73
alaraq, biz bu bölmədə yalnız ölkəmizdə birjaların fəaliyyətini tənzimləyən qanunlarla
tanış olacağıq və onları tədqiq edəcəyik.
Müstəqillik dönəmində Azərbaycanda postsovet dövrünün və bazar
iqtisadiyyatına keçidlə əlaqədar olaraq, birjalar yenidən yaranmış, hal hazırda
respublikamızda Bakı Fond Birjasi (BSE), 2) BBVB - Bakı Banklararası Valyuta
Birjası, 3) Respublika Əmtəə Birjası, 4) Respublika Xammal və Əmtəə Birjası, 5)
Ə
mək Birjası təsis olunaraq fəaliyyət göstərməkdədir. Göründüyü kimi, bu gün
Azərbaycan Respublikasında birjaların müxtəlif növləri fəaliyyət göstərir və onların
tənzimlənməsi müvafiq qanunverici aktlarla tənzimlənir.
Ölkəmizdə əmtəə birjalarının faəliyyətinin tənzimlənməsi baxımından əsas
sənəd 25 may 1994-cü il tarixli, prezident Heydər Əliyev tərəfindən imzalanaraq
təsdiq olunmuş “Əmtəə birjası haqqında Azərbaycan Respublikası qanunu” hesab
olunur. Qanun 3 fəsildən və 22 maddədən ibarətdir. Bu qanun Azərbaycan
Respublikası ərazisində əmtəə birjalarının yaradılması və fəaliyyəti, birja ticarəti,
ə
mtəə birjalarında fəaliyyətin hüquqi təminatları üzrə münasibətləri tənzimləyir.
Qanunun I fəslində onun səlahiyyətinin və qüvvəsinin çərçivələri
müəyyənləşdirilmişdir və ümumi müddəalar açıqlanmışdır. Bu fəsildə mövcud olan
Maddə 2-də qanunda istifadə edilən əsas anlayışların tərifi verilmişdir. Həmin
anlayışlar aşağıdakılardır:
1) “Əmtəə birjası” — müəyyən edilmiş birja qaydaları əsasında əvvəlcədən
təyin olunmuş yerdə və vaxtda aşkar kütləvi sövdələşmə şəklində həyata keçirilən
topdansatış ticarət bazarını təşkil etmək məqsədi güdən hüquqi və (və ya) fiziki
şə
xslərin könüllü birliyi əsasında yaradılan hüquqi şəxs statuslu təşkilatdır.
2) “Birja əmtəəsi” — birja tərəfindən müəyyənləşdirilmiş qaydada birja
ticarətinə buraxılmış və dövriyyədən çıxarılmamış əmtəə, o cümlədən həmin əmtəə
üzrə standart kontraktdır hər hansı daşınmaz əmlak və ya əqli mülkiyyətin obyekti
birja əmtəəsi ola bilməz.
3) “Birja əqdi” — birja sövdələşmələri gedişində birja əmtəəsi üzrə birja ticarətinin
74
iştirakçıları arasında (öz adlarından və ya üçüncü şəxslərin tapşırığı ilə) bağlanan və
müəyyənləşdirilmiş qaydada qeydiyyatdan keçmiş müqavilədir (sazişdir).
4) “Məzənnə” — əqd bağlananda satıcıları və alıcıları istiqamətləndirməkdən
ötrü müəyyən müddət və ya vaxt üçün tələb və təklifi nəzərə almaqla əmtəələrin
qiymətini aydınlaşdırmaq və qeydə almaqdır.
5) “Broker” — birja əqdlərinin müəyyənləşdirilmiş qaydada müştərinin
adından onun hesabına, müştərinin adından öz hesabına, yaxud öz adından müştərinin
hesabına bağlanmasını həyata keçirən birja vasitəçisidir.
6) “Diler” — birja əqdlərinin müəyyənləşdirilmiş qaydada öz adından, öz
hesabına bağlanmasını həyata keçirən və sonradan onu birjada satmaqla məşğul olan
birja vasitəçisidir.
