235
bu məsuliyyəti yaxşı başa düşürlər. Digər tərəfdən, müdiriyyət
onların fəaliyyətinə nəzarət edib və obyektiv rəy vermələri
üçün şərait yaradır.
- Məhkəmə prosesində ekspertizanın verdiyi rəyin “
əsassızlığına” və ya onun doğruluğuna “şübhə” yarandığı
halda məhkəmə həmin ekspert haqqında hansı qəti imkan
tədbirini seçə bilər?
- Ekspert bilə-bilə yalan rəy vermək üstündə Azərbaycan
Respublikası Cinayət- Prossesual Məcəlləsinin 179-cu maddəsi
üzrə məsuliyyət daşıyır. Məhkəmə prosesində belə hal
müşayiət edilərsə, məhkəmə ekspert haqqında həmin maddə ilə
cinayət işi başlaya və qanunla nəzərdə tutulan hər hansı bir qəti
imkan tədbirini seçə bilər.
- Ekspert işi aparakən qanuni və şəxsi səlahiyyətlərə malik
ola bilər?
- Ekspertin vəzifələri və hüquqları da qanunla- Azərbaycan
Respublikası Cinayət- Prosessual Məcəlləsinin 75-ci maddəsi
ilə müəyyən edilmişdir. Orada göstərilir: Ekspert, qarşısında
qoyulan məsələlərə dair rəy verməlidir.
Ekspert, ekspertiza predmetinə aid olan cinayət işinin bütün
materialları ilə tanış olmağa və rəy vermək üçün zəruri olan
yeni materialların tələb olunması haqqında təhqiqat aparan
şəxs, müstəntiq və məhkəmə qarşısında vəsatət verməyə,
dindirmə və s. istintaq hərəkətlərinin aparılması zamanı iştirak
etməyə, müttəhimə və şahidlərə suallar verməyə haqlıdır.
Ekspert ona verilmiş materialları rəy vermək üçün kifayət
hesab etmirsə, bu barədə akt tərtib edir və qarşısına qoyulan
məsələlərə cavab verməyin mümkün olmaması haqqında
təhqiqat aparan şəxsə, müstəntiqə və ya məhkəməyə yazılı
formada xəbər verir.
236
Qarşısına qoyulan məsələlərə dair rəy vermək üçün zəruri
biliyə malik olmadıqda da ekspert belə hərəkət edir. Qanunda
başqa şəxsi səlahiyyətlər nəzərdə tutulmamışdır.
- Daxili İşlər Nazirliyi sistemində də ekspertiza idarələri var.
Məhkəmə Ekspertiza İnstitutu ilə bu ekspertiza idarələri
arasında nə kimi uyğunluq və tabelik əlaqələri var?
- Bizim institutun fəaliyyəti daha genişdir, maddi- texniki
bazası daha möhkəmdir. Daxili İşlər Nazirliyi sistemindəki
ekspertiza idarələrinin bizim instituta, bizim isə Daxili İşlər
Nazirliyinə heç bir tabeçiliyimiz yoxdur. Lakin aparılan
ekspertizalarda uyğunluq var.
Hesab edirik ki, Daxili İşlər Nazrliyinin ekspertiza idarələrində
ekspertizalar keçirilməsi bir tərəfdən paralelliyə gətirib çıxarır,
digər tərəfdən həmin idarələrin öz iş xüsusiyyətlərinə uyğun
gəlmir.
Belə ki, Daxili İşlər Nazirliyinin ekspertiza xidməti əsas
etibar ilə texniki fəaliyyətlə məşğul olmalı, maddi əməliyyat
sübutların tapılıb götürülməsi, onların qablaşdırılması və
ekspertizaya göndərmək üçün hazırlanmasında DİN-in istintaq
və əməliyyat orqanlarına kömək etməlidir.
- Respublikamızın bu çətin günlərində Məhkəmə Ekspertizası
İnstitutu hansı problemlərlə qarşılaşıb?
