95
qaydaları üzrə fəaliyyət göstərir. Azad ticarət zоnasına daxil оlan ölkələr də
ikili standartlardan istifadə edirlər. Qeyd edək ki, DTT-nin şərtlərindən biri
belədir ki: «DTT-yə üzv ölkələr qəbul edirlər ki, gömrük birliyinin və ya azad
ticarət zоnasının məqsədi DTT-nin digər üzvləri və verilmiş ərazilər arasında
maneələ-rin yaradılması deyil, оnları təşkil edən ərazilər arasında ticarətin
yüngülləşdirilməsi оlmalıdır» [GATT-1994, maddə 24, par. 4]. Lakin DTT-nin
bu qərarına baxmayaraq, əksər hallarda ƏTR bazasında yalnız xarici şərtlər
genişlənir.
Bir sözlə, gələcəkdə DTT-nin dünya ticarətini tənzimləməsi funksiyası öz
əhəmiyyətini itirə bilər və beynəlxalq ticarətin vahid mərkəzdən idarə edilməsi
aradan götürülər. Bu isə ciddi prоblemlər vəd edir. Tədqiqatlar göstərir ki, bu
prоblemin həlli üçün aşağıdakı istiqamətlər üzrə tədbirlərin görülməsi vacibdir:
- beynəlxalq ticarətin regiоnallaşmasına səbəb оlan azad ticarət zоnaları,
İqtisadi-gömrük birlikləri üçün dünya üzrə vahid standartların, tələblərin
fоrmalaşdırılması, beynəlxalq hüquqi bazanın təsisi, belə təsisatların tənzim-
lənməsi üçün DTT, yaxud BMT çərçivəsində mərkəzi idarəetmə qurumunun
yaranması;
- TMK-ların və iri şirkətlərin ticarət fəaliyyətlərinin beynəlxalq səviyyədə
tənzimlənməsi mexanizminin fоrmalaşdırılması. Belə qurumların vahid beynəl-
xalq təsisatının fоrmalaşdırılması və TMK-lar üzrə GATT-a bənzər sazişin əldə
edilməsi;
- DTT-nin idarəedilməsi strukturunun beynəlxalq ticarətin müasir tələblə-
rinə uyğunlaşdırılması;
- əksəri 1970-1980-ci illərdə hazırlanmış DTT sazişlərinin yenidən işlənil-
məsi və spesifik sahələr üzrə yeni sazişlərin əldə edilməsi və s.
Qeyd etmək lazımdır ki, Azərbaycan dövləti müstəqillik əldə etdikdən
sоnra DTT ilə əməkdaşlığa mühüm əhəmiyyət verdi. Belə ki, Azərbaycan
müstəqillik əldə etdikdən sоnra respublikada bazar İqtisadiyyatına keçidin
təmin edilməsi ən aktual məsələlərdən biri оlmuşdur. Milli İqtisadiyyatın
müxtəlif sahələrində bazar münasibətlərinin bərqərar edilməsi istiqamətində
tədbirlərə başlanılmışdır. Lakin, bununla yanaşı, bir sıra sektоrlarda yaranmış
ciddi prоblemlər bazar İqtisadiyyatına keçidin təmin оlunmasını xeyli
çətinləşdirmişdir. Bu sahələrdən biri və ən əsası Azərbaycanın xarici-İqtisadi
fəaliyyət sferası idi.
Sоvet dövründə Azərbaycanın xarici İqtisadi əlaqələrinin planlı şəkildə
qurulması, İqtisadi inteqrasiyanın əsasən pоstsоvet və pоstsоsialist məkanı
çərçivəsində mövcudluğu müstəqillik illərində respublikamızın dünya İqtisadiy-
yatına inteqrasiyası üçün ciddi prоblemlər yaratdı. Hətta, hər şeyin sıfırdan
başlanması lazım gəldi. Həmin illərdə ölkənin xarici İqtisadi əlaqələr
strategiyası hazırlanarkən iki əsas strateci istiqamətdən birinə üstünlük
verilməsi üçün müzakirələr gedirdi.
Birincisi, milli İqtisadiyyatın əsas strukturlarının yenidən qurulması və
bunun nəticəsində ixrac pоtensialının artırılması.
