III INTERNATIONAL SCIENTIFIC CONFERENCE OF YOUNG RESEARCHERS
1433
Qafqaz University 17-18 April 2015, Baku, Azerbaijan
XIX əsrin sonlarından Gürcüstanda milli siyasi oyanış başlamışdır. Gürcüstanın ilk par-
tiyalarını sosial-demokratlar yaratdılar. 1892-1893-cü illərdə ilk sosial-demokrat partiyası
“Mesame Dasi” yaradıldı. XX əsrin əvvəllərində Gürcüstanda Rusiya işğalından azad olmaq
üçün sinfi mübarizəni əsas vasitə kimi görürdülər. Milli intelligensiyanın dəstəyi ilə Parisdə
“Sakartvelo” qəzeti nəşr olunurdu. Qəzet qeyri-qanuni şəkildə Gürcüstanda yayılır və milli
siyasi qüvvələrin səfərbər olmasına müsbət təsir edirdi.
1904-cü ildə Cenevrədə “Gürcü inqilabçılarının I Konfransı” keçirildi. Konfrans işti-
rakçıları demokratik Rusiya çərçivəsində Gürcüstana muxtariyyət verilməsi tələbi ilə çıxış
etdilər. Konfransın ən əsas nəticəsi gürcü Sosial-Federalistlərin inqilab partiyası yaradıldı.
1905-1906-cı illərdə inqilab Gürcüstanı da əhatə etdi. İlk olaraq, 1905-ci ildə Tiflisdə Zaqaf-
qaziya Dəmiryolu İşçiləri üsyan etdi. Daha sonra isə cəmiyyətin bütün təbəqələrinin iştirakı
ilə davam etdi. Lakin bütün cəhdlərə baxmaraq, 1906-cı ildə inqilab zəifləməyə başladı.
1905-1910-cu illərdə Gürcü deputatları Rusiya Dövlət Dumasına keçirilmiş seçkilərdə
iştirak etmiş və daha çox sosial-demokratların nümayəndələri ilə təmsil olunmuşdur. 1912-ci
ildə IV Dövlət Dumasının deputatı V. Qelovani Gürcüstanın siyasi müstəqilliyi məsələsini
gündəmə gətirmişdir. 1913-cü ildə “Azad Gürcüstan” birliyi yaradılmışdır. 1917-ci il Rusiya
inqilabından sonra bütün Qafqazda, o cümlədən Gürcüstan milli dövlətçiliyin bərpası üçün
əlverişli şərait yarandı. Gürcüstan 1918-ci il mayın 26-da Zaqafqaziya Seyminin son iclasında
müstəqilliyini elan etdi.
İSLAM İNTİBAHININ ELMİ NAİLİYYƏTLƏRİ VƏ DÜNYA ELMİNƏ
VERDİYİ TÖHFƏLƏR
Günay HEYDƏRLİ
Hacıqabul şəhər 5 saylı orta məktəbi
gunay.heyderli@gmail.com
AZƏRBAYCAN
VII əsrdə yaranmış ərəb dövləti qısa müddətdə böyük əraziləri əhatə edərək böyük bir
imperiyaya çevrildi. Xilafətə tabe olan ölkələrdə yaşayan alim, yazıçı və şairlərin əsərləri
vahid Ərəb- İslam mədəniyyətinin xəzinəsinə daxil olurdu. “Islamın qızıl dövrü” və ya Islam
intibahı” adlandırılan bu dövrdə fizika, kimya, tibb, astronomiya, fəlsəfə və digər elmlər
inkişaf edirdi. Əməvilərin və Abbasilərin hakimiyyəti dövründə alimlərə böyük dəstək
verilirdi. Xilafətin dövlət dili ərəb dili idi. Bu da Kordovadan Bağdada və Səmərqəndə qədər
olan elm xadimlərinin bir-birilə ünsiyyət saxlamasına səbəb oldu.
Hakimiyyət orqanları alimlərin bir yerə toplanması, biliklərini inkişaf etdirməsi məq-
sədilə elmi mərkəzlər açırdılar. Bu elmi mərkəzlərdən ən məşhuru xəlifə Əl- Məmun tərəfin-
dən yaradılmış “ Beytül- hikmət” idi. Təhsil ocaqları olan mədrəsələr boyüyərək universitet-
lərə çevrilirdi. 859- cu ildə şahzadə Fatimə əl-Fihri Fes şəhərində (Mərakeşdə) bir neçə fakül-
tədən ibarət, həm qadınları həm də kişiləri qəbul edən universitet açır.
Xilafətdə riyaziyyatın inkişafına böyük diqqət göstırilirdi. Riyazi elmin ən görkəmli
nümayəndələrindən biri Əl- Xarəzmi idi. Xarəzmi ömrünün böyük birhissəsini Bağdaddakı
“Beytül-hikmət”də keçirmişdir. Cəbr və alqoritm elminin banisi və bu elmlərə ad verən İslam
alimi olmuşdur. Xarəzminin adı Avropada latınca “Alkhorismi” kimi tələffüz edildiyi üçün,
tapdığı metoda “alqoritm” adı verilmişdir. Xarəzmi cəbr sahəsində ilk əsəri olan “Kitabül
Müxtəsər fi Hesabil Cəbri Müqabələ”nin (“Cəbr və Müqayisə Hesabları”) müəllifidir.Əsər bu
cümlə ilə başlayır:«Alqoritm belə deyir: Rəbbimiz və qoruyucumuz olan Allaha həmd və səna
olsun».Orijinalı Oksford Universitetində saxlanılan bu kitabda dünyada ilk dəfə olaraq onluq
III INTERNATIONAL SCIENTIFIC CONFERENCE OF YOUNG RESEARCHERS
1434
Qafqaz University 17-18 April 2015, Baku, Azerbaijan
say sistemini açıqlamış və üstəlik ilk dəfə olaraq, tənlik qurma üsulu ilə məsələni həll etmə
yollarını göstərmişdir. Bundan başqa, sözügedən kitabında daha əvvəl məlum olmayan bir
çox yeni terminlər istifadə edilmişdir: kvadratın kök dərəcəsi, tək, tək say kimi.
