56
kompüterdə əlavə olaraq səs kartı, səs kolonkası və mikrofon olmalıdır. Aralarında
səsli əlaqə yaradılan kompüterlərdə eyni proqram təminatından istifadə
olunmalıdır. Bu məqsədlə, məsələn, «NetMeetinq» proqramından, tərkibinə
«Net2Phone» proqramı daxil edilmiş CQ proqram paketindən, «Vocaltec nternet
Phone» proqram kompleksindən, «Media-Ring» proqramından və s. istifadə edilə
bilər.
Kompüterlər arasında real vaxt rejimində səsli əlaqənin yaradılması müxtəlif
coğrafi nöqtələrdə yerləşmiş şəxslərin (elmi işçilərin, iş adamlarınm və s.) iştirakı
ilə audio-konfrans keçirməyə real imkan yaradır. Bu cür audio-konfransları
reallaşdırmaq üçün yuxarıda göstərilən proqramlarla yanaşı, bu məqsəd üçün daha
geniş yayılmış « Paltalk» proqramından istifadə etmək olar.
Müasir informasiya texnologiyasının metod və vasitələri nternet vasitəsilə
kompüterlər arasında real vaxt rejimində həm səsli, həm də görüntülü əlaqənin
yaradılmasına imkan verirlər, yəni bir-birilə səsli əlaqə quran şəxslər, həm də bir-
birini görə bilirlər. Görüntülü əlaqənin yaradılması üçün istifadə edilən
kompüterlərdən və modemlərdən səsli əlaqəyə nisbətən daha yüksək sürət tələb
olunur. Görüntülü əlaqə yaratmaq üçün səsli əlaqədə tətbiq edilən texniki
avadanlığa əlavə olaraq Web kamera da daxil edilməlidir.
nternet vasitəsilə kompüterlər arasında real vaxt rejimində səsli və
görüntülü əlaqənin qurulması imkanı videokonfranslar keçirməyə real şərait
yaradır. Videokonfrans yuxarıda baxılan «Səs Çatı» nın analoqudur, lakin burada
səslə bərabər video təsvirlər də ötürülür və qəbul edilir.
Kompüterlər arasında səsli və görüntülü əlaqənin yaradılması üçün şəbəkədə
səsin və təsvirin sıxılıb ötürülməsini və qəbul edilib açılmasını təmin edən xüsusi
proqram təminatı tətbiq edilir. Bu proqramlardan ən tanınmışları yuxarıda adı
çəkilən «NetMeeting» və xüsusilə videokonfrans keçirmək üçün nəzərdə tutulan
«CU-SeeMe» proqramlarıdır.
6.
Elektron elanlar lövhələri. Bu xidmət növü elektron poçtundan,
müxtəlif informasiya xidmətldərindən, interaktiv səsli və görüntülü əlaqələrdən və
57
konfranslardan birgə istifadə edilməklə reallaşdırılır. ABŞ-ın NPTN (National
Publik Telecomputinq Network- Milli ctimai Kompüter Şəbəkəsi) kompüter
şəbəkəsinin tərkibinə daxil olan bu sistem pulsuz telekommunikasiya və şəbəkə
xidmətləri təqdim edir.
Elektron lövhələr onlarda yerləşdirilmiş elanların mövzularına görə
xüsusiləşdirilmiş və ümumi xarakterli ola bilərlər. 1-ci halda elektron lövhədə
yerləşdirilmiş elanlar müəyyən mövzuya görə qruplaşdırılır, məsələn, daşınmaz
əmlak satışı, avtomobil satışı və s., 2-ci halda isə lövhədə bütün mövzulara aid
elanlar yerləşdirilir. Elektron elanlar adi qəzet və ya divar elanlarından fərqli
olaraq, daha çox müddətdə fəaliyyət göstərir və onları daha çox sayda istifadəçi
oxuyur. Qəzetlərdəki elanların elektron variantlarını da nternetdə yerləşdirmək
mümkündür.
nternet vasitəsilə alqı-satqı əməliyyatlarının aparılması da çox səmərəlidir.
nternetin bu xidmət obyektlərinə nternet - mağazalar deyilir. nternet -
mağazalarda satılan mallar haqqında ətraflı məlumat verilir və qrafık vasitələrin
köməyilə əks etdirilir. Alıcı ona lazım olan malı seçdikdən sonra satışı ilə «online»
və ya «offline» rejimində əlaqə saxlaya və onunla sövdələşə bilər. Ən geniş
yayılmış nternet - mağaza proqramlarına misal olaraq «Copernic Shopper»
(ünvanı: www.copernic.com), «Half»(ünvanı: www.half.com), «Shopping»
(ünvanı: www.shopping.ru) və s. göstərmək olar.
