Arif Şəkərəliyev, Qoşqar Şəkərəliyev
96
ilk çağlarından siyasi-ictimai və iqtisadi sferadakı transformasiyanı
hökumət birmənalı şəkildə islahatlar yolu ilə həyata keçirməyi qərara
aldı.
İqtisadi islahatların zəruriliyi ölkə iqtisadiyyatının mövcud duru-
mundan irəli gəlir.Yəni hər hansı bir iqtisadi sistemdə islahatların ke-
çirilməsi zərurəti onun içindən doğur. Ümumiyyətlə, müxtəlif dövrlər-
də həyatın müxtəlif sferalarında islahatlar həyata keçirilmişdir. Bu is-
lahatların keçirilmə səbəbləri yuxarıda qeyd etdiyim kimi, həm daxili
səbəblərdən, həm də xarici səbəblərdən ibarətdir. Xarici səbəblər
dedikdə, beynəlxalq ictimai, siyasi, iqtisadi və s. mühit və onun təsiri
başa düşülür. Daxili səbəblər isə daha çox təsirə malik olub, həm də
daha müxtəlif olurlar.
Tarixən islahatların, həmçinin iqtisadi islahatların həyata keçiril-
mə səbəbi təsərrüfat münasibətlərinin obrazlı desək, digər mövcud cə-
miyyət münasibətlərini ötüb keçməsi ilə əlaqədar olmuşdur. Lakin
hansı səbəbdən doğmasından asılı olmayaraq iqtisadi islahatlara təsir
edən iki qrup amil xüsusi ayırd edilir:
Bu və ya digər ölkədə qəbul olunmuş sosial-iqtisadi inkişaf kon-
sepsiyası;
Dəyişikliklər ərəfəsində ölkənin sosial, siyasi və iqtisadi islahatla-
rına təsir edə biləcək obyektiv amillər.
İqtisadi islahatların zəruriliyi və mahiyyətindən danışarkən bu an-
layışların hansının müəyyənedici olduğu haqda sual meydana çıxır,
yəni hansı anlayış o biri üçün səbəb olur. Buradan görünür ki, zəruri-
lik özünü o vaxt büruzə verir ki, ya mövcud iqtisadi münasibətləri tək-
milləşdirmək ehtiyacı var, ya da yeni münasibətlər formalaşdırmaq la-
zımdır. Onu bildirək ki, islahatlar zərurətdən həyata keçirilir.İqtisadi
islahatlar heç vaxt islahatlar naminə keçirilməməlidir. Çünki, bu bö-
yük bir yanlışlıqdır. İslahatlar yalnız zərurəti gəldikdə həyata keçiril-
məlidir. Bu zərurət isə özünü yeni münasibət, şərait, infrastruktur, əla-
qələr və s.-in yaranmasında tapır. İslahatlar vasitəsi ilə yuxarıda sada-
lananlar formalaşdırılır.
İqtisadi islahatların mahiyyətindən danışarkən hökmən onun tər-
kibindən də söz açmaq lazımdır. Belə ki, burada biz islahatların hansı
səpkidə aparılmasından söhbət açmalıyıq.
İqtisadi islahatların tərkib hissələri kimi aqrar islahatları, struktur
islahatları, iqtisadi idarəetmədəki islahatları və s.-i göstərmək olar. Bu
tərkib hissələrinin hər birinin mahiyyəti açılsa onda iqtisadi islahatla-
AZƏRBAYCAN İQTİSADİYYATI: reallıqlar və perspektivlər
97
rın mahiyyəti də açılmış olar. Onu da qeyd edək ki, bu tərkib hissələri
bir-biri ilə qarşılıqlı əlaqə və asılılıqdadırlar.
Hökumətin iqtisadi vasitələrə əsaslanan tənzimlənmə mexanizm-
lərinin formalaşdırılması prosesi ilk dəfə “1999-2000-ci illərdə Azər-
baycan Respublikasında aqrar islahatların dərinləşdirilməsi və kənd
təsərrüfatında sahibkarlığın inkişafına kömək göstərilməsinə dair Döv-
lət Proqramı” çərçivəsində həyata keçirilmişdir. Belə ki, 1999-cu ildə
hökumət kənd təsərrüfatı məhsullarının istehsalçılarına neft məhsulla-
rının (yük avtomobilləri üçün benzin, dizel yanacağı və motor yağları-
nın) güzəştli qiymətlərlə satışı barədə qərar qəbul etdi. Bundan savayı,
bu yolda ölkə Parlamentinin 2000-ci ilin oktyabr ayında qəbul etdiyi
“Özəlləşdirilən dövlət müəssisələrinin, aqrar islahatlar nəticəsində
ləğv olunmuş və işğal altında olan rayonların təsərrüfat subyektlərinin
borcları haqqında” Qanununa görə, ləğv olunmuş kolxoz və sovxozla-
rın dövlət büdcəsinə, büdcədənkənar dövlət fondlarına, dövlət bank-
larına və digər dövlət müəssisə və təşkilatlarına onların özəlləşdirilmə-
sinə qədər yaranmış borcları (əsas borc məbləği, faizlər və maliyyə
sanksiyaları daxil olmaqla) silinmişdir.
