71
Bundan başqa TMK-larla və digər iri beynəlxalq şirkətlərlə əməkdaşlıq
sənayenin qeyrı-neft bölməsində də inkişafa səbəb оlmuşdur. Bu baxımdan,
kimya və neft-kimya, maşınqayırma, xüsusilə də neftmaşınqayırması,
cihazqayırma, yüngül və yeyinti sənayesi sahələrində belə əməkdaşlıq
imkanları genişlənir.
Qeyd etmək lazımdır ki, bu prоblemlərin həllində milli İqtisadiyyatın rəqabət
gücünün yüksəldilməsi məqsədilə ixrac qabiliyyətli və idxalı əvəz edə bilən
mütərəqqi istehsal sahələrinin inkişafının stimullaşdırılması və qlobal proteksioniz-
m meyllərinin ölkəmizə mümkün mənfi təsirlərini neytrallaşdırmaq məqsədilə
sosial-İqtisadi, texniki-istehsal, elmi-texniki və ekoloji siyasətin həmin sahələrdə
dünya standartlarına nail olunmasına yönəldilməsi оlduqca vacibdir. Bundan
əlavə, xarici İqtisadi fəaliyyətin milli tənzimlənmə sisteminin hüquqi-normativ
bazasının beynəlxalq hüquq normaları və mütərəqqi dünya təcrübəsi, o
cümlədən ÜTT-nin tələbləri əsasında tamamlanması və təkmilləşdirilməsi
məsələlərinə xüsusi əhəmiyyət verilir.
Müasir dövrdə ölkənin xarici İqtisadi əlaqələrinin inkişafında regional və
beynəlxalq İqtisadi birlik və təşkilatlarla əməkdaşlığın genişləndirilməsi və
gücləndirilməsi də əhəmiyyətli rol oynayır.
Hazırda dünya üzrə çoxlu sayda beynəlxalq və regional İqtisadi birlik və
təşkilatlar mövcuddur. Onların bəziləri böyük səlahiyyətlərə və resurslara malik
olmaqla beynəlxalq və regional səviyyədə İqtisadi, o cümlədən valyuta-kredit
və maliyyə münasibətlərinin tənzimlənməsini həyata keçirir, digərləri isə
İqtisadi siyasət üzrə hökumətlərarası müzakirələrin təşkili, məsləhətləşmələrin
aparılması və konsensus hazırlanması üçün forum kimi çıxış edir, üçüncülər isə
aktual İqtisadi problemlər üzrə informasiya yığılmasını və statistik və elmi
nəşrlərin hazırlanmasını təmin edir. Bəzi beynəlxalq və regional İqtisadi birlik
və təşkilatlar isə öz səviyyələrində sadalanan bu funksiyaların bir neçəsi və ya
hamısı ilə məşğul olur.
Eyni zamanda, müasir dövrdə ümumilikdə dünya və ayrılıqda konkret
ölkələrin İqtisadiyyatlarının inkişafında beynəlxalq və regional İqtisadi birlik və
təşkilatların rolu getdikcə artmaqdadır. Bu aşağıdakılarla şərtlənir:
Dünya ölkələrinin təcrübəsi göstərir ki, bazar İqtisadiyyatına keçən
ölkələrdə İqtisadi transformasiyanı aparmaq, ölkə İqtisadiyyatının gələcək
inkişafını təmin etmək, metodoloci çətinlikləri aradan qaldırmaq, mütərəqqi
idarəetmə təcrübəsinə yiyələnmək və müasir texnika və texnologiyanı
mənimsəmək üçün maliyyə və texniki yardıma böyük ehtiyac duyulur. Məlum
olduğu kimi, ilk növbədə beynəlxalq maliyyə təşkilatları, xüsusən də BVF-lə
əməkdaşlıq ölkəyə xarıci kapitalın axınına təkan verir. Bu da keçid
İqtisadiyyatlı ölkələrin beynəlxalq və regional İqtisadi birlik və təşkilatları ilə
əməkdaşlığını zərurı edir.
