Mehman Süleymanov
562
General Rtişşev
İngilis elçisi Qor Uzeley general Rtişşevə göndərdiyi məktubunda iki
ölkə arasında müqavilənin müzakirəsi və imzalanması üçün yenidən
Qacar sarayının səfirinin Rusiyaya göndərilməsi məsələsini qaldırdı.
General Rtişşev isə yenə də bu təklifin əleyhinə çıxdı və səfirlərin
mübadiləsinin yalnız sülh müqaviləsinin imzalanmasından sonra
mümkün olacağını bildirdi. Bir daha o, ingilis elçisinə çatdırdı ki, Qacar
dövləti ilə sülh müqaviləsinin imzalanması səlahiyyəti ona verilmişdir və
bunun üçün Rusiya paytaxtına elçi göndərməyə ehtiyac yoxdur (83).
Gülüstan müqaviləsi
563
Qacar sarayı çalışırdı ki, sülh müzakirələrinin Peterburqa keçirməsinə
nail olsun. Güman edilirdi ki, bir başa Rusiya sarayının iştirakı ilə
aparılan müzakirələrdə müəyyən güzəştlər əldə etmək mümkün olacaq,
Qacar nümayəndələri tərəfindən qaldırılan təkliflərə Rusiya sarayı
diqqətlə yanaşacaqdır. Bu təklif general Rtişşev tərəfindən qətiyyətlə
rədd ediləndə Qacar sarayı kiçik sülh müqaviləsi təklifini irəli sürdü. Bu
təklifin də mahiyyəti ondan ibarət idi ki, böyük sülh müqaviləsinin
razılaşdırılması Peterburqa keçirilsin və orada Rusiya sarayı qarşısında
işğal edilmiş ərazilərin müəyyən hissəsinin azad edilməsi məsələsi
qaldırılsın. Hər halda Qacar sarayında Rusiya imperatorunun yumşaqlıq
nümayiş etdirəcəyinə bir ümid var idi (84).
General Rtişşev sülh müzakirələrini başa çatdırılması üçün 50 günlük
barışıq elan edilməsi ilə razı olduğunu bildirdi. O eyni zamanda sülh
müzakirələrinin aparılması üçün yer də təklif etdi. Bu yer İrəvan xanlığı
ilə Naxçıvan xanlığının sərhədində, Araz çayı yaxınlığında, Ağoğlanla
üzbəüz olan Gülüstan kəndi idi. Müzakirələrin aparılması üçün bir də
Lənkəran xanlığı sərhədi yaxınlığında münasib bir məkan təklif olundu.
General Rtişşev ingilis səfirinin nəzərinə çatdırdı ki, sülh müzakirələrini
aparacaq şah nümayəndəsi konkret səlahiyyətə, aydın təsəvvürə malik
olsun. O xəbərdar edirdi ki, Qacar nümayəndəsi müvafiq səlahiyyətə və
avtoritetə malik olmasa, onda onunla müzakirələr aparılmayacaqdır (85).
General Rtişşev tərəfindən Gülüstan kəndinin müzakirə yeri kimi
seçilməsi təsadüfi deyildi. Gülüstan kəndi Qarabağ xanlığının ərazisində
yerləşməklə Araz çayına da yaxın idi. Həm də bu məntəqədə çoxlu ərzaq
ehtiyatları var idi. Konkret tarixi şərait üçü Gülüstan kəndinin sülh
müzakirələrinin yeri kimi seçilməsi həm də hərbi-strateji əhəmiyyət kəsb
edirdi. Gülüstanda olduğu vaxt ərzində general Rtişşev həm Gürcüstanı,
həm Talış xanlığını, həm də Pəmbəki ciddi nəzarət altında saxlaya
bilərdi. Həmin məntəqələrdə Rusiya əleyhinə həyəcanlar və ya rus qüv-
vələrinə qarşı döyüşlər baş versəydi, general Rtişşev ətrafındakı
qüvvələri tez bir zamanda həmin məntəqələrə ata bilərdi.
General Rtişşev 1813-cü ilin iyul ayının ortalarında bu təkliflərinin
məktub halına salaraq Kembpel vasitəsilə Qor Uzeleyə göndərdi. Bu
məktuba cavab almaq və bununla qarşı tərəfin irəli sürülən təkliflərə
münasibətini öyrənmək üçün general Rtişşev xeyli gözləməli oldu. Çünki
Qor Uzeleyin məktubuna cavab bir də avqust ayının sonlarında alındı.
