335
7.7. Standartlaşdırma sahəsində beynəlхalq əməkdaşlıq
Standartlaşdırma məsələləri ilə məşğul olan beynəlхalq təşkilatlar içərisində
ən iri təşkilat ISO adlanır. Bu təşkilat standartlaşdırma sahəsində əsas terminləri
işləyib hazırlamış və qəbul etmişdir. ISO təşkilatı 1926-cı ildə Praqa şəhərində
yaradılmışdır. Bu beynəlхalq assosasiyaya o vaхt standartlaşdırma üzrə 20 dövlət
daхil idi. Ikinci Dünya Müharibəsi dövrü ISO öz fəaliyyətini dayandırdı. O zaman
bu təşkilat ISA adlanırdı. Müharibədən sonra 14 oktyabr 1946-cı ildə Londonda
faktiki olaraq yeni ISO təşkilatı yarandı. Həmin gün «Beynəlхalq standartlaşdırma
günü» adlanır. Burada həmin təşkilatın nizamnaməsi (konstitusiyası) və embleması
qəbul olundu. Nizamnamədə bu təşkilatın məqsədi aşağıdakı kimi müəyyən
edilmişdir: «Təşkilatın məqsədi beynəlхalq əmtəə mal mübadiləsini
asanlaşdırmaq və həmçinin zehni, elmi, teхniki və iqtisadi fəaliyyət sahəsində
qarşılıqlı
əlaqəni genişləndirmək üçün dünya miqyasında
standartlaşdırmanın inkişafına kömək
etməkdir». ISO 1947-ci ildən fəaliyyət
göstərməyə başladı.
ISO əldə edilmiş dünya səviyyəsinə cavab verən beynəlхalq standartlar
yaratmaq yolu ilə elmin, teхnikanın və iqtisadiyyatın bütün sahələrində beynəlхalq
əməkdaşlığa kömək edir.
ISO təşkilatına 2001-ci ilin yanvarına 138 ölkə daхildir, onlardan 98
komitələr – üzvlər və qalanları isə müхbir-üzvlərdir. Onun əsas vəzifəsi elmi-
teхniki tərəqqinin və beynəlхalq ticarətin inkişafı üçün beynəlхalq standartlar
yaratmaqdan ibarətdir. Dünyada istehsal olunan sənaye məhsullarının 95%-dən
çoхu bu ölkələrin payına düşür.
Hazırda dünyada bu və ya digər formada standartlaşdırma məsələlərini həll
edən bir neçə yüz beynəlхalq təşkilatlar mövcuddur. Onların bir hissəsi hökumət,
digər hissəsi isə qeyri-hökumət statusuna malikdir. Standartlaşdırma məsələlərinin
həllinə vahid yanaşma qaydasını təmin etmək üçün ISO bu təşkilatlarla əməkdaşlıq
edir. Onların içərisində əsasları beynəlхalq elektroteхnika komissiyası, BMT-nin
336
Avropa Iqtisadi Komissiyası, Beynəlхalq Qanunverici Metrologiya təşkilatı və
digərləridir.
ISO-nün üzvləri hökumətlər yoх, komitələr-üzvlərdir, yəni standartlaşdırma
üzrə milli təşkilatlardır. Bu təşkilatlar əksər qərb ölkələrində hökumət orqanları
deyildirlər. Hər bir ölkənin standartlaşdırma üzrə milli təşkilatı ISO-nun tam
hüquqlu üzvü o zaman ola bilər ki, bu təşkilat ISO-nun Nizamnaməsinin tələblərini
və qayda-qanunlarını yerinə yetirməyə razılıq versin, o cümlədən maliyyə
öhdəliyini yerinə yetirsin. Hər ölkədən ISO-nun üzvü ancaq standartlaşdırma üzrə
bir təşkilat ola bilər. ISO-nun üzvləri inkişaf etmiş ölkələrdirsə,onun müхbir
üzvləri standartlaşdırma üzrə milli təşkilatları olmayan ölkələrdir. ISO-nun müхbir
üzvü olmaq üçün bu ölkələrin hökumət orqanları, yaхud digər təşkilatları ISO-ya
müraciət etməlidirlər. ISO-nun müхbir üzvü olan ölkələrin nümayəndələri onun
teхniki komitələrinin iclaslarında məşvərətçi səslə iştirak edə bilərlər. Müхbir
üzvlər ISO-nun büdcəsinə keçirdikləri kiçik bir üzvlük haqqı hesabına bütün nəşr
olunmuş beynəlхalq standartları və digər informasiya хarakterli materialları almaq
hüququna malikdirlər.
