101
maliyyə hesabatlarının ətraflı təhlili həyata keçirilməlidir. Bu növ təhlillər həyata keçirildikdən
sonra banka təsir edə biləcək şoklar müəyyən edilməlidir. Şoklar stress testin keçirilmə
məqsədindən asılı olaraq müəyyən bir istiqamətdə və ya kompleks şəkildə ola bilər.
Stress test proseslərində hadisələrin ekstremallıq və ehtimal kriteriyalarının əlaqəsi nəzərə
alınmalıdır. Yəni, hər hansı bir risk faktorunun ekstremal həddə dəyişilməsi ehtimalı mümkün
olmalıdır. Stress testlər hadisələrin baş vermə ehtimallarını müəyyən etmir. Bu səbəbdən
ssenarilərin seçilməsi zamanı hadisələrin baş vermə ehtimallarının başa düşülməsi vacib şərtdir.
Stress testin həyata keçirilməsi üçün istifadə edilən məlumatların mötəbərliyi və aktuallığı
yoxlanılmalıdır. Bu zaman istifadə edilən hesabatların davamlıq və müqayisəlilik meyarlarına
uyğunluğunun təmin edilməsi nəzərə alınmalıdır. Stress testdə qəbul edilmiş hər bir fərziyyə təhlil
edilməli və əsaslandırılmalıdır. Stress testlər həyata keçirilərkən “ən pis”, “ən yaxşı” və “ehtimal
olunan” ssenariləri tərtib olunmalı və fərziyyələr daxil olmaqla hər bir ssenari üçün ayrıca meyarlar və
ş
oklar müəyyən edilməlidir. Stress testlərin keçirilməsi zamanı risk faktorlarının müəyyən edilməsində
yalnız keçmiş məlumatlara əsaslanmaq düzgün olmayan nəticələrə gətirib çıxara bilər. Bu səbəbdən
stress testlərin hazırlanması zamanı bank tarixi ssenarilərdən başqa potensial riskləri və maksimal
itkiləri nəzərə alan hipotetik ssenariləri də nəzərdən keçirməlidir.
Bankın məruz qaldığı risk faktorlarının sayı həddən artıq çox olduqda bu faktorların
arasından yalnız bankın fəaliyyətinə ciddi təsir edə biləcək əsas risk faktorları seçilməli və onların
bankın maliyyə durumuna təsiri ölçülməlidir.
Stress testlər aparılarkən ən azı aşağıdakılar nəzərə alınmalıdır:
1. müxtəlif sektorlarda baş verən şok hadisələrinin bankın kredit portfelinə
2. və onun keyfiyyətinə təsiri;
3. ÜDM-də baş verən dəyişikliklərin bankın kredit və depozit portfelinə
4. təsiri;
5. inflyasiya dəyişkənliyinin bank məhsullarının faizlərinə və kredit
6. portfelinə təsiri;
7. müxtəlif məhsulların faiz dərəcələrinə təsiredici amillərdə baş verən
8. dəyişikliklərin həm faiz dərəcələrinə, həm də bankın mənfəətinə, kapitalına, kredit və
depozit portfelinə, xarici valyutada olan aktiv və öhdəliklərinə təsiri;
9. qeyri-işlək kreditlərin strukturunda baş vermiş dəyişikliklərin bankın mənfəətinə,
kapitalına və likvidliyinə təsiri;
10. iri kreditlərlə bağlı yaranmış problemlərin bankın kredit portfelinə, likvidliyinə və
mənfəətinə təsiri;
11. xarici borcların vaxtından əvvəl geri çağırılmasının bankın likvidliyinə təsiri;
12. iri depozitlərin geri çağırılmasının bankın likvidliyinə təsiri;
13. bankda yüksək likvidli vəsaitlərin azalmasının yeni kreditlərə təsiri;
14. əməliyyat gəlirinin azalması və/və ya əməliyyat xərcinin artmasına təsir edən amillərin
kəskin dəyişməsi;
15. maliyyələşmədə problemlər;
16. təminatın dəyərinin dəyişməsi;
17. xarici valyutanın rəsmi məzənnəsinin dəyişməsi.
Banklarda stress testlər aparıldıqdan sonra əldə edilmiş nəticələr ən azı aşağıdakı
hesabatlarda öz əksini tapmalıdır:
- cari, ilin sonuna və bir il sonrakı dövrdə şoklardan sonrakı balans hesabatı;
- cari, ilin sonuna və bir il sonrakı dövrdə şoklardan sonrakı mənfəət və zərər hesabatı;
- cari dövrdə şoklardan sonrakı ödəniş müddətinin bölgüsü cədvəli;
- cari, ilin sonuna və bir il sonrakı dövrdə şoklardan sonrakı kredit portfeli ;
- cari, ilin sonuna və bir il sonrakı dövrdə şoklardan sonrakı ən azı aşağıdakı əmsallar:
- kapitalın adekvatlıq əmsalı;
- leverec əmsalı;
- ani likvidlik əmsalı;
- birinci dərəcəli kapitalın adekvatlıq əmsalı;
102
- vaxtı keçmiş kreditlərin portfeldə payı;
- ROE əmsalı;
- ROA əmsalı;
- likvid aktivlərin aktivlərə nisbəti əmsalı;
- xalis faiz gəlirinin ümumi gəlirlərə nisbəti əmsalı;
- açıq valyuta mövqeyinin kapitala nisbəti əmsalı.
