Gülüstan müqaviləsi
595
edilməsi ilə imzalandı. Bununla Arazın şimalında və cənubunda yerləşən
Azərbaycan xanlıqları arasında siyasi əlaqələr qırıldı və bu xanlıqlar
fərqli dövlətlərin hakimiyyəti altında qaldılar.
Gəncə və Bakı xanlıqları işğal edilən kimi ruslar tərəfindən orada
xanlıq üsul-idarəsi dərhal, Quba xanlığında isə Gülüstan müqaviləsinin
imza edilməsi ərəfəsində ləğv edildi. Digər xanlıqların xanlıq üsul-idarəsi
bir müddət saxlanıldı. Lakin həmin xanlıqların Rusiya tərkibinə qatılması
ilə ikitərəfli müqavilələr imzalandı və xanlar Rusiyaya sədaqətli
olacaqları barəsində and qəbul etdilər. Xanlıq üsul-idarəsinin saxlanıl-
masından istifadə etməklə yerli xanlar müstəqilliklərini qorumaq üçün
göstərdikləri bütün cəhdlər rus generallarının ciddi müqaviməti ilə qarşı-
laşdı və bununla həmin xanlara göstərildi ki, onların idarə etdikləri
xanlıqlar artıq Rusiya dövlətinin tərkib hissəsidir.
Bəzi tarixi ədəbiyyatda Gülüstan müqaviləsi Gülüstan sülh müqa-
viləsi kimi xatırlansa da, əslində bu müqavilə sülhə bağlı olmayan,
Rusiyanın Azərbaycan xanlıqları və bütünlükdə Cənubi Qafqaz üzərində
işğalını rəsmiləşdirən siyasi bir sənəd idi. Ona görə bu müqavilənin sülh
müqaviləsi adlandırılması onun Cənubi Qafqaza gətirdiyi tarixi reallıq
haqqında tam olmayan bir təsəvvür yarada bilər.
Gülüstan müqaviləsini ortaya qoyduğu nəticələrdən biri də hərbi-
siyasi nəticə idi. Bu müqavilə Azərbaycan xanlıqları ərazisində və
bütünlükdə Cənubi Qafqazda cərəyan edən hərbi əməliyyatların nəticəsi
kimi ortaya çıxmış bir sənəd idi. Rusiya öz hərbi üstünlüyünü bu sənədin
imzalanması ilə qarşı tərəflərə qəbul etdirmiş oldu.
Rusiya dövrün inkişaf etməkdə olan güclü dövlətlərindən biri idi.
Onun iqtisadi sahədəki inkişafı silahlı qüvvələrin təchizatında da özünün
ifadəsini tapdı və buna görə, Rusiyanın ordusu istər təchizat baxımından,
istər təşkilatlanma baxımından, istər döyüş hazırlığı baxımından
dövrünün güclü ordularından biri idi və onun bu inkişaf səviyyəsi də istər
Azərbaycan xanlıqlarının silahlı qüvvələri ilə, istərsə də Qacar qoşunları
ilə müqayisədə özünü nümayiş etdirdi.
Azərbaycan xanlıqlarının silahlı qüvvələrinin Rusiya qoşunlarının
hücumu qarşısında lazımi müqavimət göstərmək imkanına malik olma-
ması müəyyən obyektiv-tarixi səbəblərlə bağlı idi. Əvvəla, Azərbaycan
xanlıqlarının hər biri Rusiya ilə müqayisədə kiçik potensiallı dövlətlər
idilər. Bu xanlıqların iqtisadi inkişaf səviyyəsi, səfərbərlik imkanları,
silahlı dəstələrin təchizat imkanları Rusiya ilə müqayisədə son dərəcə
məhdud idi. Bundan başqa Azərbaycan xanlıqları Nadir şah dövrünün
müharibələrindən yenicə çıxaraq hələ lazımi gücü əldə etməmişdilər.