Aqrar islahatlardan danışarkən onu da bildirmək lazımdır ki, kənd
təsərrüfatı iqtisadiyyatın mühüm tərkib hissəsidir. Buna görə də bu
sahədə aparılan islahatlar da diqqət mərkəzində olmalıdır.
Kənd təsərrüfatı məhsullarının qiymətlərinin liberallaşdırılması və
kənd əhalisinin gəlirlərinin artırılmasına real mühit yaradılması üçün
islahatların ilkin mərhələsində bazar münasibətlərinin tələbləri və
prinsipləri əsasında fəaliyyət göstərən kənd təsərrüfatı kooperativləri
yaradılması və özəl, qeyri-dövlət sənaye müəssisələrində buraxılan
məhsulların xüsusi çəkisinin artımına nail olunmasına çaılışılmalıdır.
Bu və bu kimi digər təbirlərin məntiqi nəticəsi kimi ölkədə kənd
təsərrüfatı sahəsində son beş ildə ət istehsalı kəsilmiş çəkidə 41.2 min
ton (30.7%), taxıl istehsalı 440.5 min ton (21.4%), süd istehsalı 213.8
min ton (18.3%), kartof istehsalı 308.1 min ton (40%), yumurta isteh-
salı 326.8 milyon ədəd (47.9%), tərəvəz istehsalı 182 min ton (17.4%)
yun istehsalı isə 2.7 min ton (22.3%) artmışdır.
Sözsüz ki, aqrar islahatlar koordinal dəyişikliklərə səbəb oldu.
Yəni kəndli öz torpağının sahibinə çevrildi və ona təsərrüfat azadlığı
verildi. Bu dəyişiklik ümumi dəyişikliklər sistemində özünə layiq yeri
tutaraq islahatların gedişinə təkan verdi. Bununla da sanki, iqtisadiy-
yat canlanmağa başladı.
Arif Şəkərəliyev, Qoşqar Şəkərəliyev
98
Onu da qeyd edək ki, Azərbaycanda iqtisadi islahatlar aqrar isla-
hatlarla başladı. Bu isə özü-özlüyündə təqdirəlayiq haldır. Bundan
başqa, bu həmçinin kənddə sosial vəziyyəti yaxşılaşdırmağa yönəlmiş
bir tədbir idi.
Maliyyə-kredit sahəsindəki islahatlar digər sahələrdəki islahatlar
kimi geniş aparılmış islahatlardandır. Bu islahatların aparılması ilə
ölkə iqtisadiyyatına yeni qüvvə verilmişdir.
Azərbaycan inzibati idarəetmə sistemindən ayrıldıqdan sonra
özünə maliyyə sistemi formalaşdırıb, yeni valyuta (milli valyuta) döv-
riyyəyə buraxır, özəl banklar açılır, xarici banklar, maliyyə təşkilatları,
kredit verən ölkələr maliyyə sistemində öz yerlərini tuturlar, həmçinin
ölkə beynəlxalq maliyyə sisteminə inteqrasiya edir. Bu tip islahatların
məqsədi ölkə iqtisadiyyatına daha çox maliyyə resurslarının axınını
təmin etmək və ölkənin maliyyə ehtiyatlarını artırmaqdır. Bununla ya-
naşı, sağlam milli iqtisadiyyat formalaşdırmaq məqsədi güdülür.
Struktur islahatları artıq keçirilməsi zəruri olan islahatlardan idi.
Çünki Sovet İttifaqına aid olduğumuz dövrdə iqtisadiyyatımız birtə-
rəfli xammalyönümlü inkişaf etmişdir. Buna görə də mülkiyyət forma-
larının dəyişilməsi zamanı, həm də iqtisadiyyatın qeyri-xammal sekto-
runun inkişafına şərait yaradılmalı idi.Yəni, islahatlar elə aparılmalı
idi ki, həm də real sektor inkişaf etsin.İqtisadiyyatın strukturunun də-
yişdirilməsi olduqca ciddi məsələdir və bu zaman bütün növ resurslar
düzgün qiymətləndirilməlidir və ölkə iqtisadiyyatı qabaqcadan müəy-
yənləşdirilmiş prioritetlərə yön almalıdır. Burada prioritetlər dedikdə,
ali iqtisadi məqsədlər nəzərdə tutulur.
Struktur islahatları həyata keçirilərkən hökmən ölkə potensialı ilə
yanaşı, beynəlxalq iqtisadi durum da nəzərə alınmalıdır.
İqtisadi idarəetmədəki islahatlar iqtisadi və siyasi islahatların bir-
likdə aparılması zərurətindən meydana çıxır. Yəni həm iqtisadi, həm
də siyasi sistem dəyişirsə, onda təsir mexanizmləri də dəyişilməlidir.
Bununla da direktiv idarəetmə dövlət tənzimləməsi ilə əvəz olundu.
Əvvələr əgər direktiv planlaşdırma hökm sürürdüsə, indi tövsiyə xa-
rakterli indiqativ planlaşdırma mövcuddur. Əgər əvvəllər dövlət iqti-
sadiyyatı istədiyi kimi birbaşa idarə edirdisə, indi bazar iqtisadiyyatı-
nın çatışmazlıqlarına qarşı tədbirlər görməklə kifayətlənir.
Proqnozlar əvvəlki qaydada tutulsalar da, indi bazar iqtisadiyyatı-
nın qanunauyğunluqlarına söykənirlər.
Dostları ilə paylaş: |