✦ ✦ ✦ Sona Xəyal ✦ ✦ ✦
80
alır. Otaqdan çıxırıq. Bu otağa giriş mətbəxdəndir. Yadıma keçmiş
komalar düşür. Divarından hisli lampa asılan, kandarında simavər
“oxuyan” bapbalaca daxma və bu daxmada yol gözləyən bir gəlin.
Və hardansa lap uzaqlardan bir xalq mahnısının sədaları eşidilir,
bənd-bənd, misra-misra qulağıma süzülür:
Simavərə od salmışam,
İstəkana qənd salmışam.
Yarım gedib, tək qalmışam,
Nə şirindir yarın canı...
Şahid müəllimin bələdçiliyi ilə geniş bir zala daxil oluruq. 500-dən
artıq sənətkarlıq nümunəsinin əksəriyyəti bu zaldadır. Gözüm yenə
ilkin simavərləri axtarır. Əvvəlki otaqdakı əşyaları düşünürəm və in-
ana bilmirəm ki, bu zalı bəzəyən, gözlərimizi qamaşdıran bu əşyalar
da bir müddət o kökdə olub. Bir muzey eksponatına çevrilmiş
keçmişimizə baxıram, bir də onlara yeni həyat verib əbədiləşdirən
Şahid müəllimə. İnsan əlləri nələrə qadirdir? Bir yandan yeniliklərə
aludə olub keçmişə xətt çəkilir, tarixi yaşadan əşyalar zirzəmilərə
atılır, bir yandan da tariximizi yaşatmaq istəyən oğullar onları o
zirzəmilərdən çıxarıb yeni həyata qaytarır, onlara əbədiyyət bəxş edir
və onlarla birlikdə özləri də əbədiyyət qazanırlar.
Simavərlərə yaxınlaşıram, elə bilirəm indi mənə olub-keçəndən
danışacaqlar. Baxıram biri özündə kimlərinsə həsrətini gizləyib.
Keçmişini soruşuram, bir qızın sevən, alovlanan qəlbinin hicran
səsini eşidirəm:
Simavər yana-yana,
Buğlanır yana-yana.
Danışırıq kağızla,
Dil qalır yana-yana.
Bütün zalı gəzirik. Qış olduğu üçün çox soyuqdur. Bilmirəm,
bəlkə də həsrətdən danışdıq, ona görə donuruq. Düşünürəm, xalqın
adət-ənənələri bir-bir gözüm önümdən gəlib keçir. Qadağalarla
yanaşı gizli görüşlər də, oğrun-oğrun baxışlar da boylanır
əşyalardan. Hansı əşyaya baxırsan, sanki sənə bir sevgi nağılı
danışmaq istəyir. Yenə də uzaq keçmişin səsi gəlir:
✦ ✦ ✦ Mədəniyyəti, incəsənəti yaşadanlar ✦ ✦ ✦
81
Simavəri qaynadan,
Üstdə çaynik oynadan.
Əyil, üzündən öpüm,
Qaş altdan göz oynadan.
Bir anlıq simavərlərdən ayrılıram. Qədim bəzək əşyalarına, xırda
pullara, nəhayət silahlara baxıram. Gözüm önündə bir anlıq
igidlərimiz gəlib durur. Ulu keçmişimizi fikir-fikir, düşüncə-dü-
şüncə gəzirəm. Xəncər, nizə, qılınc dövrünü keçirəm, zaman-zaman
dolanıb gəlib bu günümüzə çıxıram. Tarixin qan yaddaşında ağrı
çəkən, böyük ideallara hamilə olan arzularımızı oxuyuram bu
silahların parıltısında. Anaların, bacıların oğul, qardaş sevgisini,
eyni zamanda fəxarətini duyuram. Bu zaman hardasa yenə də bir
qızın kövrək səsi gəlir qulaqlarıma:
Simavər cəh-cəh vurar,
Üstündə nimçək durar.
Qurban olum qardaşa,
At üstdə göyçək durar.
Və yenə də simavərlərə yaxınlaşıram. Ulu nənələrimizin
mənəviyyatı hopmuş bu ekponatlara baxdıqca, sanki içimdən bir
həzin giley keçir, nəsə demək istəyirəm. Amma susuram. Hər
dövrün öz ab-havası var,-deyə düşünürəm. Hər halda eksponatla da
olsa keçmişə qayıtmağın mümkünlüyünü görüb sevinirəm və bu
sevinci bizə bəxş edənlərə minnətdarlıqla “sağ olun” deyirəm.
