma 80 buxar maşını ilə
təchiz olunmuşdu. Bunların yayılmasının səbəbləri İngiltərədə olduğu
kimi qalırdı: Buxar maşınları su çarxlarına nisbətən böyük gücə malik
idlər, iqlimdən asılı deyildilər və çevik olaraq bir yerdən başqa yerə
aparıla bilirdilər. XIX əsrin ortalarında buxar maşınlarının geniş
yayılması sənayeləşmənin təsiri nəticəsində baş vermişdir. Bu ərəfədə
Almaniya beynəlxalq müqayisədə hələ İngiltərə və Fransadan geri
qalmasına baxmayaraq, lokomotiv və tekstil maşınlarının inkişafı
getdikcə alman maşınqayırmasının özəyinə çevrilirdi. Bu inkişaf
ərəfəsində dəzgahqayırmanın ayrıca bir sənaye sahəsi kimi
formalaşması baş verirdi.
Sənayeləşmənin sürətləndiyi bir dövrdə Saksoniya öz 232
maşınqayırma müəssisəi ilə Almaniyada aparıcı sənaye sektoruna malik
idi. Saksoniyada maşınqayırmanın inkişafında ilk vaxtlarda dağ-mədən
və metallurgiya sahələri böyük rol oynadığı halda, sonralar bu nisbət
tekstil və pambıq istehsalında tətbiq olunan maşınların xeyrinə
dəyişmişdir. 1840-cı ildə Almaniyaya gətirilən ingilis maşınlarının 53
faizi Saksoniyanın payına düşürdü [2.30]. XIX əsrin əvvəlində Çşopau
(alm. Zschopau) şəhərində ingilis Evan Evans tərəfindən bu regionda ilk
ipəyirən maşın istehsalı ilə məşğul olan müəssisə yaradılır.
1827-ci ildə Haubold döymə maşınları hazırlayan maşınqayırma
fabrikini yaradır. 1822-ci ildə onun firmasında 30 işçi çalışırdı.
Hauboldun fabrikinin Almaniya dəzgahqayırmasının inkişafında rolu
böyük olmuşdur. Gələcək Alman dəzgahqayırmasının pionerləri sayılan
Hartman
və
Tsimmerman
(alm.
Hartmann
və
Zimmerman)
maşınqayırma haqqındakı biliklərini və təcrübələrini burada almışlar.
Hartman 1809-cu ildə Bar şəhərində anadan olmuşdur. İlk peşə
təhsilini dəmirçi ixtisası üzrə alır. 14 il Hauboldun firmasında
çalışdıqdan sonra, Hartman 1837-ci ildə öz fabrikini yaradır. İlk
vaxtlarda dəmirçiliklə məşğul olan Hartman 1840-cı ildən buxar maşın-
Sənaye inqilabı
316
larının istehsalına başlayaraq, səkkiz il sonra lokomotivlərin istehsalını
da əhatə edir. 1857-ci ildən dəzgah istehsalı onun istehsal etdiyi
malların çeşidini artırmışdır.
Hartmanın firmasının sürətli inkişafını aşağıdakı rəqəmlərdən görmək
olur. 1854-cü ildə firma öz tökmə sexinə malik idi. 1858-ci ildə firmada
540 köməkçi maşın, o cümlədən 6 buxar maşını tətbiq olunurdu. 1862-
ci ildə Hartmanın firmasında 1800 işçi çalışırdı. Həmin ildə firmada
tətbiq edilən torna dəzgahlarının sayı 260-a çatırdı. Bununla bərabər 80
burğu, 70 iskənə və 30 üstyonuş dəzgahı və həmçinin 53 başqa dəzgah
da istehsal gücünü numayiş etdirirdi.
Şəkil 2.50. Dünya sərgisində Tsimmerman pavilyonu, Paris, 1867.
1865-cı ildə Hartman firmasının nəzdində kiçik dəzgahların istehsalı
üçün xüsusi sex açılır. Bu sexdə 1896-cı ildə 600 işçi çalışırdı. Alman
maşınqayırmasının inkişafında dəyərli rolu olan Tsimmerman hələ
Hartmandan da 10 il öncə dəzgahların istehsalına başlamışdır.
Sənaye inqilabı
317
Tsimmerman 1820-ci ildə Macarıstanda anadan olmuşdur. 1841- ci
ildə Kemnits şəhərinə gəlməmişdən öncə, o çilingərlik öyrənmişdir.
1846-cı ildə o, alman vətəndaşlığını qəbul edir. 1846-cı ildə
Tsimmerman öncə Tauşer firmasının həmmüdiri, 1848-ci ildən isə
ayrıca fəaliyyət göstərən maşınqayırma müəssisəsinin sahibi olur. Bu
ildən onun firması dəzgahqayırma sahəsi üzrə ixtisaslaşır. O, yeni
tikilmiş binada 50 fəhlə ilə işə başlayaraq tədricən inkişaf edir. 1863-cü
ildə onun firmasında 500, 1868-ci ildə isə artıq 1000 nəfər çalışırdı
[2.33].
1848
−
1872-ci illər ərzində Tsimmermanın firması 11000 dəzgah
istehsal edir. Bunun yalnız bir hissəsi (təxminən 25%) Almaniya üçün,
yerdə qalanları isə Rusiya, Avstriya, İngiltərə və Cənubi Amerika üçün
istehsal olunmuşdur. 1862-ci ildə Londonda, 1867-ci ildə Parisdə və
1873-cü ildə Vyanada keçirilən dünya sərgilərində texnikanın nümayiş
etdirilməsindən sonra, Kemnits dəzgahqayırmasının şöhrəti daha da
artmışdır (şəkil 2.50). Burada nümayiş etdirilən torna və yonma
dəzgahları münsiflər tərəfindən ən yaxşı dəzgah adına layiq görülür.
Şəkil 2.51. Çarx frezləmə dəzgahı, 1861.
Sənaye inqilabı
318
Əsasən torna və frez dəzgahları qonaqların diqqətini cəlb etmişdir (şəkil
2.51−2.53).
Vyanada keçirilən sərgidə Hartman da öz firmasının məhsullarını
“Kemnitsdə Saksoniya dəzgah fabriki” pavilyonunda nümayiş
etdirmişdir. O, sərgiyə əsasən deşmə, yonma və xüsusi dəzgahlar
çıxarmışdır. Bu dəzgahlar da konstruktiv quruluşu və tiplərinə görə
böyük maraq doğurmuşdur. Hartman firmasının düzəltdiyi, çəkisi 9t
olan ən böyük üfüqi deşmə və frez dəzgahları dəzgahqayırmada yeni
ölçü nümayiş etdirirdi. Hartman və Tsimmerman firmalarının uğurları
Kemnitsdə başqa yeni firmaların yaranmasına təkan vermişdir.
Beləliklə,
Kemnits
X
Ι
X
əsrin
ikinci
yarısında
alman
dəzgahqayırmasının mərkəzinə çevrilmişdir.
Şəkil 2.52. Üstyonuş dəzgahı, 1862.
Bu ərəfədə Almaniyanın başqa regionlarında da sənayenin inkişafı
sayəsində yaranan tələblərə cavab vermək üçün bir çox maşınqayırma
müəssisələri təşkil edilmişdir. X
Ι
X əsrin ortalarında maşınqayırma
sahəsində yaranan fabrik və sexlərin həm kəmiyyətcə, həm də keyfiy-
Dostları ilə paylaş: |