- Müharibə gedən zonalara xidmətlə əlaqədar işimiz xeyli
çətinləşib.
İşçilərin çoxunu ezamiyyətə göndərməli oluruq. İqtisadi
çətinliklər şəraitində yaşadığımız üçün müasir tələblərə cavab
verən yeni avadanlıqlar almaqdan ötrü pul vəsaiti əldə edə
bilmirik.
İnstitutun binası çox darısqaldır. Kiçik bir otaqda bəzən 5-6
nəfər işçi əyləşir. İnstitutun birinci mərtəbəsindəki otaqları
237
bizimlə heç bir əlaqəsi olmayan təşkilatlar ələ keçiriblər. Onları
köçürməklə bu problem həll etmək olar, hələlik buna nail ola
bilmirik.Respublikanın ekspertiza idarələri arasında
pərakəndəlik var. Belə hesab edirik ki, bu idarələr bir yerdə
cəmləşdirilməlidir. Daxili İşlər Nazirliyi və Səhiyyə
Nazirliyinin tabeçiliyində olan ekspertiza idarələrinin bizim
institutla birləşdirilməsi üçün Prezident Aparatı qarşısında
məsələ qaldırmışıq. Bu problem də hələlik həll olunmamışdır.
“Mühakimə” qəzeti, 21 avqust 1993 - cü il.
238
İnsan təbiətin səhvidirmi?
TANITMA: Şirinov Şirinağa Eldar oğlu, 1948 - ci ildə Xızı
rayonunda anadan olub. 1973-cü ildə ADU-nun tarix
fakültəsini, 1988 - ci ildə isə Polis Akademiyasını bitirib.
1977-ci ildən Daxili İşlər Orqanlarında işləyir. 1995-ci ildən
Bakı şəhəri Baş Polis İdarəsi Kadrlar İdarəsinin rəisi
vəzifəsində çalışır, polis polkovnikidir. İki övladı var.
- Şirin müəllim, hər insan həyata bir cür baxır. Sizin həyata
baxış prizmanızdan tutaq ki, on il, yaxud yüz il bundan
əvvəlki cəmiyyətlər necə görünür? Fikrimi bir qədər
konkretləşdirmək istəyirəm. Məsələn, hazırkı cəmiyyət 1937-
ci ilin təkrarı olsaydı və Siz indiki vəzifənizdə çalışsaydınız,
dissident olardınız, yoxsa icraçı?
- Açığını deyim ki, həyata baxışım müxtəlifdir. İnsanların
qəlblərindəki təbiətən paxıllığı, həmişə irəliyə can atması,
sevgi məsələsində, ailə məsələsində heç bir fərq yoxdur. Çünki
yüz il bundan əvvəlki insanlar da bu fikirlərlə yaşayırdılar, indi
də. Dəyişən yalnız şəraitdir. O zamankı fikir və düşüncə tərzi
də eyni idi, sadəcə texniki imkanlar yox idi. İnsanlar arasında
müəyyən dəyişikliklər ola bilər, amma fizioloji dəyişkənlik heç
zaman ola bilməz.
Sualın ikinci tərəfinə səmimi cavab verirəm.
Əgər həmin illərdə indiki vzifəmdə işləsəydim, sözsüz ki,
icraçı olardım. Əgər bu suala hansı bir şəxs “o zaman mən
dissident olardım” cavabını indiki zamanda verərsə, onun
səmimiyyətinə qətiyyən inanmıram. Məsələn, mətbuat
səhifələrində bəzi “siyasətçi”lərin müsahibələrini oxuyarkən,
məndə istər- istəməz ikrah hissi oyanır. Bəziləri deyir ki, hələ
Sovetlər dövründə Azərbaycanı xilas etmək üçün belə bir
cəmiyyət yaratmışdılar, başqa birisi də hələ onuncu sinifdə
Dostları ilə paylaş: | 