Yazılanlardan aydın olur ki, general Rtişşevin məktubunu alandan sonra
onun təkliflərinin qəbul edilməsi üçün Qor Uzeley Qacar sarayının
əyanları ilə xeyli iş aparmalı olmuş və nəhayət bu təkliflərin qəbul edil-
məsinə nail olmuşdu. Bununla da Qacar sarayı nəhayət ki, sülh müqa-
Mehman Süleymanov
564
viləsinin imzalanmasına razı oldu. O da bəlli olur ki, Qacar sarayı verilən
təklifləri heç də asanlıqla qəbul etmədi. Heç şübhəsiz ki, onların qəbul
edilməsi üçün Qor Uzeley yenidən şantaj və təhdid yolunu tutdu və əldə
edilən nəticəyə görə Qor Uzeley yenidən general Rtişşevin səxavətli
tərifləri ilə qarşılaşdı (86).
Sülh müqaviləsinin imzalanması ilə bağlı Qacar sarayında son
müzakirələr və məsləhətləşmələr aparılandan sonra nümayəndə heyətinin
rəhbəri kimi Mirzə Əbülhəsən xan təyin edildi. General Rtişşev Mirzə
Əbülhəsən xanın şah heyətinin rəhbəri təyin edilməsini məmnunluqla
qarşıladı. Sülh müzakirələrinin aparılacağı yerin müəyyənləşdirilməsi isə
general Rtişşevin öhdəsinə buraxıldı. O isə yenidən müzakirələrin
Gülüstanda aparılmasını təklif etdi və bu təklif Qacar sarayı tərəfindən
qəbul olundu. O cümlədən, şah sarayı tərəfindən sülh müzakirələrinin
aparılması üçün 50 günlük barışığın elan edilməsi təklifi də qəbul olundu.
Bununla da iki dövlət arasında sülh müqaviləsinin imzalanması üçün
ilkin şərtlər yaradılmış oldu. Bununla belə, Qacar sarayı Rusiya
tərəfindən işğal edilmiş müəyyən ərazilərin azad edilməsində israrlı idi.
Ona görə Rusiya tərəfinə təklif olundu ki, Rusiya tərəfindən işğal
olunmuş ərazilərin müəyyən hissəsinin gələcəkdə azad edilməsinin
mümkünlüyü haqqında müqaviləyə xüsusi bir bənd əlavə edilsin. İngilis
elçisi Qor Uzeley bu barədə məktubunda general Rtişşev qarşısında
məsələ qaldırdı. Rtişşev isə bu təklifi birmənalı şəkildə rədd etdi. O
bildirdi ki,bölgədə status-kvonun saxlanması şərti ilə müqavilə
imzalanması Qacar sarayı tərəfindən qəbul edilmişdir. Bu şərtlə müqavilə
imzalanmasından sonra gələcəkdə hansısa ərazilərin azad edilməsi artıq
mümkün olmayacaqdır. İngilis elçisinin məktubunda eyni zamanda kiçik
sülh müqaviləsinin imzalanması təklifi də xatırlanırdı. Bu təklif də
Rtişşev tərəfindən rədd edildi və bu təkliflərin irəli sürülməsini o, Qacar
sarayının sülh müqaviləsinin imzalanmasına etimadsızlıqla yanaşması
kimi qiymətləndirirdi. Qacar sarayının sülh müzakirələrindən yayınması
ehtimalının qarşısını almaq üçün general Rtişşev başqa bir təklif irəli
sürdü. O təklif etdi ki, onun irəli sürdüyü tələblər əsasında sülh
müqaviləsinin imzalanan sülh müqaviləsinə ayrıca bir əlavə qəbul
edilsin və həmin əlavədə nəzərdə tutulsun ki, sülh müqaviləsinin
imzalanmasından sonra şah sarayının heyəti Rusiya paytaxtına yollansın
və İran tərəfinin bütün xahişləri və təklifləri Rusiya sarayı qarşısında
qaldırılsın. Əlavə o da bildirilməli idi ki, Qacar heyəti tələb yox, yalnız
xahiş irəli sürə bilərdi. General Rtişşev öz tərəfindən də vəd etdi ki,
Qacar sarayının xahişlərini və təkliflərini Rusiya imperatoruna çatdıra-
caqdır. Baş komandan onu da çatdırdı ki, müqaviləyə əlavə əsas sülh