Gülüstan müqaviləsi
115
Hakimiyyətinin qorunması üçün Səlim xan rus qoşunlarının ona
kömək edəcəyinə ümid edirdi. Ona görə Səlim xan Sisianovun təklif-
lərinə dərhal cavab verdi. Şəki xanı bəyan etdi ki, Sisianov tərəfindən
irəli sürülən təkliflərin üçü qəbul edilə bilər. Amma o, Rusiya xəzinəsinə
ildə 7 min çervon vergi verilməsi təklifi ilə razı deyildi. Onun fikrincə,
xanlığın buna imkanı yox idi. Ona görə də Səlim xan xəzinə vergisini 2
min çervona qədər azaldılmasını xahiş edirdi. Sisianov isə əvvəlki şərtini
dəyişmədi və Səlim xanın nəzərinə çatdırdı ki, Rusiya təbəəliyini qazan-
maq istəyirsə irəli sürdüyü təklifləri qəbul etməlidir (13).
1805-ci ilin mart ayında da Səlim xanla Sisianov arasında yazışmalar
davam etdirildi. Bu yazışmalarda Sisianov təkidlə öz tələblərini təkrar
edir, Səlim xan isə onun müəyyən güzəştlərə razı olmasını istəyirdi. Bu
yazışmalardan aydın olur ki, Səlim xanın kiçik yaşlı oğlu Qarabağda,
İbrahim xanın yanında idi. Ona görə, Səlim xan oğlunun girovluğa
verilməsini də sual altına alırdı. General Sisianov müvəqqəti hal kimi
Səlim xanın qardaşı Fətəli bəyin girov göndərilməsinə də razılığını
bildirirdi (14).
1805-ci ilin mart ayı həm də Səlim xanın şamaxılı Mustafa xan
tərəfindən hücuma məruz qaldığı ay idi. Səlim xan bu hücumun
qarşısının alınması və xanlığın müdafiəsi üçün Sisianovdan kömək istədi.
Sisianov da Şəki xanlığını Səlim xanın xanlığı altında saxlamaq üçün
onun köməyinə 2 ədəd topla müşayiət olunan 300 nəfərlik qoşun dəstəsi
göndərdi (15).
Sisianovla Səlim xanın yazışmalarından aydın olur ki, rus qoşun
dəstəsinin Şəki xanlığına göndərilməsi təxminən 1805-ci il mart ayının
ortalarına təsadüf edir. Rus qoşun dəstəsi Şəkiyə yaxınlaşanda Şamaxı
xanı Mustafa xanın qoşun dəstəsinin hücumuna məruz qaldı. Bununla
belə, Mustafa xan rus qoşun dəstəsinin müqavimətini qıra bilmədi və
Şəki xanlığı ərazisindən geri çəkilməli oldu. Səlim xan bundan
həvəslənib əlavə kömək üçün bir daha Sisianova müraciət etdi. Səlim xan
istəyirdi ki, əlavə kömək almaqla Mustafa xanın üzərinə hücum etsin.
Görünür, Səlim xan Şamaxı xanlığını da öz nəzarəti altına almaq is-
təyirdi. Lakin Sisianov buna razı olmadı. Əvəzində o, Səlim xana
xatırlatdı ki, hələ də Rusiya təbəəliyini qəbul etməmişdir. Bununla bağlı,
Sisianov öz şərtlərini bir daha onun nəzərinə çatdırdı və 1805-ci ilin aprel
ayında Gəncəyə gözlənilən səfəri zamanı Şəki xanı ilə Rusiya təbəəliyinə
qəbul edilməsi üçün müqaviləni imzalamaq arzusunda olduğunu bildirdi
(16).