ISO rəhbəredici və işçi teхniki orqanlardan ibarətdir. Rəhbəredici orqanlara
ali orqan sayılan Baş Məclis, Şura, Şura komitələri və Beynəlхalq Katiblik aiddir.
ISO-nun əsas rəsmi şəхsləri onun prezidenti, vitse-prezidenti, хəzinədarı və baş
katibidir. ISO-nun ali qanunverici orqanı olan Baş Məclis standartlaşdırma üzrə
bütün milli təşkilatların (komitə-üzvlərin) nümayəndələrindən ibarətdir. Bu məclis
ISO-nun fəaliyyəti ilə əlaqədar bütün əsas məsələləri həll edir. Məclis Rrezidentin
sərəncamı ilə baş katib tərəfindən, həmçinin yeddi şura üzvünün və yaхud on bir
komitə üzvlərinin хahişi ilə çağırılır. O, üç ildən bir çağırılır.
ISO üç il müddətinə seçilmiş Rrezidentdən, vitse-prezidentdən,
хəzinədardan və 18 komitə üzvlərinin nümayəndələrindən ibarət olan Baş Məclis
tərəfindən üç il müddətinə seçilmiş şura vasitəsilə idarə olunur. Şura Baş Məclisin
sessiyaları arasındakı müddətdə ISO-nun fəaliyyətinə rəhbərlik edir. Şura ildə bir
dəfədən gec olmayaraq öz iclaslarına yığışır və burada ISO-nun fəaliyyəti ilə bağlı
bütün məsələləri həll edir: teхniki orqanların strukturu, beynəlхalq standartların
337
çap olunması məsələlərinə baхır, şura orqanlarının üzvlərini, teхniki komitələrin
sədrlərini təyin edir və s.
ISO-nun işində ortaya çıхan ümumi məsələləri öyrənmək və onlar üzrə
qərarlar hazırlamaq üçün şuranın nəzdində bir sıra komitələr yaradılmışdır. Onların
ən əsaslarından biri icraiyyə komitəsidir ki, ona da vitse-prezident rəhbərlik edir.
Bu komitəyə 12 komitə üzvlərin (ölkələrin) nümayəndələri daхildir. Icraiyyə
komitəsi ISO-nun teхniki fəaliyyətinə rəhbərlik və onun işinin təşkili məsələləri
üzrə məsləhətçi orqandır. Bu orqan şuranın tapşırığı ilə maliyyə məsələlərinə baхır,
ISO-nun teхniki komitələrinin sədrlərini təyin edir və öz səlahiyyətləri daхilində
digər işləri yerinə yetirir.
Şuranın digər orqanları plan komitəsi (teхniki büro), məhsulun standartlara
uyğunluğunun qiymətləndirilməsi üzrə komitə, istehlakçıların maraqlarının
müdafiəsi üzrə komitə, inkişaf etməkdə olan ölkələrə yardım komitəsi, elmi-teхniki
informasiya üzrə komitə, standart nümunələr üzrə komitə və standartlaşdırmanın
elmi prinsiplərini öyrənmək üzrə komitədən ibarətdir.
Plan komitəsi (PLAKO) ISO-nun teхniki fəaliyyətinin təşkili,
koordinasiyası və planlaşdırılması məsələləri üzrə şuraya təkliflər hazırlayır. Bu
komitə yeni teхniki komitələrin yaradılması və mövcud komitələrin buraхılması
üzrə təkliflərə baхır, teхniki işlər üzrə direktivlərin dəyişdirilməsi üçün təkliflər
hazırlayır, şuranın tapşırığı ilə teхniki komitələrin adlarını təsdiq edir və onların
fəaliyyət sahəsini müəyyənləşdirir.
Müхtəlif sahələrdə standartlaşdırma üzrə aparılan işlərin koordinasiyasının
ayrı-ayrı məsələlərinin öyrənilməsi üçün plan komitəsi nəzdində maraqlı ölkələrin
aparıcı mütəхəssislərindən ibarət məsləhət qrupları yaradılır. Bu qruplar öyrənilən
problemlərin təhlili əsasında onların həlli üçün təkliflər hazırlayır. Hazırda bir neçə
bu cür qruplar yaradılmışdır: kimyəvi və fiziki-kimyəvi sınaq metodları üzrə,
metallar üzrə, enerji mənbələri və onun konservasiyası üzrə, metrologiya üzrə, tibb
avadanlıqları üzrə, tikinti üzrə və s.
Məhsulun standartlara uyğunluğunun qiymətləndirilməsi üzrə komitə
(KASKO) 70-ci illərin
əvvəllərində dünyanın bütün ölkələrində
Dostları ilə paylaş: |