239
oxuyarkən inqilabi baxışlarıyla fərqləndiyini israr edir. Bütün
bunları riyakarcasına verilmiş cavablar adlandırıram. Bir anlığa
37-ci illəri gözümüzün önünə gətirək. O zaman nə qədər
tanınmış hərbi sərkərdələr, elm və incəsənət xadimləri, din
xadimləri, istehsalat qabaqcılları, şair və yazıçılar repressiyaya
uğrayırdılar. Onlar elə başa düşürdülər ki, Stalinin bütün
bunlardan xəbəri yoxdur. Bu Beriya və onun əlaltılarının işidir.
Çünki xalqın o vaxtkı rəhbərinə böyük inamı vardı. Bax, belə
bir inamla da Daxili İşlər orqanlarında işləyənlər sözsüz ki, özü
də bilmədən, kor-koranə dönüb icraçı olurdular.
- Şirin müəllim, Aristotelin fikrincə, insan təbiətin səhvidir.
Filosofun bu fəlsəfi tapıntısında görünən və görünməyən
çalarlar barədə bir fikir söyləmənizi rica edirəm.
- Aristotelin dediyi hər bir sözün arxasında dərin fəlsəfi məna
durur. “İnsan təbiətin səhvidir” deməklə, Aristotel insanı inkar
etmir. Məncə, böyük filosof bu mənada işlədib ki, insan
yaranmaqla təbiət özünə şərik qazanıb və özünün nizamlarına,
dünyəvi hərəkətlərinə, onun tarazlığını pozmağa çalışan şıltaq,
nadinc bir məxluq kimi başa düşülməlidir. Yəni insan böyük
ciddi- cəhdlə təbiətə müdaxilə edə bilər. Bir tərəfdən də bu
insanın böyüklüyünə dəlalət edir ki, bu məxluq təbiətə qarşı
çıxır. İnsanı, təbiəti yaradan böyük qüvvə var. Mənim fikrimcə,
daha filosof nə Allaha səhv tutmayıb, nə də bilavasitə təbiətə,
sözün həqiqi mənasında “təbiətin səhvi” ona görə adlandırıb ki,
gərək insanı yaradıb özünə şərik qoşmayaydı.
- Yaşadığımız mərhələnin ən azı sosial- iqtisadi problemlər
dövrü olduğunu hamımız etiraf edirik. Bu mərhələdə isə yeni
cəmiyyət yaradan uşaqlar böyüyür. Onların yaradacağı
cəmiyyət əgər bugünkü tərbiyə mexanizminə söykənirsə,
hansısa optimist proqnoz verə bilərsiniz?
240
- Elə götürək 20 il bundan əvvəlki nəsli. Düzdür, cəmiyyətdə
fərqlər çox olub. O vaxt da fikirləşirlər ki, görəsən bu
cəmiyyətdə böyüyən nəsil necə olacaq? O zamanlar da
rüşvətxorluq vardı. 1988-90 cı illərdə azadlıq hərəkatı
başlayanda sübut olundu ki, bugünkü nəsil hər şeyə qadirdir.
