6
Milli mətbuat, məktəb, ərazi birliyindən məhrum olan
Axısqa elinin qəriblik həyatında xalq sənəti müstəsna rol oy-
nayır, milli varlığı, etnik yaddaşı qoruyan önəmli qüvvə kimi
inkişaf edir. Axısqa türklərinin çağdaş folklor və ədəbiyyat
nümunələri türk dünyasının faciəli günlərinin yadigarıdır,
türk ruhunun əbədiliyinə böyük abidədir. Qəhrəman bir xal-
qın ağrıları, dəyanət və ümidləriylə dolu bu folklor ümumtürk
mədəniyyətinin şanlı və mənalı səhifələrindən biridir.
Sürgündən sonra Orta Asiya, Qafqaz və Rusiyanın
müxtəlif bölgələrində məskunlaşmış Axısqa türklərinin milli
ruhunu, birliyini qoruyan, onları vətənə bağlayan əsas amil
məhz xalq sənəti, forklordur. Janr etibarilə zəngin olan
Axısqa türk folkloru bir çox cəhətdən diqqəti cəlb edir.
1944-cü il sürgünündən sonra bü soydaşlarımızın milli ya-
zılı ədəbiyyatı inkişaf etdirməyə obyektiv imkanları olmadı-
ğından folklor mədəni həyatın əsas formalarından birinə
çevrilmişdir. Buna görə Axısqa folkloru günümüzə qədər
canlılığını qoruyub saxlamış və dinamik sosial-mədəni amil
olmuşdur. Xalq ənənəvi mənəvi mühitini gündəlik həyatın-
da, xəyal və düşüncəsində yaşadır və özü də bu mühitin
içində yaşayır. Axısqa folklorunda qədim ənənəylə bərabər
müasir tarix, sürgün dövründəki mədəni əlaqələr, dil təmas-
ları, yazılı ədəbiyyatın təsirləri dərin iz buraxmışdır. Bütün
bunlar Axısqa foklorunu tədqiqatçı üçün olduqca maraqlı
estetik-mədəni fenomenə, Anadolu-Qafqaz-Türküstan regio-
nal əlaqələrini, eyni zamanda türk-gürcü ilişgilərini əks etdi-
rən zəngin mənbəyə çevirir.
Axısqa türk folkloru janr baxımından da çox əlvandır.
El arasında müdrik kəlamlar, qədim dualar, manilər, deyim-
lər, ağılar, şaka-yerennüklər, türkülər, qoşmalar, nağıllar,
mifik rəvayətlər, dastanlar, dəstənələr
1
geniş yayılıb. Sana-
malar, herslatmalar, tapmacalar, şaşırtmalar, nənnilər, oyun-
lardan ibarət çocuq folkloru da bir aləmdir.
7
Axısqa elində qorunmuş folklor nümunələrinin böyük
əksəriyyəti ümumtürk mədəniyyəti üçün yeni və orijinaldır.
Əfsus ki, dünya mədəniyyətini belə zənginləşdirə biləcək
Axısqa türk folkloru, o cümlədən aşıq mühiti bu vaxta qədər
sistemli şəkildə öyrənilməmişdir.
Axısqa türklərinin milli kimlik şüurunda, etnik mədə-
niyyətində mühüm yer tutan ustad sənətkarlardan biri Kob-
lıyanlı Aşıq Molla Məhəmməd Səfilidir.
Dərin bilikli, fitri istedadlı, əqidəli şəxs olan Səfili Xo-
canın yaradıcılığı ilahi mətləblərdən, həyat fəlsəfəsindən,
xalqının taleyindən ayrılmazdır. Həyatı boyu ədalət və sülh,
azadlıq və səadət axtarışında olmuş Səfili böyük sənətkar və
üləmadır, haqq yolunun yolçusudur.
Lakin türk dünyasının bu böyük şəxsiyyətinin həyat və
yaradıcılığı, demək olar ki, öyrənilməmiş, əsərləri tam topla-
nıb dərc olunmamışdır
2
. Bu istedadlı sənətkarın və mütəfək-
kirin yaradıcılığının tədqiqi, əsərlərinin dərci həyatını vətə-
ni, xalqı, imanı yolunda qurban vermiş ulu ustadın ruhu qar-
şısında mənəvi borcdur.