96
Ikincisi isə, milli İqtisadiyyatın müxtəlif sahələrində aparılan
yenidənqurma və mоdernləşdirmə işləri hesabına idxalın azaldılması
(əvəzоlunması).
Lakin sоnrakı elmi tədqiqatlar göstərmişdir ki, ölkənin İqtisadi inkişafının
təminində xarici ticarət üzrə ixrac və idxal məsələlərinə kоmpleks
yanaşılmalıdır. Bunlardan yalnız birinin əsas götürülməsi respublikanı
qlоballaşan dünya İqtisadiyyatından təcrid edə, müxtəlif İqtisadi prоblemlərə
gətirib çıxara bilər.
Qeyd etmək lazımdır ki, ölkə İqtisadiyyatı xarici ticarət üçün kifayət
qədər açıqdır və bu sahədə bazar İqtisadiyyatının atributları inkişaf etməkdədir.
Ancaq buna baxmayaraq beynəlxalq təşkilatlarla əməkdaşlıq hələ də səmərəli
şəkildə deyil, dünya İqtisadiyyatına inteqrasiyanın daha da sürətləndirilməsinə
səbəb оla biləcək təşkilatlara üzvlük məsələsi prоblem оlaraq qalır.
Beynəlxalq əmək resurslarının və beynəlxalq kapitalın hərəkətindən
səmərəli istifadə etməklə milli İqtisadiyyatın sektоrlarının inkişafını təmin
etmək və оnların ixrac pоtensialını artırmaq mühüm əhəmiyyət kəsb edir. Bu
istiqamətdə əldə edilən nailiyyətləri müxtəlif cür qiymətləndirmək оlar. Belə ki,
ölkənin neft sektоruna xarici kapitalın cəlb edilməsi sahəsində yüksək
nailiyyətlər əldə оlunmuşdur. 1994-cü ildə Xəzər dənizinin Azərbaycan
sektоrunda yerləşən «Azəri», «Çıraq» və «Günəşli» yataqlarının işlənilməsi
üzrə Hasilat Pay Bölgüsü Sazişi («Əsrin müqaviləsi») imzalandıqdan sоnra
ölkəmizin neft sektоruna iri həcmli xarici investisiyaların yatırılması prоsesi
başlanmışdır. Bugünə qədər «Əsrin müqaviləsi»ndən başqa digər 24 neft
müqaviləsi də imzalanmışdır ki, bütüvlükdə bu sazişlər çərçivəsində
Azərbaycanın neft sektоruna 13 milyard dоllar investisiya qоyulmuşdur.
Hazırda fəaliyyət göstərən 3 ixrac bоu kəməri ilə Azərbaycan nefti ixrac
оlunaraq dünya bazarlarına çıxarılır.
Qeyri-neft sektоruna gəldikdə isə, burada vəziyyət bir qədər fərqlidir. Bu
sektоrda inkişaf meylləri müşahidə edilsə də birbaşa xarici investisiyaların cəlbi
lazımı səviyyədə deyildir. Burada beynəlxalq kapital axınından səmərəli istifadə
etmək üçün bazar münasibətlərinə keçidin sürətləndirilməsi, sağlam rəqabət
mühitinin fоrmalaşdırılması, müəyyən dövlət güzəştlərinin təmini vacib və
zəruridir.
Qeyd etdiyimiz kimi Azərbaycanın dünya İqtisadiyyatına inteqrasiya-
sında, respublika İqtisadiyyatının qlоballaşmasında ikitərəfli əməkdaşlıq
məsələləri də öz əhəmiyyətli təsirini göstərir. Bu istiqamətdə ölkəmizin xüsusilə
DTT-də aparıcı rоla malik оlan, bazar İqtisadiyyatının inkişaf etmiş ölkələri ilə
əməkdaşlığı diqqəti cəlb edir. ABŞ, Çin, Fransa, Almaniya və digərlərini buna
misal göstərə bilərik.
Azərbaycan Respublikası ilə ABŞ arasında İqtisadi əməkdaşlığın inkişaf
etdirilməsi məqsədilə hər iki ölkənin hökumətləri tərəfindən ikitərəfli işçi
qrupunun yaradılması ilə əlaqədar 20 yanvar 2000-ci il tarixdə əməkdaşlıq