Gülüstan müqaviləsi
565
müqaviləsinin imzalanmasından və qarşılıqlı şəkildə təsdiqlənməsindən
sonra qəbul edilə bilər (87).
General Rtişşev şah sarayının irəli sürdüyü yeni təkliflərlə
münasibətini növbəti məktubunda yazıb şah elçisi Məhəmmədəli bəy
vasitəsilə geri, Qor Uzeleyə göndərdi. Məhəmmədəli bəylə birlikdə
Cənubi Qafqazdakı rus qoşunlarının növbətçi generalı vəzifəsini icra
edən mayor Mandrıkin də Qacar sarayına göndərildi. Qacar sarayı
tərəfindən sülh müzakirələrinin başlanmasına qərar verilsəydi mayor
Mandrıkin Mirzə Əbülhəsən xanın heyətini Gülüstana kimi müşayiət
etməli idi. Qor Uzeleyə göndərdiyi məktubunda general Rtişşev bir daha
bildirdi ki, Qacar sarayının irəli sürdüyü son təkliflər qəbul edilməzdir
və əgər Qacar heyəti yalnız həmin təkliflərin nəzərə alınacağı şərtilə sülh
müzakirələrinə yollanmaq istəyirsə, bunun bir nəticəsi olmayacaqdır və
o, ümumiyyətlə müzakirə yerinə gəlməyəcəkdir. General Rtişşev ser Qor
Uzeleydən bir daha bu məsələ ilə məşğul olmağı və Qacar sarayının öz
mövqeyini dəyişməyəcəyi təqdirdə mayor Mandrıkini geri yola salmağı
xahiş etdi (88).
General Rtişşev bu dəfə də şərtlərini Qacar sarayına qəbul etdirməyə
müvəffəq oldu. Onun yazışmalarından aydın olur ki, 1813-cü il sentyabr
ayının əvvəllərində ingilis elçisi Qor Uzeleydən məktub aldı və Qor
Uzeleyin Qacar sarayında apardığı işlərdən məlumatlandı. Qor Uzeley
ona Qacar sarayının irəli sürülən bütün təkliflərlə razılaşmasını açıqladı.
Müqavilə imzalanmasından sonra Rusiyanın bəzi əraziləri boşaltmasının
çətinliyi barəsində maddəyə gəlincə isə, ingilis elçisi bildirirdi ki, general
Rtişşev həmin maddəni dəyişə bilər. Baş komandan təkliflərini qəbul
edilməsini şah sarayının Rusiya təklifləri qarşısında güzəştə getməsi kimi
qəbul etdi. O bəyan edirdi ki, Qacar sarayı Rusiyanın gücü qarşısında
güzəştə getmək məcburiyyətində qalmışdı. Bu baxımdan o, rus
eskadrilyasının Lənkərana çıxarılmasını Rusiyanın gücünün nümayişi
kimi dəyərləndirirdi. Onun fikrincə, şah sarayı rus hərbi gəmilərinin
Xəzər dənizinin cənubuna doğru irəliləyəcəyindən ehtiyat edirdi və ona
görə də sülh müqaviləsinin imzalanmasına razı oldu. Qacar sarayı da-
nışıqların nə vaxt başlaması haqqında da qərarını açıqladı. Gözlənilirdi
ki, Mirzə Əbülhəsən xan sentyabrın 20-də Gülüstana yetişəcək. Onun
yetişməsi ilə də danışıqlar başlana bilərdi. Bununla belə, general Rtişşev
şah sarayının sülh müzakirələrindən yayınmağa cəhd göstərməsini də
istisna etmirdi. Bunun üçün əslində səbəb də var idi. Sülh müqaviləsi
Qacar sarayı tərəfindən arzu olunmayan şərtlər üzərində qurulmuşdu.
General Rtişşev həm də ehtiyat edirdi ki, 50 günlük barışıqdan istifadə
edərək Qacar sarayı yeni döyüşlərə hazırlaşmağa başlaya bilər. Ona görə
Mehman Süleymanov
566
də general Rtişşev rus qoşunlarına da döyüşə tam hazır vəziyyətdə olmaq
tapşırığı verdi. General Rtişşev onu da istisna etmirdi ki, şah sarayı
danışıqlara başlamaqla vaxt udmaq istəyir. Şah sarayının müqavilənin
imzalanmasına meylli olmayacağı halda general Rtişşev sülh müzaki-
rələrini dərhal dayandıracağını və Qacar sarayını sülh müqaviləsini
imzalamağa məcbur etmək üçün yenidən silaha əl atacağını bildirdi (89).
