224
öyrənmək olar. Məsələn, zərgərliyi, öyrənmək olar. Bəlkə,
memar da olmaq olar. Amma rəssam olmaq çətindir. Pul ilə hər
hansı bir musiqi alətində çalmağı öyrənmək olar, amma bir
bəstəkar olmaq mümkün deyil. Pul ilə bəlkə bir ortabab diş
texniki olmaq mümkündür. Amma bacarıqlı bir cərrah-əsla!
Müəllim- tələbə münasibətlərinə biganə deyiləm.Onlar ata-
oğul qədər səmimi, böyük-kiçik qədər pərdəli olmalıdır.
- Hacı, ailəniz haqqında nə deyə bilərsiniz?
- Yoldaşım ingilis dili müəlliməsidir. 3 qızım var. Fərəh,
Gülnar, Lalə. “Qız uşaqlarına xüsusi diqqət, xüsusi qayğı
lazımdır” deyən xanımım işləmədi. Bütün qüvvəsini onların
təlim- tərbiyəsinə həsr edir.
Fərəh II-ci sinifdə oxuyur. Həkim olmaq istəyir. Gülnar
hüquqşünas, Lalə isə anası kimi dilçi olmaq arzusundadır. Onu
da qeyd edim ki, Xanımım və iki qızım Həcc ziyarətində olub.
Böyük qızım isə Kərbala və Məşhəd şəhərlərində ziyarətdə
olub.
- Sizcə, ailədə böyük- kiçik yeri necə olmalıdır?
- Ailəmdən çox razıyam. Həyat yoldaşımın həssaslığı,
qayğıkeşliyi, övladlarımın məhəbbəti məni çox məmnun edir.
Ailədə səmimiyyət, mehribançılıq olmalıdır. Dostluq vacib olsa
da, hər şeyin fövqündə böyük- kiçik yeri durur. Böyüyə hörmət
vacibdir. Ailənin dirəyi ata, tacı anadır. Ata ailənin ağsaqqalı,
rəisidir.
- Hacı, maraqlı söhbətə görə çox sağ olun.
- Bizi də yada saldığınıza görə Sizə dərin minnətdarlığımı
bildirirəm, Camal müəllim.
Bakı, 20 oktyabr 1999- cu il.
225
Bu bir an idi və mən də həmin an
manevr etməyə məcburoldum
(Müsahibimiz Sabunçu Rayon Xalq Məhkəməsinin sədri
Oqtay Bayramovdur.)
Tanıtma:
ADU- nun hüquq fakültəsini bitirib, Sumqayıt
Şəhər Prokurorluğundamüstəntiq kimi fəaliyyətə başlayıb.
1965 -1973-cü illərdə Bakı şəhərinin müxtəlif rayon
prokurorluğunda müstəntiq, 1973 -1977- ci illərdə
Respublika Prokuroru yanında mühüm işlər üzrə müstəntiq,
1977-1981-ci illərdə isə Naxçıvan Muxtar Respublikasının
Şərur Rayon Prokuroru işləyib. 1981-ci ildən Suraxanı
Rayon Xalq Məhkəməsinin sədri, 1990 - cı ildən isə Sabunçu
Rayon Xalq Məhkəməsinin sədridir.
- Oqtay müəllim, Siz həm də hakimlərin İxtisas
Kollegiyasının sədrisiniz. Sədr olduğunuz bu kollegiya hansı
səlahiyyətlərə malikdir və nə vaxtdan fəaliyyət göstərir?
- Bakı şəhər məhkəməsinin sədrini, Azərbaycan Ali
Məhkəməsinin üzvlərini, Naxçıvan Muxtar Respublikası Ali
Məhkəməsinin üzvlərini çıxmaq şərtilə qalan bütün şəhər və
rayon xalq hakimliyinə namizədlər rəy verilməsi İxtisas
Kollegiyasının səlahiyyətinə daxildir. Heç bir xalq hakimi bu
kollegiyanın rəyi olmadan vaxtından əvvəl geri çağrıla bilməz.
İxtisas Kollegiyasının 11 üzvü var. Hamısı təcrübəli
hakimlərdir. Onların dördü yuxarı şəhər məhkəmə
instansiyalarının üzvləri, qalanları isə ayrı-ayrı rayonların
məhkəmə
sədrləridir. Onların hamısı 2-ci dərəcəli
hüquqşünaslardır. Bu kollegiya 1990-cı ildən fəaliyyət göstərir.
Açığını deyim ki, İxtisas Kollegiyası son illərə qədər yalnız
formal olaraq rəy verməklə məşğul idi. Ancaq son vaxtlar
226
İxtisas Kollegiyası tərəfindən xalq hakimlərinin işinə nəzarət
daha da gücləndirildi. Bundan sonra qanunu qəsdən pozan bir
neçə rayon və şəhər xalq hakimlərinin vaxtından əvvəl geri
çağrılması məsələsinə kollegiyada baxıldı.