Həmin vaxtlar gənc nəsildə böyük inam vardı, onlar həmin
inamla da Qarabağ uğrundakı döyüşlərə yollandılar. Amma
sonradan bu inamı öldürdülər, vətənpərvərlik ruhunu gənclərdə
məhv etdilər. Bütün baş verən naqisliklərə baxmayaraq, mən
bu gün gələcək nəsil üçün optimist proqnoz verə bilərəm. Hələ
ki, Vətənə, torpağa olan inam, məhəbbət gənc nəsildə tamamilə
məhv olub, desək, çox böyük səhv etmiş olarıq. Hər halda
sabaha ümidlə baxmaq lazımdır. Digər tərəfdən uşağın
tərbiyəsinin bünövrəsi ailədə qurulur. Əgər ailədə tərbiyə
düzgün aparılmayıbsa, sonradan cəmiyyətdə onu inkişaf
etdirib həmin cəmiyyət üçün layiqli vətəndaş yetişdirilməsi
absurddur. Başqa bir fikir də mövcuddur ki, uşağın tərbiyəsi
təkcə ailədən deyil, həm də onu əhatə edən mikromühütdən çox
asılıdır. Mən bu sual ətrafında fikrimi tamamlamaq üçün
təvazökarlıqdan uzaq olsa da, bir haşiyə çıxmaq
istəyirəm.1992- ci ilin mayın 8-də Kirs dağında ağır
yaralandım. Güllə boyun nahiyəmdən girib ağ ciyərimi
zədələyib sağ qabırğamda ilişib qalmışdı. Həkimlərin dediyinə
görə, mənim sağ qalmağım möcüzə olub. İnd də bədənimdə
14-15 qəlpə var. Həmin döyüşdə biz tərəfdən 10 nəfər,
ermənilər tərəfdən isə 32 nəfər itki olmuşdu. Yoldaşlarımızın
xəyanəti nəticəsində biz 27 nəfərlə mühasirədən güclə çıxa
bildik. Məni ağır yaralı halda Laçına, sonra isə Qubadlıya,
oradan da vertolyotla Bakıya gətirdilər. Səhərisi gün eşitdim ki,
Şuşa gedib. Ana Kirs var, bir də Bala Kirs. Ana Kirsdə Nail
Kazımov idi. Mayın 7-də gecəykən texnikasıyla birgə, 120
nəfərlik batalyonu çəkib apardı. Bu, xəyanət idi. O yerdən ki,
bizi o müdafiə edəcəkdi, həmin istiqamətdən gözləmədiyimiz
halda ermənilər bizə hücum etdilər. Bu yaxınlarda onun
241
məhkəməsi oldu, xəyanətkar layiqli cəzasını aldı. O zaman
məndə böyük ümid vardı ki, o, 13-14 yaşlı uşaqların 5-6 ildən
sonra qabaqlarını heç nə ala bilməz. Həmin o, böyüyən nəsil
bizim intiqamımızı mütləq alacaq.
Açığını deyək ki, bizə vətənpərvərlik hissi lazımi səviyyədə
aşılanmayıb. Orta məktəbdə oxuyanda yadıma gəlir ki, hər
hansı bir müəllim 1918-ci illərdə Azərbaycanda baş verən
tarixi hadisələr barədə bizə məlumat versin. Bizə heç vaxt
düşmənə nifrət hissi aşılanmayıb. Ona görə də bu günə
qalmışıq. Hər halda optimist olmağa çalışaq. Hər halda bu gün
böyüyən nəsil bizim səhvlərimizi təkrar etməyəcək. Bizim edə
bilmədiklərimizi, bizdən asılı olmayan səbəblərə görə, gələcək
nəsil edəcək. Düzdür, bizi bir az yamanlayacaq ki, bu qədər
problemləri onlar üçün niyə qoymuşuq?
- Jan-Jak Russo yazırdı ki, Fransanın gələcəyi fransız
analarından asılıdır. Əgər Azərbaycan “ana”larıyla
dünyanın bir çox ölkələrində “alver” gedirsə, onda
Azərbaycanın gələcəyinin analardan asılı olduğunu iddia edə
bilərikmi?
- Jan-Jak Russodan qabaq analar haqqında Məhəmməd
peyğəmbər (s.ə.s.) dahiyanə bir fikir deyib: “Cənnət anaların
ayağı altındadır”. “Fransanın gələcəyi fransız analarından
asılıdır” firkini başqa cür də demək olar. Yəni bunu təkcə
Fransaya şamil etmək olmaz. Hər hansı bir dövlətin gələcəyi o
dövlətdə yaşayan analardan çox asılıdır.
“Analarıyla alver” ifadəsini düzgün saymıram. Əgər bir
qadın ki öz bədəniylə “alverə” qurşanır, artıq bu qadın
analıqdan uzaqdır. Bu, bütün millətlərdə var. Bütün
cəmiyyətlərdə qadının yaxşısıda da var, pisi də. Keçid
dövründə bu hallar bizdə daha qabaqcıl şəkildə özünü
göstərdiyi üçün bizə təəccüblü gəlir. Bizdə ailənin təməli qan
yaddaşıyla gedir. Bizim millətin özünə xas mühüm bir cəhəti
Dostları ilə paylaş: |