Rocer Bekon, Fibonaççi kimi alimlər onun əsərini heyranlıqla tədqiq etmiş və öz
dərslərində bu əsərdən faydalanmışlar. 1500-cü illərin sonlarına (1598-1599) qədər cəbr
elmində tək mənbə Xarəzminin bu əsəridir.
İslam intibahının nümayəndələri arasında elm dünyasına yeniliklər, ixtiralar bəxş edən
şəxslər coxdur. Sonradan bu ixtiralar təkmilləşdirilmiş və insanların gündəlik həyatının
asanlaşmasına xidmət etmişdir. Fizika elminin inkişafına böyük töhfələr şəxslərdən Əl-
Cəzarini, İbn Heysəm göstərmək olar.
Əl-Cəzari 50- dən artıq cihazın işlənmə əsaslarını, yararlanma formalarını təsvir edən “
Kitab- ül- Hiyəl” ( Mexaniki hərəkətlərdən mühəndislikdə faydalanmayı göstərən kitab) adlı
əsərin müəllifidir. Bu gün beşi Türkiyədə olmaqla on beş nüsxəsi olan bu kitabda avtomatik
cihazlar, öz-özünə oxuyan tovuz quşları, robot fillər, avtomatik saatlar, ələ su tökən robot
insan və bir çox alətlər mövcuddur.
“ Daima biliyin və gerçəyin ardınca getdim. Və Yaradana yaxın olmaq və aydınlığa
qovuşmaq məqsədim olduğundan biliyin və gerçəyin ardınca getməkdən daha yaxşı yol
olmadığına inandım”- deyən İbn Hişam Qərbin görkəmli alimlərindən biri olan R. Bekon
tərəfindən özünə ustad sayılmışdır. İşıqla əlaqədar qələmə aldığı “ Kitab- ül- münazir” (Opti-
kanın xəzinəsi) əvvəlcə Şərqin daha sonradan isə Qərbin aydınlanmağına səbəb olmuşdur. O,
həmdə Aristotelin “ Dünya kainatın mərkəzindədir” fikrinə qarşı çıxaraq, başqa qalaktikaların
da olduğunu qeyd edirdi.
Müsəlman alimlərini düşündürən elm sahələrindən biri astronomiya idi. Dövrünün
tanınmış astronomlarından N. Tusini, Battanini, Ömər Xəyyamı, Əl- Fərqanini və başqalarını
göstərmək olar. Nəsirəddin Tusinin qələmindən çıxan yüzdən artıq ciddi əsər elmin astrono-
miya, riyaziyyat, fizika, tibb, fəlsəfə, etika, məntiq və digər sahələrinə həsr olunmuşdu. Bu-
nunla belə Nəsirəddinin yaradıcılığından astronomiya və riyaziyyat üzrə tədqiqatlar xüsusi yer
tutur. Onun təşəbbüsü ilə 1259- cu ildə Marağada rəsədxana tikilir. Müəyyidəddin Ordi ilə
birlikdə onlar rəsədxanada beş yeni, bir o qədər də köhnə konstruksiyalı astronomik cihaz
quraşdırırlar. Bundan başqa Marağa rəsədxanasında bir sıra astronomik məsələlərin həlli üçün
zəruri sayılan yer və göy qlobusları da hazırlanırdı. Belə qlobuslardan biri bizim günlərə
qədər çatmış və hal-hazırda Drezdendə saxlanılır.
Paris İslam İnistutunun professorlarından olan Jak Risler tərəfindən Qərbə triqonomet-
riyani öyrədən adam olaraq adlandırılan Battani gəlib keçmiş ən böyük iyirmi astronom
arasında göstərilir. Battani triqonometriyani cəbrə tətbiq edən ilk elm adamı olmuşdur. Sinus
və kosinus terminlərindən istifadə edərək, günəş saatı ilə hesablama aparmış və günəşə
“uzanıb gedən kölgə” adını vediyi doğruya tangens demişdir. Qərb dünyası orta əsrlər döv-
ründə onun əsərlərini latıncaya çevirmiş və Ay xəritələrində ayin adı Qərbin ona vediyi adla
“Albategnius” olaraq yer almışdır. İspaniya kralı X Alfonso XII əsrdə Battaninin kitabını
ispancaya tərcümə etdirmişdir.
Tibb sahəsində tuberklyoz xəstəliyi haqqında məlumat verən Qambur Vəsimi, 130 –
dan artıq göz xəstəliyinin müalicəsi haqqında məlumat verən İbn Sinanı, onkoloji cərrahiyyə
aparan Əli ibn Abbas, bir sıra cərrahiyyə alətlərini icad edən Əbul – Qasım- Əl- Zöhrəvini
göstərmək olar.
Beləliklə, Cənubi İspaniyadan Çinə qədər uzanan Ərəb- İslam mədəniyyəti özündə
müxtəlif millətləri birləşdirərək, qədim misirlilərin, yunanların, romalıların, hindlilərin yarat-
mış olduğu elmi pöhrələri inkişaf etdirərək dünyaya zəngin miras buraxdı.