Daxili qarşıdurmalar da onların müdafiə qabiliyyətini zəiflətmişdi. Xan-
Mehman Süleymanov
596
lıqların parçalanması, onların hər birinin ayrılıqda işğala qarşı cəbhə
tutması isə Rusiyanın hərbi uğuruna müəyyən zəmin yaradırdı. Bununla
belə, xanlıqlar daxilində işğala qarşı barışmaz əhval-ruhiyyənin olması
rus qoşunları üçün xeyli problemlər doğurdu. Faktların öyrənilməsi
göstərir ki, konkret tarixi şəraitdə xanlıqlar arasında işğala qarşı hərbi
ittifaqın yaradılması ən azı Rusiya işğalına qarı ciddi maneəyə çevrilə
bilərdi. Lakin bu istiqamətdə qətiyyətli addımlar atılmadı. Hətta Şəki və
Quba xanlıqları ərazisində rus işğalına qarşı kütləvi üsyanlar qalxanda
belə xanlıqlar arasında vahid fəaliyyət barəsində səmərəli iş birliyi
alınmadı. Ona görə də rus komandanlığı öz qüvvələrini bu və ya digər
istiqamətdə səfərbər etməklə bu üsyanları da yatırmağa müvəffəq olurdu.
Gülüstan müqaviləsinin imzalanmasına qədər cərəyan edən
müharibənin tərəflərinin müəyyənləşdirilməsi baxımından qeyd etmək
lazımdır ki, Azərbaycan xanlıqları da bu müharibənin tərəfi idi. Yəni
Azərbaycan xanlıqları ayrıca tərəf kimi bu müharibədə iştirak etməli
olmuşdu. Tarixi ədəbiyyatda bu müharibənin rus - İran müharibəsi
adlandırılması ilk baxışda belə bir təsəvvür yaratmamalıdır ki, müharibə
yalnız Rusiya və İran qoşunları arasında baş vermişdi. Azərbaycan
xanlıqlarının müstəqilliyi məsələsi bu xanlıqların silahlı dəstələri ilə
Rusiya qoşunlarının arasında baş verən müharibədə həll olunurdu. Bir
çox hallarda xanlar məzhəb, dil, mədəniyyət birliyi baxımından Qacar
qoşunlarına kömək üçün müraciət edirdilər. Amma bu kömək ya gecikir,
ya da Qacar qoşunları mövsümü çətinliklərə görə Arazın şimalına çıxa
bilmirdilər. Əslində, istər rus qoşunlarının, istərsə də Qacar qoşunlarının
Azərbaycan xanlıqları üzərinə hücumu eyni mahiyyət daşıyırdı və ona
görə də Azərbaycan xanlıqları ümumən, eyni səviyyədə bu təhlükələrin
qarşısını almaqda maraqlı idi.
Azərbaycan xanlqılarının işğal edilməsindən sonra təchizat, təminat,
təşkilatlanma və hazırlıq baxımından rus qoşunlarından xeyli geri qalan
Qacar qoşunlarının Arazın şimalına planlaşdırılan hücumları bəzi
hallarda Azərbaycan xanlarının müəyyən ümidlərinə səbəb olsa da, bu
qoşunların qarşıya qoyduğu hərbi iddiaların həyata keçirilməsi həmin
ümidləri də heçə endirirdi. Çünki bu hücumların xalq gətirdiyi fəlakətlər
rus qoşunlarının gətirdiyi fəlakətlərdən heç də az olmurdu.
Azərbaycan xanlıqlarına olan iddiaların hərbi yolla həyata keçirilməsi
üçün Qacar sarayının Fransadan və İngiltərədən kömək almaq ümidi də
bir nəticə vermədi və istənilən halda Rusiyanın Cənubi Qafqazdan
sıxışdırılması mümkün olmadı. Gülüstan müqaviləsinin imzalanması ilə
Rusiya Qacar sarayını məcbur etdi ki, işğal altında olan Azərbaycan
xanlıqlarına irəli sürdüyü iddialarından müvəqqəti də olsa əl çəksin.