185
V FƏSİL
QLOBAL PROSESLƏR
FONUNDA BEYNƏLXALQ
MALİYYƏ SİSTEMİNİN
TƏKMİLLƏŞDİRİLMƏSİ
PROBLEMLƏRİ
186
5.1. QLOBAL PROSESLƏR FONUNDA
BEYNƏLXALQ MALİYYƏ SİSTEMİNİN
TƏKMİLLƏŞDİRİLMƏSİ PROBLEMLƏRİ
Beynəlxalq maliyyə sisteminin möhkəmləndirilməsi məsə-
ləsi XX əsrin sonunda baş verən və Avropa, Asiya, həmçinin Latın
Amerikasının bir çox ölkələrini əhatə edən növbəti maliyyə böhra-
nından sonra geniş müzakirə olunmağa başlandı. BVF-nin qiymət-
lənləndirməsinə görə bu böhran son 50 il ərzində baş verən böh-
ranlar arasında öz əhatə dairəsinə görə birinci yerdə dayanır və
buna görə də böyük narahatçılıq doğurur. Məhz bu səbəbdən bank-
maliyyə sisteminin subyektləri gələcəkdə eyni halın təkrarlanma-
ması üçün beynəlxalq valyuta və maliyyə sisteminin “arxi-
tektura”sında dəyişikliklərin zəruri olması fikrini dəstəkləyirlər.
“Arxitektura” anlayışına ayrı-ayrı qurumlar, bazarlar, hö-
kumətin, müəssisələrin və ayrı-ayrı şəxslərin iqtisadi və maliyyə
fəaliyyətini həyata keçirmək üçün istifadə etdikləri müxtəlif
tədbirlər daxildir. BVF-nin qiymətləndirməsinə əsasən möhkəm və
stabil beynəlxalq maliyyə sisteminin təşkili dünyanı maliyyə
böhranlarına qarşı daha dözümlü edəcək və bütün ölkələrə iqtisadi
artım və həyat səviyyəsinin yüksəldilməsi də daxil olmaqla vahid
sistemin üstünlüklərindən faydalanmaq üçün imkan yaradacaq.
1998-ci ilin aprelində dünya maliyyə sistemində sistem
rolunu oynayan ölkələrdən G-22 qrupu təşkil olundu. Bu qrupa
daxil olan ölkələrin nümayəndələri aşağıdakı istiqamətlər üzrə
təkliflərin hazırlanması üçün 3 işgüzar qrup formalaşdırdılar:
“şəffaflıq” və məsuliyyətin artırılması; milli maliyyə sistemlərinin
möhkəmləndirilməsi; böhrandan çıxmaq üçün dövlət və özəl
sektor arasında ağırlığın bölüşdürülməsini stimullaşdırmaq.
Beynəlxalq maliyyə sistemində islahatların aparılması
mövzusu 1999-cu ildə Davosda keçirilən iqtisadi forumda geniş
müzakirə olundu. Bu mövzu haqqında xarakterik fikirlər BMT-nin
iqtisadi və sosial məsələlər üzrə İcraçı komitəsinin “yeni bey-
187
nəlxalq maliyyə sisteminə doğru” adlı məruzəsində, həmçinin
ABŞ-ın prezidentinin 1999-cu ildəki iqtisadi məruzəsində öz
ə
ksini tapırdı.
Beynəlxalq maliyyə sisteminin təkmilləşdirilməsi prosesi
aşağıdakı aspektlərdə öz əksini tapırdı:
●
iqtisadi informasiyanın ictimaiyyətə açıqlanması üzrə
beyməlxalq standartların inkişafı (Social Data Dissemination
Standard);
●
bank nəzarətinin beyməlxalq standartlarının yaradılması
(the Basie Core Principles for Banking Supervision);
●
BVF-nin maliyyə imkanlarının artırılması (the New
Arrangement to Borrow, NAB şərçivəsində);
●
Fond üzvlərinə investorların etibarının itirilməsi kimi
gözlənilməz və məhvedici hallar üzrə kömək etməyi hədəfləyən
yeni kreditləşdirmə mexanizminin (the Supplementral Reserve
Facility, SRF) yaradılması. SRF xətti üzrə maliyyə vasitələrinin
təqdim olunması şərtləri maraqların aşağı düşməsi halında
borcların qaytarılmasını təmin etməlidir.