- Rayon xalq hakimləri tərəfindən çıxarılan qərar və
qətnamələr yuxarı məhkəmə instansiyaları tərəfindən ləğv
edilir. İşi geri qayıtmış, qərar və qətnamələri ləğv edilən
hakim barəsində nə tədbir görürsünüz?
- Hər hansı işi yuxarı instansiyalar tərəfindən geri qayıtmış
xalq hakiminə cəza vermək düzgün olmaz. Əgər hakimin
çıxardığı qərar və qətnamələri həddindən artıq, yəni çoxlu
sayda yuxarı məhkəmə instansiyaları tərəfindən ləğv olunubsa,
belə olan halda həmin hakimə cəza tədbirləri olaraq kollegiya
tərəfindən xəbərdarlıq və ya töhmət verilir. Son həddə isə əgər
hakim baxdığı işlərdə qəsdən qanunun tələblərini pozubsa,
həmin xalq hakimini geri çağırmaq məsələsinə İxtisas
Kollegiyasında baxılır.
- İndiyə kimi İxtisas Kollegiyası hansı xalq hakimlərinin
vaxtından əvvəl geri çağırılması məsələsinə baxmış və onlar
barəsidə rəy vermişdir?
- Abşeron Rayon Xalq Məhkəməsinin sədrini və hakimini,
Qazax Rayon Xalq Məhkəməsinin sədrini, Sumqayıt Şəhər
Məhkəməsinin sədrini, Bakı Şəhər Xətai Rayon Xalq
Məhkəməsi sədrinin baxdığı işlərdə qəsdən qanunun tələblərini
pozduqlarına görə həmin hakimlərin vaxtından əvvəl geri
çağırılması məsələsinə baxılmışdır. Həmin Xalq hakimləri
kollegiyaya dəvət olunmalarına baxmayaraq, iclasa gəlməkdən
boyun qaçırdılar.
227
-Belə olan halda, iştirakı olmadan İxtisas Kollegiyası Xalq
hakiminin məsələsinə baxa bilərmi?
- Bəli, baxa bilər. Çünki hakimlərə biz qabaqcadan kollegiyaya
gəlmələri barədə rəsmi göndəriş veririk. Məsələn, Abşeron
Rayon Xalq Məhkəməsinin sədrinə və Xalq hakiminə
kollegiyaya gəlmələri barədə dəfələrlə xəbərdarlıq etməyimizə
baxmayaraq, onlar kollegiyaya gəlməkdən qəsdən boyun
qaçırdılar və biz də onların iştirakı olmadan geri çağrılma
məsələsinə baxdıq. Yuxarıda adlarını çəkdiyim rayon xalq
məhkəmə sədrləri də kollegiya iclasına gəlmədilər. Bu elə
həmin hakimlərin özünün həm qanunlara, həm də kollegiya
üzvlərinə olan hörmətsizliyini göstərirdi.
- Cənab sədr, əvvəllər müstəqil fəaliyyət göstərə bilməyən
məhkəmə sisteminə indi yuxarılardan təzyiq olunurmu?
Başqa sözlə, hakimlər müstəqil fəaliyyətə başlayandan sonra
hakimlərin çıxardığı qərar və qətnamələrdə vətəndaş
prinsipliyi necədir? Ədalət məhkəməsi yerindədir və ya
əksinə?
- Mən sizinlə tamamilə hərtərəfli razıyam. Əvvəla, hakim
hərtərəfli inkişaf etmiş, geniş dünyagörüşünə malik olan
“bişmiş adam” olmalıdır. Hakimlik həm məsuliyyətli, həm də
çox ağır işdir. Təsəvvürünüzə gətirin ki, hakim hökmü
Azərbaycan Respublikası adından, Azərbaycan dövləti adından
oxuyur. Bunun özünün nə dərəcədə ağır və məsuliyyətli bir iş
olduğu buradan görünür. Əgər məhkəmə zalından hər hansı bir
şəxs narazı gedirsə, o hakimdən deyil, dövlətdən və dövlətin
qanunundan narazı gedir. Hakim burada özünü yox, dövlətin
mənafeyini, onun vətəndaşlarının hüquqlarını qoruyan
konstitusiyanı müdafiə etməlidir. Bəzən hakim üçün qəbahətli
iş ola bilməz. Əgər hakim qanunun mahiyyətini düzgün başa
düşüb, onu düzgün şəhr edə bilməyibsə, burada elə də qorxulu
Dostları ilə paylaş: |