8
HƏYATI
Der Səfili, bunca işlər qayırdun,
Həsrət qoyub can cigərdən ayırdun,
Bu ayriluğu bizə haqdan buyurdun,
Yandurdun gülümi soldurdun, fələk
Aşıq Məhəmməd Səfili
Axısqa-Çıldır obalarında ulu Qorqud sənəti – aşıq ya-
radıcılığı qədimdən geniş yayılıb. Göyçə, Borçalı, Təbriz,
Gəncəbasarla bərabər, Axısqa mahalı ozan-aşıq sənətinin
əsas ocaqlarından olub
3
. Bu torpaqlarda türk aşıq sənəti o
qədər zənginmiş ki, gürcülər, urumlar, yəhudilər də aşıqlıq
etmiş, türk sazı çalıb, türk gözəlləmələri oxumuşlar. Axısqa
elində yeni və variant dastanlar – «Beg Bögrək», «Arzu və
Qənbər», «Yaralı Mahmud», «İbrahim və Aslan şah», «Alı-
xan və Pəri», «Dərviş Ələmi», «Lətifşah», «Öməri» kimi
onlarla ozan boyları söylənib. Buralarda «Koroğlu», «Əsli-
Kərəm», «Aşıq Qərib», «Şah İsmayıl», «Qurbani» kimi
ümumtürk dastanları da dillər əzbəri olub, bəzi mətnlər vari-
antlaşıb, bəzi motivlər isə yalnız Axısqada qorunub sax-
lanıb. İxtiyarların dediyinə görə, bu yurdda adı dillər əzbəri
olan ustad şair və aşıqlar – Axısqalı Gülali Xoca, Aşıq
Qərib, Axılkələkli Xasta Hasan, Aşıq Şenlik, Koblıyanlı
Aşıq Məhəmməd Səfili, Aşıq Üzeyir Fəqiri, Posxoflu Aşıq
Zülali (Qara Zülali), Aşıq Rəğibi, Aşıq Əmrahi, Vanlı Oruc,
Axısqalı Mahmud Çirkini, Molla Xəlis, Azqurlu İsmayıl Əf-
qan, Aşıq Seyfi, Heydər bəy, Dəli Tamı, Qul Əhməd, Adı-
günlü Ömər Əfəndi4, Axısqalı Pir Məhdi, Xırtızlı Sevdayi,
Axılkələkli Daşdəmir, Axısqalı Pərtəv Bəy Qorxan, İsgən-
dər Nihani, Axısqalı Şəhri Əfəndi, Azqurli İsmayıl, Aşıq
Nuru, Aşıq Balakişi, Aşıq Məftuni, Aşıq Balabəy, Çanaq
Əhməd, Dərviş Ələmi, Firaği, Topçioğlu, Səfil Kamil, Aşıq
Murad, Aşıq Nəcəf, Aşıq Nəcib, Aşıq Şavqi, Aşıq Bayram,
9
Aşıq Əvəz, Aşıq Mirsis, Aşıq Qəhrəman, Aşıq Pirverdi,
Aşıq Müştaqi, Koblıyanlı Çərkəzoğlu, Hanaklı Molla Dur-
sun Məhzuni
,
Usta Polad, Aşıq Ruhani, Dəli Yusif, Aşıq
Aslan, Aşıq Qaragöz, Aşıq Zeyin, Aşıq Pəktayi, Səfil Lado,
Aşıq Eto, Aşıq Ülfəni, Aşıq Rəqibi, Aşıq Şükrü, Aşıq Sə-
mayi, Aşıq Binəli və başqaları imiş.
Axısqa qocaları indiyədək Yunus İmrə, Qaracaoğlan,
Qurbani, Şenlik, Sümmani, Ələsgərin söyləmələrini yaddaş-
larında saxlamışlar. Ən əsası, ağlasığmaz soyqırımı, təqiblər
içində Axısqa elinin aşıq sənəti özü indiyədək yaşaya bil-
mişdir! Aşıq sənətini Axısqa elində bizim günlərədək yaşat-
mış nurlu insanlar – sinələri sözlə dolu Mürtəz dədə, Məlik
dədə, Kibar dədə, Abdulmöhsün dədə, Səkinə nənə, Əhməd
dədə, Ömər dədə, Bayram dədə, Qafur dayı, Cabir Xalidov,
Həcər Dədəyeva, Nəcihə Əhməd qızı kimi ağsaqqal və ağ-
birçəklərdir. Ulu sözləri, havaları yaddaşlarında yaşatmış bu
müdriklər ozan ruhunu, aşıq sənətinə məhəbbəti cavanlara
aşılaya bilmişlər.
Təqdim etdiyimiz bu kitabda Axısqa türklərinin böyük
sənətkarı Koblıyanlı Aşıq Molla Məhəmməd Səfili haqqında
məlumat və yaradıcılığından nümunələr verilib.
Səfili təxəllüslü Aşıq Molla Məhəmməd Yusif oğlu
(Yusifzadə) Kuşoyev (Matos xoca) Axısqa mahalının Kob-
lıyan (Altunqala) bölgəsinin (indiki Adıgün rayonunun)
Pulate kəndindəndir. Kuşogillər taxımından
5
olan Molla
Məhəmməd Səfili 1870-ci ildə anadan olmuş
6
, 1937-ci ildə
mollalığına görə siyasi repressiyaya məruz qalmış, naməlum
yerə sürülmüşdür. Bu ildən sonra ondan heç bir səhih xəbər
gəlməmişdir. Vəfat tarixi və yeri dəqiq məlum deyil. 1930-
cu illərin axırlarında Sibirdə (Maqadanda) güllələndiyi haq-
qında müəyyən məlumat var. Səfilinin nəvəsi İlim Şahzada-
yev aşığın məzarının Buxarada, Dərbənddə, Sibirdə olduğu-
nun da söylənildiyini bildirir. Aşığın Orta Asiyada yüz yaşa-
can yaşadığı, ömrünün sonlarında gözlərinin tutulduğu da
Dostları ilə paylaş: |