Azərbaycan Respublikasının beynəlxalq və regional təşkilatlar və
birliklərlə əməkdaşlığının müasir dövrdəki xüsusiyyətlərinin təhlili göstərdi ki,
bu əməkdaşlıq əsasən beynəlxalq təşkilatlarla əməkdaşlıq üzrə daha üstün
72
mövqeyə malik olmuşdur. Öz növbəsində, bu istiqamət üzrə əməkdaşlıq da da-
ha çox islahatların dəstəklənməsi, maliyyə sabitliyinin təmin edilməsi, sosial və
infrastruktua sahələrinin inkişafı problemlərinə yönəldilmiş texniki və maliyyə
yardımları göstərilməsi ilə məhdudlaşmışdır. Buna görə də ölkəmizin bu
qurumlarla əməkdaşlığının səmərəliliyinin daha da artırılması və bu əməkdaşlı-
ğın digər istiqamətlər üzrə də genişləndirilməsi, ümumiyyətlə, bu istiqamətdə
görülən işlərlə ölkənin xarici İqtisadi əlaqələrinin digər formalarının inkişaf
istiqamətləri üzrə görülən işlərin sıx əlaqələndirilməsinə ciddi ehtiyac duyulur.
Aparılan nəzəri və faktiki təhlilin nəticələrinə əsaslanaraq və dünya
təcrübəsini nəzərə alaraq bu qənaətə gəlirik ki, hazırda Azərbaycanda davamlı
İqtisadi artımın təmin olunması, İqtisadiyyatın struktur yenidənqurulması və
dünya təsərrüfat sisteminə inteqrasiyasının sürətləndırilməsi və əhalinin həyat
səviyyəsinin yüksəldilməsi baxımından beynəlxalq və regional İqtisadi birlik və
təşkilatlarla əməkdaşlığın potensial imkanlarından tam və səmərəli istifadə
olunması üçün ölkədə bu sahədə aparılan siyasətin aşağıdakı istiqamətlər üzrə
təkmilləşdirilməsi və inkişaf etdirilməsi məqsədəuyğun olardı:
- alınmış kreditlərin layihələr üzrə məqsədyönlü istifadə olunmasına
operativ nəzarətin gücləndirilməsi;
- ölkə İqtisadiyyatının inkişafında mühüm rol oynayan sahələrə texniki və
maliyyə yardımı göstərilməsi haqqında beynəlxalq və regional maliyyə
təşkilatları ilə razılaşmalar əldə edilməsi;
- istehsal, xidmət və bazar infrastruktur sahələrinin dünya standartları
əsasında modernləşdirilməsi və inkişaf etdirilməsi üçün beynəlxalq və
regional maliyyə təşkilatlarının imkanlarından maksimum yararlanmaq;
- ölkənin Abşeron İqtisadi rayonu ilə yanaşı digər rayonlarında da İqtisadi
həyatı canlandırmaq üçün bu rayonlarda səmərəli istehsal sahələrini
müəyyənləşdirmək və bu sahələrə kreditlər cəlb etmək məqsədi ilə
beynəlxalq maliyyə təşkilatları ilə məqsədyönlü iş aparılması;
- qeyri-neft sektorunda istehsalın səviyyəsi və səmərəliliyinin yüksəl-
dilməsində gözlənilən nəticənin əldə olunmaması bu istiqamətdə aparılan
islahatların dərinləşdirilməsini obyektiv zərurətə çevirir və beynəlxalq
maliyyə təşkilatları ilə keyfiyyətcə yeni layihələr üzrə əməkdaşlığı
aktuallaşdırır. Bu əsasda ikinci özəlləşdirmə proqramının qəbulu və
həyata keçirilməsində BVF və DB qrupu ilə əməkdaşlıq mühüm rol
oynaya bilər. BVF və DB qrupunun bu istiqamətdə qabaqcıl təcrübəsi
özəlləşdirmənin daha səmərəli həyata keçirilməsinə və real sektorun
inkişafına kömək edə bilər.
Qeyd etmək lazımdır ki, beynəlxalq İqtisadi təşkilatlarla əməkdaşlığın
gələcəkdə daha da səmərəli olması üçün, BƏT-lə əməkdaşlığın uğurlu
təcrübəsindən istıfadə etmək lazımdır. Bu təcrübədən xüsusilə ÜTT ilə
əməkdaşlıq çərçivəsində istifadə etmək zəruridir. Məsələn, ölkəmizin ÜTT-yə
perspektiv üzvlüyü istiqamətində görülən işlərin texniki, informasiya və s.