Aydın Çobanoğlu
236
Avtobusa əyləşib Yeni Dehlidə yerləşən “Samrat” otelinə
gəldik.
Üç gün burada
qalıb 6 oktyabrda otel “Aşoka”ya köçdük.
Gəldiyimiz gün axşamüstü “Qırmızı Ford” adlanan yerə
ekskursiyamız oldu. “Dehlinin darvazası” yanındakı təqribən 10
ha-lıq parkda – Sər Tacda Sovet xalqlarının folklor bayramının
açılışı olacaq yerə də baxdıq.
“Qırmızı Ford” çox qədim tikili komplekslərindən idi.
06.10.1988
SSRİ-dən gələn digər folklor qrupları da gəlib yığışdılar.
Hamılıqla “Aşok” otelində yerləşdik.
Axşamüstü məşq keçdik. SSRİ Xalq artisti Şapovalovun
ümumi rəhbərliyi ilə festivalın açılışına hazırlaşdıq.
Yerli televiziya üçün konsert verdik.
07.10.1988
Səhər tezdən yenə “Dehli darvazası” meydanına yığışdıq.
SSRİ televiziyasının “Zaman” proqramı üçün şəkillər çəkdirdik.
08.10.1988
Səhər yeməyindən sonra “altdan, üstdən qıfıllanıb” Dehli
darvazasına üz tutduq. Adam əlindən tərpənmək qeyri-mümkün
idi. Əli-ayağı yer tutan gəlmişdi. Açılış çox gözəl keçdi.
Saat 2-də və axşam 6-da iki böyük konsert verdik. Bizimlə
birlikdə bir səhnədə Arxangelsk şəhərinin “Siverko” rəqs kol-
lektivi, Ukraynanın “Japeyko” xalq musiqili teatrı və Latviya-
nın “Rotali” kollektivi çıxış edirdi.
Bütün kollektivlər öz növbəsində maraqlı çıxışları ilə ta-
maşaçıları sevindirir, rəğbətini qazanırdı.
Ömrün etməyəcək vəfa dedilər
237
Hind xalqı öz musiqisini çox sevən xalqdır. Bizim ifamız-
da səslənən mahnıları xüsusi hərarətlə alqışlayırdılar.
09.10.1988
Çətin gündür. 35-37 dərəcə isti var. Çox tərləməyək deyə
arası
kəsilmədən yeşik-yeşik sular, şirələr daşıyırdılar.
Bütün çə-
tinliklərə
baxmayaraq
konsertimiz böyük müvəffəqiyyətlə
keçdi.
10.10.1988
Sərbəstik. Sabah tezdən Aqra şəhərinə yola düşəcəyik.
Ona görə təmizlik və yır-yığış işləri ilə məşğuluq.
11.10.1988
Yeni Dehlidən 200 km. aralıda yerləşən Aqra şəhərinə yo-
la düşdük. Bu şəhərin əhalisi 1 mln. nəfərdən çoxdur. Ştat mər-
kəzidir. Həmin gün Sur-Sadanda konsert verdik.
12.10.1988
Sur-Sadan
klubunda konsertimiz
oldu.
Kollektivimiz
böyük
müvəffəqiyyət qazandı.
S.Məmmədovun və
A.Abdullayevin ifa-
sında “Heyratı” dəfələrlə sürəkli alqışlarla müşaiyət olundu.
Aqra şəhəri.
13.10.1988
Günün birinci yarısı “Ölü şəhər” deyilən qədim abidəyə
baxmağa getdik. Çox maraqlı idi. Çox geniş bir ərazini əhatə
edirdi. Əsasən qırmızı kərpicdən tikilmişdi. Milli Şərq arxitek-
turasının ən yaxşı nümunələrini bu tikililərdə görmək olar.
1506-1515-ci illərdə Əkbər tərəfindən tikdirilib. Onun dörd yer-
dən böyük xanəsi vardır ki, bunların ikisində türk qızlarından
Aydın Çobanoğlu
238
olan arvadları, birində isə hind qızı – ən sevimli arvadı yaşayır-
mış. Hər xanənin yolu, izi ayrıdır. Özünün divanxanası beşmər-
təbədən ibarətdir.