Banklar operativ qərar qəbul etmənin təmin edilməsi məqsədi ilə ən azı ayda bir dəfə stress
testləri həyata keçirməlidirlər. Stress test modeli, o cümlədən stress testin həyata keçirilməsi
zamanı istifadə edilən ehtimallar bankın risklərin idarə edilməsi bölməsi tərəfindən hazırlanmalı,
Risklərin idarə edilməsi komitəsi tərəfindən ona baxılmalı və Müşahidə Şurası tərəfindən təsdiq
edilməlidir. Modelə ən azı ildə bir dəfə, zəruri hallarda isə müətmadi olaraq yenidən baxılmalıdır.
Modeldə istifadə edilən ehtimallara və şoklara hər bir stress test keçirilərkən fərdi qaydada
baxılmalı və təsdiq edilməlidir.
2.9. BANK S STEM NDƏ BÖHRAN
Finans böhranları haqqında nəzəriyyələr. 1970-ci illərin əvvəllərində etibarən yaşanan
başlıca finans böhranlarını açıqlayan nəzəriyyələri əsasən altı başlıq altında toplaya bilərik:
• Dövri borc yığımı. Fişer, Minski kimi iqtisadçıların araşdırmalarına görə istər şirkətlərin,
istərsə də ölkələrin sürətli böyümə dönəmlərində dövri bir borc yığımına rast gəlinir. Bu borc
yığımı finans böhranlarının meydana gəlməsində başlıca faktor rolunu oynayır;
• Bankçılıqda yaşanan böhran. Fridman, Kaqan kimi monetaristlər tərəfindən irəli sürülən
bu nəzəriyyəyə görə yüksək inflyasiya bankçılıq sektorunda təşvişə yol açmışdır. Bu durumda
yeridilən daralmış pul siyasətinin iqtisadi aktiv üzərində təsiri azalır;
• Rasional nəzəriyyə. Flud, Qerber, Uotson və Kriqman kimi iqtisadçılara görə ən önəmli
faktor olaraq qiymət dəyişmələrinə yönələn gözləmələrdir;
• Qeyri-müəyyənlik nəzəriyyəsi. Bu nəzəriyyə gələcəkdəki əldə ediləcək gəlirlə risk
arasında qərar olmanın vacibliyini açıqlayır. Bu məktəbin iqtisadçıları – Molozer, Nerrinqə görə
finans böhranlarına səbəb gələcəyə yönəlmiş qərarsızlıq və qeyri-müəyyənlikdir;
• Kredit nəzəriyyəsi. Kredit miqdarındakı azalmalar kredit tələbində ani bir artıma səbəb olur;
• Finans bazarı strukturu nəzəriyyəsi, Davis tərəfindən inkişaf etdirilən bu nəzəriyyə
derequlyasiondan qaynaqlanan, bazara girişdə qarşılaşan maneçiliklərin aradan qaldırılması, yeni
bazarların inkişafı və digər faktorlar üzərində durmaqdadır. Bazara giriş maneçiliklərin
azaldılması rəqabət artımına, bu artım isə kredit tələbində bir artıma və kredit standartlarının azal-
masına yol açaraq böhrana səbəb ola bilir.
Finans böhranının komponentləri. Müasir rus və xarici ədəbiyyatlarda maliyyə böhranı
definisiyasının bir mənalı izahı yoxdur. Maliyyə böhranı sadəcə olaraq geniş spektrə malik
böhranın bir parçasıdır hansı ki, iqtisadiyyatın ümumi böhranı zamanı yaranır. “Maliyyə böhranı”
termininin son vaxtlar istifadəsi genişlənib. Adətən əvvəllər “pul böhranı” termini istifadə
olunurdu.
Finans böhranlarının səbəbləri müxtəlifdir. lk növbədə, bunun səbəbləri əsassız (tutarsız)
makroiqtisadi siyasət, dövlət borc münasibətləri sisteminin kökündən pozulması, inflyasiyanın
güclənməsi, bank sektorundakı çaxnaşma, zəif və ya axsaq milli finans sistemi, əlverişsiz xarici
şə
rtlər (məsələn, əsas milli ixrac mallarının qiymətinin düşməsi, və ya əsas idxal mallarının
qiymətinin qalxması), düzgün olmayan mübadilə kursu (adətən, yüksək), siyasi qeyri-sabitlikdir.
F.Mişkin hesab edir ki, “maliyyə böhranı fenomeni” – maliyyə aktivlərinin qiymətlərinin
kəskin enməsi və bir çox maliyyə şirkətlərinin müflisləşməsi ilə xarakterizə olunur. F. Mişkin
maliyyə böhranının aşağıdakı səbəblərini qeyd etmişdir:
1. faiz dərəcələrinin artımı;
2. fond bazarlarında qiymətlərin enməsi;
3. qiymətlərin ümumi səviyyəsinin gözlənilmədən enməsi;
Dostları ilə paylaş: |