✦ ✦ ✦ Mədəniyyəti, incəsənəti yaşadanlar ✦ ✦ ✦
71
UĞUR DA VAR, NÖQSAN DA
Mən incəsənət adamı deyiləm. Amma hər dəfə bir konsertə, ta-
maşaya, kimnoya baxanda öz təəssüratımı yazmaq istəsəm də,
nədənsə saxlayıram sonraya. Bəlkə də tənqidlərimin bir qədər sərt
çıxacağından, kiminsə xətrinə dəyəcəyimdən ehtiyat edirəm. Axı,
mən ədəbiyyatla bağlı yazılarımda da beləyəm: ancaq xoşuma gələn
yazıçıdan, məni tutan əsərdən yazıram, xoşuma gəlməyənlər
haqqında yazmağa vaxt itirmək istəmirəm.
Bu gün, elə bir az əvvəl ATV kanalında haqqında neçə ay əvvəl
eşitdiyim bir filmə baxdım. Əslində, mən bu filmi gözləyirdim. Evdə
də bildirmişdim ki, təkrar veriləndə mənə xəbər eləsinlər. Məhz bu
filmə baxmaq üçün bu gün bütün işlərimi təxirə salıb evdə
qalmışdım. Bu da ondan irəli gəlir ki, İzzət Bağırov mənim gənclər
içərisində ən çox bəyəndiyim, həm sənətinə, həm də şəxsiyyətinə
hörmət bəslədiyim müğənnidir. Onu da qeyd edim ki, gənclər ara-
sında ümüdverici müğənnilər var, amma nədənsə mən davranışı,
ədəb-ərkanı, əqidəni, imanı sənətlə paralel görmək istəyirəm və bu
mənada İzzət Bağırovla Zülfiyyə Xanbabayeva diqqətimi daha çox
çəkir.
Mən demirəm İzzət hamıdan böyük sənətkardır. Amma sənət-
kardır. “№-1” müsabiqəsində biz də onu dəstəkləmişdik, qələbəsinə
çox sevinmişdik. Çünki, Aygün Kazımovanı çıxmaq şərtilə, yerdə
qalan müğənnilərin heç biri İzzətdən yuxarı çıxış eləmədi. Burada
bir təəssüfümü də qeyd etmək istəyirəm ki, o müsabiqə Aygün
Kazımovanın yeri deyildi. Əgər Faiq Ağayev o müsabiqəyə qatıl-
mamışdısa, Aygün Kazımova heç qatılmamalıydı. Bu iki müğənni o
müsabiqədə çıxış edən müğənnilərdən bir pilə yuxarıda dayanır. Elə
bilirəm ki, musiqidən az-çox başı çıxan adamlar bu fikirlə
razılaşarlar...
Nə isə, gələk filmə. Təbii ki, mən sənətşünas olmadığıma görə,
sadəcə bir tamaşaçı kimi xoşuma gələn və məni məyus edən bəzi
detallardan danışacağam. Bu subyektiv fikirləri kimlərsə qəbul
etməyə də bilər...
Filmdə ən çox xoşuma gələn Nuru və Toğrul obrazları oldu.
Aktyorlar da vəzifələrinin öhdəsindən lazımınca gələ bilmişlər.
Daha sonra katibənin telefon danışığı, eləcə də Orxanın yerinə
✦ ✦ ✦ Sona Xəyal ✦ ✦ ✦
72
gələn “karateist musiqiçi” obrazı qənaətbəxş idi. Baş rollar–Or-
xanla Südabə o qədər də təbii təsir bağışlamırdı.
İzzəti sevdirən ən qabarıq cəhət odur ki, onun həm baxışlarında,
həm də səsində cazibə var. Səsi o qədər yanıqlıdır ki, oxuduğu
mahnı dinləyicinin sümük-iliyinə işləyir. Amma təəssüf ki, İzzət
çox xəsislik edib, Orxana çox az şey verib.
Filmin ssenarisini kim yazıb, bilmirəm. Diqqət etmədim. Bu o
qədər də önəmli deyildir. Əslində, ssenari ilə işim yoxdur. Sadəcə
bir dilçi kimi bəzi səhvlərə iradımı bildirmək istəyirəm. Orxandan
soruşanda ki, niyə anasını şəhərə gətirmir, deyir: “...Neçə dəfə
getmişəm. Zəng də etmişəm”. Burada məntiq pozulur. Bəlkə əvvəl
“zəng etmişəm”, sonra “getmişəm” olmalıydı. Yaxud, anası şəhərə
gəlmək istəməyəndə, zəng vurub deyir ki: “Niyə yanıma gəlib
köçmək istəmirsən?”. Əslindəsə, “Köçüb gəlmək istəmirsən”
olmalıdır. “Biri gəlir, yetmişi gedir, yetmişi gəlir, biri gedir”.
Burada say bərabərliyi olsaydı daha düzgün olardı: biri gəlir, biri
gedir, beşi gəlir, beşi gedir. Lap olsun yetmişi gəlir, yetmişi gedir.