Qacar qoşunlarının Araz kənarına toplanması xəbəri Səlim xanın
ciddi təşvişinə səbəb oldu və o yenidən kömək üçün Sisianova müraciət
Mehman Süleymanov
116
etdi. Səlim xan bəyan etdi ki, Qacar qoşunları, Qacar sarayı tərəfindən
himayə olunan Mustafa xan, habelə qazıqumıqlı Surxay xan Şəki xanlığı
üçün ciddi təhlükədir. Onlardan qorunmaq üçün isə Səlim xan çıxış
yolunu rus qoşun dəstəsinin köməyində görürdü. Bunun üçün Səlim xan
təklif edirdi ki, rus qoşun dəstəsi Nuxaya daha da yaxınlaşsın, Nuxadan
2-3 ağac məsafədə olan məntəqədə yerləşdirilsin. Bundan əlavə, Səlim
xan xahiş edirdi ki, bir rus zabitinin rəhbərliyi altında olan 50-60 nəfərlik
rus dəstəsi də onun şəxsi mühafizəsinə ayrılsın. Qacar qoşunlarından və
Şamaxı xanının qoşunlarından qorunmaq üçün Səlim xan Ərəş və Ağdaş
camaatını da şimala doğru köçürmək niyyətində olduğunu bildirdi (17).
Rus təbəəliyini qəbul etmədən Səlim xanın yeni-yeni kömək
iddialarına düşməsini Sisianov birmənalı şəkildə qəbul etmirdi. General
Sisianov Səlim xana bir daha çatdırdı ki, onun şəxsi mühafizəsi haqqında
kömək istəməsi düzgün deyil. Onun sözlərinə görə, Səlim xan hələ
Rusiya təbəəliyini qəbul etməmişdi. Rusiya təbəəliyini qəbul edəndən
sonra isə onun artıq belə bir köməyi istəməyə ehtiyacı qalmayacaqdı.
Çünki Rusiya təbəəsi kimi Səlim xan da Rusiyanın himayəsini
qazanacaqdı (18).
Görünür, Səlim xanın ətrafındakı təhlükə ciddiləşmək üzrə idi. Ona
görə Səlim xan özünün mühafizəsi üçün Surxay xandan silahlı dəstə
almaq qərarına gəldi. Bu barədə məlumat Sisianovun açıq qəzəbinə səbəb
oldu. Sisianov Səlim xanın Rusiyaya düşmən münasibətdə olan Surxay
xandan kömək istəməsini onun Rusiya təbəəliyinə sədaqət göstərməməsi
kimi qiymətləndirdi. Sisianov eyni zamanda tələb etdi ki, Səlim xan
kənardan heç bir kömək almasın(19).
1805-ci il aprel ayının ikinci yarısında Sisianov Gəncəyə gəldi. Bu
gəlişdə onun əsas məqsədi Qarabağ xanlığı ilə Şəki xanlığının Rusiyaya
birləşdirilməsi üçün hazırlanmış müqavilələrin imzalanması idi. Sisianov
Qarabağ və Şəki xanları ilə işləri elə qurmaq istəyirdi ki, bu xanların hər
ikisi ilə eyni vaxtda müqavilə imzalansın. O, İbrahim xanı da, Səlim xanı
da Gəncəyə gətirmək və Qarabağla Şəki xanlıqlarının Rusiyaya
birləşdirilməsi haqqındakı müqavilələri Gəncədə imzalamaq istəyirdi. İb-
rahim xan ruslara etibar etmədiyi üçün Gəncəyə getməkdən imtina etdi.
Belə olanda, Səlim xan da Gəncəyə getməkdən imtina etdi. Sisianov
Gəncəyə gələndən sonra Səlim xana yazdığı məktubunda müqavilənin
harada imzalanması barədə ondan təklif istədi. Müqavilənin
imzalanmasından qabaq Rusiyaya olan xoş münasibətinin sübutu kimi
Sisianov Şəki xanından bəzi təkliflərin icrasını tələb etdi. Sisianov
əvvəlcə Şəki xanlığı ərazisində olan Samux hakimi Şirin bəyin və onun
ailəsinin tutulub ruslara verilməsini istədi. Ondan əlavə isə Sisianov