Şahid müəllimdən ayrılıb çıxırıq. Asiflə də xudahafizləşib av-
tobusa minirəm. Avtobus metrodan üzü Maştağaya hərəkət edir,
mən isə əksinə özümdən çıxıb üzü keçmişə səyahət edirəm. 300 illik
tarixi olan ulu simavərin sorağına gedirəm. Fikrim Lahıcı dolanır,
bütün Azərbaycanı gəzir. Azanda əlimdəki “Azərbaycan” adlı ka-
taloqu açıb baxıram. Bəzən isə Şahid müəllimin söhbət əsnasında
danışdıqları köməyə gəlir. Beynimdə bir “Simavər” nağılı yaranır.
Bir qədər sevincli, bir qədər kədərli, bir az şeirli-nəğməli, bir az
faktlı-sitatlı, bir saat dünənli, bir saat bugünlü, bir az kürünc
göy-yaşıl-boz, bir az parlaq, qızılı bir nağıl... Onu hamıya
danışmaq keçir könlümdən...
“Real-Press”, “Qarabağa aparan yol” qəzetləri, 2009
✦ ✦ ✦ Sona Xəyal ✦ ✦ ✦
82
GƏLİNLƏR, ANALAR, NƏNƏLƏR GÖRDÜM
Simavər nağılını qələmə alan gecə uzun-uzun düşündüm. Haçan
yuxuya getdiyimi bilmədim. Bəlkə də heç gördüyüm yuxu da deyildi.
Bir də ki, yuxu, ya xəyal. Nə fərq edər ki, əsas məsələ gördüklərimdə
idi. Şahid Həbibullayevin xəzinəsində idim. Keçmişimizdən bu
günümüzə nağıllar danışan nadir incilərin birini qoyub o birini
götürürdüm. Təəccüblü olan isə bu idi ki, hər incinin yanında kimsə
var idi. Sanki incilərin oğurlanmasından qorxurlarmış kimi onları
qoruyurdular. Elə bil ki, hər dəfə götürdüyüm qabı mənə kimsə verir
və sonra yenidən alıb yerinə qoyurdu. Bir qədər yubananda isə onu
oğurlayacağımdan ehtiyat edib təkidlə geri istəyirdi.
Budur, incə naxışlarla bəzədilmiş şərbət qabını götürürəm.
Yadıma hansısa bir qədim mərasimi əks etdirən kadrlar düşür. Bu
şərbət qabını bir gözəlin əlində görürəm, bir-bir qədəhlərə şərbət
süzüb məclisə gələnlərə paylayır. Ortada isə qız-gəlin süzür. Analar
oğullarına qız bəyənirlər. Dilimə xalqın mənəvi xəzinəsindən olan
digər bir inci süzülür:
Kəmər bağla belinə,
Şərbət verim əlinə.
Sən gəlinim olanda
Xına qoyum telinə.
Başqa bir gözəlinsə əlində şərbət dolu dolça görürəm. Həmin
dolça da indi Şahidin kolleksiyasındadır. Amma kolleksiyada bir
deyil, beş deyil, onlarla dolça var və müxtəlif ölçülü, müxtəlif
naxışlı, tarixin müxtəlif zaman kəsiklərində hansı bir ustanınsa
əlindən çıxmış, illərlə neçə-neçə ev gəzmiş, neçə gəlinin cehizi
olmuş, neçə-neçə məclislər yola salmış bu dolçalar bir kolleksiyada
toplanana qədər uzun tarixi bir yol keçiblər. Dolçalar şərbətdən
başqa müxtəlif içkilər: gülab suyu, iskəncəbi suyu, eləcə də adi su
paylamaq üçün də itifadə olunurdu. Dolçaları bir-bir götürüb
baxıram, hər dəfə gözümə bir gəlinin surəti görünür. Kimisi
gülümsəyir, kimisinin göz yaşları yanağından üzüaşağı yuvarlanır.
Bəziləri hətta dolçalardan bərk-bərk yapışıb buraxmaq istəmir.
Sanki hansı bir xatirəsinin onda donub qaldığını hiss edirəm. Şahid
Dostları ilə paylaş: |