Bir yerdə Nərmin Orxana deyir ki: ”Ünvanı verərdiniz”. Orxan
cavab verir ki: “Ünvanı deyim”. Burada sadəcə “hə, deyım”, “de-
yim, yazın” və s. olmalı idi. İkinci dəfə “ünvan” sözünün işlənməsi
arqıqdır.
Başqa bir yerdə “Konserti o tapşırıb, amma mən oxumuşam”
deyən Orxan bir qədər gedir, qapıya çatanda dönüb deyir ki: ”Bir
də, tamaşaçı qarşısına mən çıxmışam”. Burada “bir də” ədatına nə
ehtiyac var idi? Əslində, bu cümlələr “bir də” işlətmədən bir
mürəkkəb cümlə kimi deyilməliydi, bu daha güclü çıxardı.
Bir də, festifalda, eləcə də hər hansı bir konsertdə uzun-uzadı
təqdimat olmur. Sadəcə çıxış edənin adı, soyadı deyilir. Təntənəli
təqdimatlar yubiley tədbirlərində, məclislərdə olur. Burada yersiz idi.
Ssenari özü hələ film çəkilməmiş, ayrıca bir əsərdir. Onun da
redaktəyə ehtiyacı var. Ola bilər ki, kino sənətini bilən adam rusdilli
olsun, Azərbaycan dilini yaxşı bilməsin. Ona görə də belə ssenarist
əsərini bir dilçiyə göstərməlidir. Son zamanlar bədii əsərlərdə,
mahnı mətnlərində belə səhvlərə çox rast gəlinir. Bunlar yol-
verilməzdir. Nə isə, qayıdaq filmə...
Filmdə müəyyən köməkçi detallar yerləşdirilmişdi, amma onların
✦ ✦ ✦ Mədəniyyəti, incəsənəti yaşadanlar ✦ ✦ ✦
73
əsas mövzu ilə əlaqəsi zəif idi. Məsələn, Azərin inşaatçı olmaq istəyi,
sevinclə hündür, başı buludlara dəyən binalar tikmək arzusu və onun
paralelində yoldaşının təyyarəçi olub onun tikdiyi binaları bom-
balamaq istəyi və bundan yaranan kədər, təşviş. Bunlar yaxşı olduğu
qədər də sönük idi. Sadəcə söz idi, uşaq həmin yaşantını verə bilmirdi.
Neyləməli. Biz hələ “Sezərcik”lər yetişdirməmişik, baxmayaraq ki,
keçmişə dönəndə bizim kinomuz daha güclüdür.
Orxanın evinə gedərkən yol üstündə hər dəfə rastlaşdığı qonşular,
onların sevinci, sadə insanların tanınmış müğənniyə olan sevgisi,
bunun paralelində məşhur müğənninin sadəliyi, mehribanlığı olduqca
gözəl verilmişdir, amma baş qəhrəmana kömək üşün əlaqələri çox
zəifdir. Ancaq Çingiz bir aktyor kimi öz rolunu çox gözəl oynayır.
Kiçik rol olsa da, böyük rol qədər yadda qalır.
Burada Nurunun özüylə bağlı köhnə qəzet yazılarını oxuması isə
kiçik detal deyildir. Demək, artıq böyük istedadın mütləq məhv
olacağına xəbərdarlıq var. Amma filmdə çox tələskənlik oldu-
ğundan, hadisələr o qədər tez inkişaf edir ki, baş qəhrəman bu
xəbərdarlığı duya bilmir. Bəlkə də duyur, amma faciədən qaçmağa
imkan tapmır. Nuru obrazı sadəcə “Həmişə belə olub” fikrini sübut
edəcək detal təsiri bağışlayır. Burada Nuru ölür, amma Orxan bu
ölümdən nəticə çıxarıb özünü qoruya bilmir. O da ölür. Bu bir növ
ənənəvi türk filmlərinin sonluğunu xatırladır.
Film maraqlıdır, amma azdır, tamaşaçını doydurmur. Bu qədər
detalla, bu mövzu ilə daha geniş metrajlı film çəkmək olardı. Ola
bilsin ki, mətn maddi vəsaitin azlığı üzündən sıxışdırılmışdır. Mən
bu filmi bir qədər başqa cür görmək istərdim. Yaxşı olardı ki,
Orxanın taleyi Nurunun taleyi kimi olmayaydı. Bir də Orxan
Südabəni başa salmağa çalışsaydı, daha yaxşı olardı. Orxan
Südabəni tərbiyə edə bilərdi. Kaş, Südabə onu vuraydı, amma
Orxan sağalaydı və peşiman olan Südabəni bağışlayaydı. Hətta
hardasa yaxşılıqlarını nəzərə alıb, onu həbsdən qurtaraydı, onunla
dostluğunu davam etdirəydi. Nəhayətdə, Südabə səhvini başa düşüb
dəyişəydi. Biz əslində sənətdə bu yola doğru getməliyik...
Çox istərdik ki, növbəti filmdə bu nöqsanlar olmasın. İzzətə isə
uğurlar arzulayırıq.
“Qarabağa aparan yol” qəzeti, 30.08.08.
Dostları ilə paylaş: |