Mavzu: Mobil texnologiyalar uchun dasturiy vositalar yaratishda qo‘llaniluvchi dasturlash tillari Reja

DIZAYNER REJIMI
Dizayner rejimi – ilovalar interfeysi (tashqi ko‘rinishi) yaratiladigan rejim. Rejim dasturni ishga tushirishda qurilma ekranida namoyon bo‘ladigan turli dastur komponentlari: tugmachalar, matn maydonlari, rasm kabilarni tanlash va joylashtirish uchun ishlatiladi.
Dizayner rejimi ishga tushirilganda, tezkor tugmachalar yangilanadi va ular quyidagi tartibda joylashadi:
– Screen – ilova oynalari ro‘yxati (1);
– Add screen – yangi ilova oynasini qo‘shish (2);
– Remove screen – joriy ilova oynasini o‘chirish (3);
– Publish to Gallery – loyihani galereyada namoyish etish (4);
– Designer – dizayner muhitiga o‘tish (5);
– Blocks – bloklar rejimiga o‘tish (6).
Loyiha dizaynini ishlab chiqish interfeysi quyidagi asosiy qismlardan iborat:
– Pallet (Palitra) – ilova dizayni uchun foydalaniladigan komponentlar to‘plami (7);
– Viewer (Ko‘rish) – ilova ekrani, aniqrog‘i, ekranlardan biri. Ilovada turli harakatlar amalga oshiriladigan bir nechta ekrandan foydalanish mumkin (8).
– Components (Komponentlar) – ilovani yaratish jarayonida foydalanilgan komponentlar ro‘yxati (9).
– Properties (Xususiyat) – ilovada qo‘llaniladigan komponentlar xususiyatlari (masalan, rangi, o‘lchami va h. k.)ni o‘rnatish bo‘limi (10).



Qulaylik uchun “Pallete” komponentlari bir nechta toifaga bo‘linadi:
– User interface (Foydalanuvchi interfeysi) — dastur dizaynining asosini tashkil etuvchi asosiy komponentlar. Bu yerda quyidagilar joylashgan: tugmacha, matn maydoni, matn yoki sana, rasm va shunga o‘xshash elementlar (11) ;
– Layout (Maket) – jadval yoki konteynerlar. Ushbu vositalar ekranda boshqa komponentlarni joylashtirish imkonini beradi. Odatda, komponentlar ekranda bir-birining ostiga joylashtiriladi.
Konteynerlar jadvallar bo‘lib, ularning katakchalarida kerakli komponentlarni joylashtirish mumkin (12);
– Media (Media) – videokamera, ovoz yozish moslamasi, video va audiopleyer kabi komponentlar (13);
– Drawing and Animation (Chizish va animatsiya) – tasvir va animatsiya bilan ishlash imkonini beruvchi komponentlar (14);
– Maps – xaritalar bilan ishlash imkonini beruvchi komponentlar (15);
– Sensors (Datchiklar) – Android qurilmada sensorlarni boshqaruvchi qismlar: taymer, GPS, akselerometr kabilar (16);
– Social (Ijtimoiy) – ijtimoiy sohaga tegishli komponentlar: telefon kontaklardan foydalanish, ijtimoiy tarmoqqa ulanish (17);
– Storage (Saqlash) – ma’lumot va ilovalar ma’lumotlar bazalarini boshqarish imkonini beruvchi muhim komponentlar (18);
– Connectivity (Ulanish) – ilovani tashqi qurilma va dasturlar bilan ulash uchun mas’ul komponentlar, masalan, Bluetooth (19);
– LEGO MINDSTORMS – LEGO konstruktor robotlarini boshqarish uchun komponentlar (20);
– Experimental – Firebase ma’lumotlar ombori bilan ishlovchi komponentlar (21).