|
Meliboyeva G. S. Kimyoni o`qitishda zamonaviy texnologiyalarkimyo o\'qitishKirish
Uzluksiz ta’lim tizimida davlat buyurtmasi va ijtimoiy talabga muvofiq har
bir ta`lim muassasasi va unda xizmat qiluvchi pedagog-kadrlar zimmasiga
ta’lim-tarbiya jarayonining samaradorligini oshirish, ilm-fanning so‘nggi
yutuqlarini amaliyotga joriy etish orqali ijodkor, ijtimoiy faol, yuksak
ma’naviyatli, kasb-hunarli, el-yurtga sadoqatli milliy va umuminsoniy
qadriyatlar ruhida tarbiyalangan, ijodiy va mustaqil fikr yurita oladigan, davlat,
jamiyat va oila oldida o`z burchi va javobgarlini his eta oladigan,
raqobatbardosh barkamol shaxsni tarbiyalash va kamolga yetkazish, ularning ongi
va qalbiga milliy istiqlol g'oyasini singdirish kabi muhim vazifalarni amalga
oshirish yuklatilgan. Ushbu vazifalarning muvaffaqiyatli hal etilishi ta’lim-tarbiya
jarayonida zamonaviy ta’lim texnologiyalardan foydalanish bilan uzviy ravishda
bog'liq.
Shunday ekan, oliy ta’lim muassalarining kimyo o‘qitish metodikasi
bakalavriat ta’lim yo‘nalishlarida talabalarning kasbiy tayyorgarligida kimyo
kursining tuzilishi va mazmunini zamonaviy texnologiyalar asosida o`qitish muhim
ahamiyat kasb etadi.
Ushbu qo’llanmada fan dasturiga muvofiq kimyoni o‘qitishning zamonaviy
texnologiyalari, ularning mazmuni, qo`llanilishi va o‘quv-tarbiya jarayonini
loyihalashtirish mazmuniga alohida e’tibor qaratilgan.
Qo`llanma bo’lg’usi kimyo o‘qituvchilarining kasbiy tayyorgarligini
orttirish, pedagogik tafakkurini kengaytirish, ularda kimyoni o‘qitishda zamonaviy
pedagogik texnologiyalarni qo’llash uchun zarur bo‘lgan metodik bilim,
ko‘nikmalarni shakllantirish, zamonaviy yondashuvlar asosida kimyodan ta’lim
mazmunini loyihalashtirish imkoniyatlari bilan tanishtirishga yordam beradi.
Mazkur qo‘llanma haqidagi fikr-mulohazalarni muallif samimiyat bilan qabul
qiladi.
|
|
|