Bu təriflərin açılanması qanunun sonrakı maddələrində müəyyənləşdirilən
qaydaların və müddəaların aydın başa düşülməsi üçün zəruridir. Həmçinin, əlavə
etmək olar ki, həmin təriflərin iqtisadi ədəbiyyatlara uyğun olaraq
müəyyənləşdirildiyindən metodiki əhəmiyyəti də vardır.
3-cü maddə özündə əmtəə birjasının hüquqi statusunun müəyyənləşdirilməsi
məsələsini ehtiva edir. Burada qeyd olunur ki, əmtəə birjası “müstəqil hüquqi şəxsdir
və Azərbaycan Respublikasının qanunvericiliyində nəzərdə tutulmuş təşkilat şəklində
yaradılır”. Onun fəaliyyət spektri isə “birja ticarətinin təşkili və onun tənzimlənməsi
ilə bağlı fəaliyyət” şəklində müəyyənləşdirilir. Həmin maddənin 3-cü bəndi isə
xüsusən əhəmiyyətlidir. Bu bəndə əsasən, əmtəə birjaları bilavasitə birja ticarətinin
təşkili ilə bağlı olmayan kommersiya fəaliyyəti ilə məşğul olmur və mənfəət (gəlir)
götürməyi qarşısında məqsəd qoymur. Biz daha öncə də bu barədə məlumat verərkən
qeyd etmişdik ki, müasir dövrdə dünyanın əksər iri birja mərkəzlərində şirkətləşmə
meylləri və mənfəət əldə etmək məqsədi daşıyan kommersiya təşkilatlarına çevrilmə
tendensiyası müşahidə edilir. Lakin, bir sıra ölkələrdə, o cümlədən o dövrdə keçid
iqtisadiyyatının mövcud olduğu ölkəmizdə də birjaların hələ yeni-yeni təşəkkül
tapması ilə əlaqədar olaraq, onlar qeyri-kommersiya təşkilatları şəklində təşkil
75
olunurdular. Lakin, hazırki dönəmdə dövrün şərtlərinə uyğun olaraq, Bakı Əmtəə
Birjasının da tədricən profil dəyişikliyinə gedəcəyi istisna edilmir.
I fəslin 4-cü maddəsi əmtəə birjasında ticarətin aparılma prinsipləri
müəyyənləşdirilir. Həmin prinsiplər aşağıdakılardır:
1) Birja ticarəti iştirakçılarının hüquq bərabərliyinin təmin edilməsi;
2) Sərbəst (bazar) qiymətlərin tətbiqi;
3) Birja ticarətinin aşkarlığı.
Bu fəslin 5-ci maddəsində isə, əmtəə birjalarının hüquq və vəzifələri
müəyyənləşdirilir və bu baxımdan xüsusi əhəmiyyət kəsb edir. Beləliklə, əmtəə
birjaları aşağıdakı hüquqlara malikdir:
1) Bu qanuna və Azərbaycan Respublikasının digər qanunvericiliyinə uyğun
bütün birja iştirakçıları üçün məcburi sayılan birja ticarəti qaydasını
müəyyənləşdirmək;
2) Dövlət standartlarını nəzərə almaqla nümunəvi kontraktlar işləyib
hazırlamaq;
3) Gün ərzində birja əqdlərinin qiyməti birja komitəsi (birja şurası)
tərəfindən müəyyənləşdirilmiş həddən çox dəyişilərsə, birja ticarətini müvəqqəti
dayandırmaq;
4) Birjada qeyri-birja əqdləri bağlanmasını həyata keçirən birja iştirakçılarına
qarşı nizamnamədə nəzərdə tutulmuş sanksiyaları tətbiq etmək;
5) Birja əqdlərində mübahisələri həll etmək üçün münsiflər məhkəməsi
səlahiyyətində arbitraj komissiyası yaratmaq;
6) Digər birjalarda, o cümlədən xarici ölkə birjalarında öz nümayəndəsini
saxlamaq;
7) Birja bülleteni, soraq kitabçaları və digər məlumat və reklam
informasiyaları dərc etmək.
Dostları ilə paylaş: |