“Mina bazarı” deyilən bazarda qadınlar üçün bərbəzək
şeyləri və s. satılarmış.
Ümumiyyətlə, Hindistanın qədim abidələri qiymətli daş-
larla, brilyantlarla işlənmiş, lakin bunların hamısı müxtəlif
dövrlərdə ingilislər, farslar tərəfindən talan edilib daşınmışdır.
Maraqlı abidələrdən biri də oradakı “Cümə məscidi”dir.
Məscidə ayaqqabı ilə heç kim buraxılmır. Oradakı qəbir ziyarət
edilir, dilək dilənir. Belə deyirlər ki, orda dilənən diləklər hasil
olur. Ziyarət edib, dilək diləyib “Muqhal Şerata” mehmanxana-
sına qayıdırıq.
Nahar fasiləsindən sonra avtobusa oturub məşhur “Tac
Mahal” abidəsinə baxmağa gedirik.
“Tac Mahal” görmək üçün həsrət çəkməyə dəyəsi tarixi
bir abidədir. 350 il bundan əvvəl tikimiş bu abidəni Şah Cahan
dünyadan cavan getmiş arvadı Mumtac Mahalın xatirəsinə
ucaltdırmışdı. Mümtac Mahal (1621-1659) altı oğul dörd qız
anası olub. 38 yaşında dünyasını dəyişib.
“Tac Mahal”ın ümumi dəyəri 65 mln. rupidir. On beş il
hər gün 20 min adam bu abidənin tikintisində işləyib. Bina bü-
tövlükdə Racistan mərmərindən işlənib. Mərmər üzərində oy-
malar qiymətli daşlarla, brilyant və qızılla işlənmişdir.
Camna çayının sahilində ucaldılmış abidənin memarı türk
Məhəmməd Usta Əfəndi olmuşdur.
Abidənin hündürlüyü 65 m, tacın hündürlüyü 10 metrdir.
Şah Cahan məhəbbətinin böyüklüyünü abidə olaraq belə
“əbədiləşdirib”.
Ömrün etməyəcək vəfa dedilər
239
Əfsuslar olsun ki, belə bir böyük şah ömrünün axır vaxtla-
rında öz oğlu tərəfindən öz tikdirdiyi “Qırmızı Fərra”da 9 il ev
dustağı edilmişdir.
Mehmanxanaya qayıtdıq. Tapşırıq verildi ki, sabah bütün
günü oteldən bayıra çıxmaq olmaz. Şəhərdə qarışıqlıqdır. Mü-
səlmanlarla hindular arasında böyük toqquşma var.
14.10.1988
Oteldəyik. Hovuzda çimib, dincəlirik.
15.10.1988
Aqradan Kağuraxo kəndinə uçuruq. Kağuraxo adi hind
kəndi olsa da, özünün çoxəsirlik məhəbbət məbədləri ilə diqqəti
cəlb edir. Burada bir neçə mehmanxana turistlərin ixtiyarında-
dır. 820-dən çox məbəd olmuşdur. Onlardan cəmi 22-si qalmış-
dır. Bu tarixi abidələrin çöl divarları müxtəlif məhəbbət təsvir-
ləri ilə bəzədilmişdir. Ümumiyyətlə, hind xalqı öz milli musiqi-
sini və mədəniyyətini çox sevir. Hər dəfə konsertlərdə bizim ar-
tistlərin ifasında hind musiqisi eşidilərkən salondakılar alqışlar-
la bizə qoşulur, bərabər oxuyurdular.
İki konsert verdik.
Şəlaləyə baxmağa getdik. Bura Koğuraxodan 20-25 km.
aralı idi.
Koğuraxoda beş gün qaldıq.
20.10.1988
Koğuraxodan Hindistanın ən müqəddəs şəhərlərindən biri
olan Varanasiyə uçduq. Belə söyləyirlər ki, müqəddəs Qanqa
çayının sahilində yerləşən Varanasiyə Hindistanın hər yerindən
Dostları ilə paylaş: |