Mirzə Əbülhəsən xan
Gülüstan müqaviləsi
567
Hər halda Qacar sarayı çıxılmaz vəziyyətdə qalaraq sülh mü-
zakirələrinin başlanmasına qərar verdi. Sülh müzakirələrinin aparıl-
masına səlahiyyətli olması barəsində şah sarayı tərəfindən Mirzə
Əbülhəsən xana fərman verildi və o, heyəti ilə birlikdə Gülüstan kəndinə
yola salındı. General Rtişşev isə sentyabr ayının 10-da sülh müzaki-
rələrinin aparılması üçün Tiflisdən Gülüstana doğru irəliləməyə başladı
və sentyabr ayının 21-də Gülüstana yetişdi. O dərhal da öz adyutantını və
kiçik bir silahlı dəstəni Mirzə Əbülhəsən xanın qarşılanmasına göndərdi.
Mirzə Əbülhəsən xan Qarabağ xanlığı ərazisində ehtiramla qarşılandı və
Gülüstan kəndinə müşayiət olundu. Gülüstan kəndinə yaxınlaşanda isə
onun pişvazına bir eskadron çıxarıldı. Bir neçə şah əyanı və 350-yə qədər
adamla müşayiət olunan Mirzə Əbülhəsən xan nəhayət sentyabrın 27-də
Gülüstana yetişdi (90).
Farsdilli mənbə və araşdırmaların məlumatına görə, general Rtişşevin
xüsusi nümayəndəsi olan yavəri Təbrizə gəldi ki, şah sarayının nüma-
yəndəsini sülh müqaviləsinin imzalanması üçün Gülüstana müşayiət
etsin. General Rtişşevin xüsusi nümayəndəsi bir eskadron kazak tərə-
findən müşayiət olunurdu. Xüsusi nümayəndə bölgəyə gəlmiş olan şah
tərəfindən də qəbul edildi və
bununla da əslində şah sarayının ikitərəfli müqavilə imzalanmasına
razılığı ifadə olundu. Bundan sonra xüsusi nümayəndə şah sarayının
təmsilçisi ilə birlikdə Gülüstana doğru üz tutdu (91).
Burada sözsüz ki, söhbət mayor Mandrıkindən gedir. Mayor Mandrı-
kin sentyabr ayının 20-də Təbrizdən general Rtişşevə məktub göndərdi
və bildirdi ki, nümayəndə heyətinin sentyabrın 23-də Gülüstana yetişməsi
gözlənilir. Elə həmin gün general Rtişşev ingilis elçisi Qor Uzeleydən də
məktub aldı. Amma şah sarayının nümayəndə heyəti sentyabr ayının 23-
də deyil, yuxarıda qeyd edildiyi kimi, sentyabrın 27-də Gülüstana yetişdi.
Heyətin yolda ləngiməsinin nə ilə bağlı olduğunu söyləmək çətindir.
Bununla belə, heyətin səfəri general Rtişşevin nəzarəti altında idi. Araz
çayının şimalına adlayandan sonra Mirzə Əbülhəsən xanın heyəti üç
yerdə xüsusi şəkildə qarşılandı. Araz çayını adlayanda heyəti general
Rtişşevin yavəri və kiçik kazak dəstəsi qarşıladı. Gülüstan yaxınlığında
isə heyətin qarşılanmasına bir eskadron draqun və general Rtişşevin
dəftərxanasının vəzifəli məmurları göndərildi. General Rtişşev sentyabr
ayının 21-dən Gülüstanda idi və o dərhal da şah heyətinin yerləşməsi
üçün xüsusi çadırların qurulmasına göstəriş verdi (92).
İkitərəfli müqavilənin imzalanması üçün çox fəallıq göstərmiş olan
ingilis səfiri Qor Uzeley Gülüstan danışıqlarında iştirak etmədi. Müqa-
vilənin hansı şərtlərlə bağlanacağı artıq ona bəlli idi və əslində o,