“Yeni arxitektura”nın planında “böhranların aradan
qaldırılmasının yeni vasitələri” – “məqsədli kredit kanalı” (MKK)
işlənib hazırlanıb. Bu BVF-nin üzvlərinə hətta dünya maliyyə
sistemində problemlər olduğu halda belə stabilliyi qorumaq üçün
imkan yaradacaq. MKK BVF-nin üzvlərinə dünya kapital
bazarında mənfi yöndə dəyişikliklər baş verdiyi hallarda ödəniş
balansının effektivliyini təmin etmək üçün qısamüddətli maliyyə
vəsaitləri təqdim edir. MKK-ya giriş imkanı əldə etmək üçün
aşağıdakı şərtləri yerinə yetirmək lazımdır:
●
BVF-nin idarəetmə Şurasının məqsədli kredit vermək üçn
seçdiyi ölkə (BVF-nin üzvü) həmin anda sabit maliyyə şəraitinə
malik olmalı və BVF-nin resurslarının istifadəsinə tələbatı
olmamalıdır;
●
namizədin iqtisadi göstəriciləri BVF tərəfindən son infor-
masiya icmalında müsbət qiymətləndirilir və BVF-ni üzvü olan öl-
kə “Məlumatın ötürülməsinin xüsusi normaları” çərçivəsində
188
lazımi məlumatları təqdim edir;
●
xarici borc və xarici ehtiyatların tənzimlənməsi nəticəsində
ölkənin maliyyə sektorunda tərəqqinin müşahidə olunması;
●
namizəd idarəedicilər Şurasına təsdiq olunmaq üçün
inandırıcı iqtisadi və maliyyə proqramı təqdim etməlidir. Eyni
zamanda BVF-nin lazım bildiyi hallarda proqramda lazımi
dəyişikliklər etməyə hazır olmalıdır.
Üzv ölkə məqsədli kreditə ehtiyacı olması haqqında müraciət
etdikdə BVF-nin idarəedicilər Şurası xüsusi qərar hazırlayır.
Burada təsdiq olunur ki, həmin ölkə iqtisadi və maliyyə
proqramlarını uğurla həyata keçirir, lakin beynəlxalq maliyyə
bazarında şəraitin dəyişməsi üzündən müvəqqəti çətinliklər yaşayır
və buna görə də əlavə maliyyə resurslarına ehtiyacı var. Kreditin
həcmi ölkənin fonddakı kvotasının 300-500%-i arasında olur.
Hazırda getdikcə əhəmiyyəti artan beynəlxalq maliyyə
sisteminin əsas elementi şəffaflıqdır. Bu üzv ölkələrin iqtisadi, ma-
liyyə və bank sistemi haqqındakı məlumatların açıqlanmasını nə-
zərdə tutur
137
. Beynəlxalq maliyyə sisteminin “yeni arxitektu-
ra”sında kredit və maliyyə siyasətində şəffaflığın təmin olunması
məsələsi mühüm yer tutur. 22 ölkənin təşəbbüsü ilə 1998-ci ilin
oktyabrında yaradılmış şəffaflıq və hesabat məsələləri üzrə işçi
qrup BVF-yə öz funksiyaları çərçivəsində üzvlərinin iqtisadi
siyasətinə nəzarət etməyi və onların informasiyanın “şəffaflığı”
sahəsində qəbul olunmuş beynəlxalq standartlara nə qədər uyğun
gəlməsini araşdırmağı tövsiyə etdi. Bu tövsiyələr 1998-ci ilin 30
oktyabrında “böyük yeddilik” ölkələrinin maliyyə nazirləri və
mərkəzi banklarının rəhbərləri tərəfindən qəbul olundu.
Böyük yeddilik ölkələrinin qərarını icra etmək üçün BVF-
nin müvəqqəti komitəsi 1999-cu ilin aprelində “Pul kredit və ma-
liyyə siyasətinin şəffaflığının təmin olunmasına dair məcəllə”nin
layihəsini qəbul etdi. Sənədlərin hazırlanması zamanı Beynəlxalq
137
Əgər əvvəllər Rusiyada bu məlumatlar dövlət sirri sayılırdısa, indi onlar
xarici əməkdaşlara sərbəst şəkildə ötürülür
Dostları ilə paylaş: |