Elektron elanlar lövhələrinin bir növü də nternet və ya şəbəkə
auksionlarıdır. nternet - auksion istənilən mal növləri üzrə və istənilən istifadəçiyə
görə təşkil edilə bilər. Məsələn, Rusiyada bu məqsədlə iri miqyaslı
«Molotok»(ünvanı: www.molotok.ru) auksionu təşkil edilmişdir. Auksionda
axtarış aparmaq üçün xüsusi axtarış sistemləri də hazırlanmışdır ( məsələn,
«Auctions Portal» sistemi: www.auctions-portal.com).
Elektron-mağazalarda və auksionlarda axtarış aparmaq üçün yuxarıda adları
çəkilən proqramlardan başqa digər proqramlar da mövcuddur. Təəssüflər ki, bunu
digər növ elektron elanlar lövhələri haqqında demək olmaz . Bu cür proqramların
58
sayı azdır. Sayı çox da olmayan bu proqramların kataloqlarına «http//arsma.cent-
ro.ru/kataloqbbs/index. html», «http://vdonsk.ru/~csi/cataloq.htm» baxmaq olar.
7.
nternet vasitəsilə şəkillərin, insanların və təşkilatların axtarışı. Bu
xidmət növləri nternet -brauzerlərin son versiyalarında reallaşdırılan funksiyaların
köməyilə və digər proqramlar vasitəsilə yerinə yetirilir.
Şəkil axtarışı üçün nternet Explorer-də «Search»(Axtarış) düyməsini
basmaq və sol tərəfdə açılan pəncərədə «Find a picture» (Şəklin axtarışı)
menyusunu seçərək şəklin adını ifadə edən lazımi sözü qeyd etmək lazımdır. Şəkil
axtarmaq məqsədilə digər proqramlardan da istifadə edilə bilər. Məsələn,
www.ditto.com və ya www.ipix.yahoo.com serverləri vasitəsilə axtarılan şəkli
ifadə edən bir sözü verməklə həmin sözə uyğun şəkillərə baxmaq olar. «Google»
sistemində də şəkil axtarışı imkanı lazımi səviyyədə nəzərə alınmışdır (ünvan:
www.google.com).
nternetdə insanların da axtarışını həyata keçirmək olar. Bu məqsəd üçün
müxtəlif proqramlar mövcuddur. Bu proqramlardan bəzilərini əməliyyat
sistemlərindən çağırıb işlətmək olar.
nternet vasitəsilə təşkilatların da axtarışı mümkündür. Bu cür axtarışı
təşkilatın adına, elektron poçt ünvanına, URL və ya P-ünvanına görə aparmaq
olar. Bu məqsədlə yuxarıda adlan çəkilən və digər axtarış proqramlarından istifadə
etmək olar. Prinsip etibarilə təşkilatların axtarışı insanların axtarışı kimi aparılır.
8.
TELNET xidməti. Terminalın emilyasiya protokolu olan Telnet uzaq
məsafəli terminalın nternetə qoşulmasını təmin edir. Telnet istifadəçiyə uzaq
məsafəli qovşağın əməliyyat sistemi və ya verilənlər bazası ilə əlaqə yaratmağa
imkan verir. Uzaq məsafəli kompüterdə (qovşaqda) yerləşən proqramları çağırıb
istifadə etmək də olar. Uzaq məsafəli kompüterlə əlaqə nternet vasitəsilə
yaradılır. Bunun üçün həmin kompüterdə «uçot resursu» (account) olmalıdır. Bəzi
qovşaqlar istifadəçiləri əlverişli servislə təmin edirlər. Məsələn, ABŞ konqresinin
kitabxanasının «locis.loc.gov» qovşağına Telnet protokolu ilə müraciət etmək üçün
uçot resursları tələb edilmir. Bu halda sistemə giriş zamam istifadəçi identifıkasiya
Dostları ilə paylaş: |