190
savax açıldı, qul ağası Əhmədi çağırıf çox ağır işə göndərdi. Bir
ay sərasər qul Əhmədi beləjə işdətdi.
Bir gün şah vəziri çağırıf dedi, vəzir, gedək qullara baş
çəkək, görək təzə qulumuzun ölümünə çoxmu qalıf.
Gəldilər, nə gördülər? Gördülər qul Əhməd əvvəlkinnən iki
qat artıx yoğnuyufdu. Tez qullar ağasına qışqırıf dedi, zalım
balası, mən bunu bura ölənətən işdəməyə göndərmişəm, bə bu
nədi, bukun günü-gündən kökləir. Yoxsa, bunu işdətmirsən, ya
da harda yaxşı yimək var buna yidirdersən? Qullar ağası baş
təzim eliyif dedikin şah sağ olsun, onun görüf-götürdüyü gündə
yarım arpa çörəyi, bir cəm də sudu, and olsun sənin cah-cəlalına
bu dediyimnən savaya ona bir tikə də yemək verilmir.
Nəsə, şahın ürəyində bir şübhə qaldı, amba qullar ağasına
da heç bir şey demədi. Əl altan adam tayın elətdi ki, hər gün qul
Əhmədin yeyif-içməsinə göz qoysunnar, görsünnər ona kim nə
verir kin gəlif şahın zindanında bir belə kökəler. Xülasə, şah
vəzirnən çıxdı getdi saraya. Qul Əhməd qullar ağasının yanına
gəlif dedikin, ey kərəmli insan, gəl mana icazə ver qonşumuzda
bir dostum var, ona bir məktub yazem, gedif öyümüzdən mənim
sazımı götürüf gətirsin, onda baxarsınız saznan sizə nə kef verə-
rəm. Qullar ağası da bular kimi quluydu, intahası şahın gözünə
yaxşı dəydiyinnən ona bu işi etivar eləmişdi. Bu qullar ağası öz-
özünə fikirləşdikin yazıx qulların belə yaşamağı başdan-başa
qan irindi, odukun qul Əhməd icazə verdi. Əhməd tələsik bir
məktuf yazdı qonşularındakı dostuna sazını istədi. Təcili bir nə-
fər tapdılar. Qaça-qaça gedif qul Əhmədin sazını gətirdi. Saz gə-
lif çatan kimi qul Əhməd öz körpə balası kimi sazı oxşuya-oxşu-
ya sinəsinə basdı, siminnən, sinəsinnən, qolunnan öpə-öpə zili-
ni-zil, bəmini bəm elədi, bir qədər qullara göz gəzdirdi. Gördü-
kün hamı eləjə himə bənddi, hamının gözdəri doluf qul Əhmədi
gözdüyürlər. Oydukun Əhməd üzünü bulara tutuf görək nə dedi:
191
Firoyun
1
ox atdı əriş-əlaya,
Kəm oldu ol haqqa xudayam dedi.
Zərrəcən qorxmaram var qəzəbinnən,
Endir nə bəlan var burdayam dedi.
Birinci bəndi deyif qurtarannan sonra qullar bir-birinin üzü-
nə baxdı. Qullar ağası dedi görəsən bu zalım oğlu belə sözdəri
hardan biler? Qul Əhməd götürdü görək daha nə dedi:
Şah da bizi kimi oluf anadan,
İbrahim kəbeyi yapdı binadan.
Biz islam yarandıx qallu-bəladan,
Əli Zülfüqarnan yektayam, – dedi.
Zülm içində qalmış biz niyə qulux,
İxtiyar əldə yox, məlul-müşkülük.
Hax nəzər yetirsə vəzir-vəkilik
Əhməd də öyünnən cudayam,– dedi.
Qul Əhməd sözünü tamama yetirdi. Üzünü qullara tutuf de-
di, qardaşdar, məni yandıran odu ki, biz hamımız anadan eyni cür
doğulorux, heç kim anadan şah, vəzir, ya da cəllad doğulmor. Bə
niyə bu boyda adamlar bu yaramaz şahın əlində zəlil olmalıyıx?
Gəlin bizə divan tutanların qavağınnan qaçmıyax, hamımız ayağa
durax, bu zülmkar şaha meydan oxuyax bu günnən sonra.
Qul Əhməd burda qullarınnan sözdə, söhbətdə olsunnar,
eşit cuğuldan. Atalar derkin cuğul nə ölmüyüf, nə də öləsidi. Bi-
ri öldümü savah beşi də onun yerində bitəsidi. Hardansa bir cu-
ğul qul Əhmədin qullarnan elədiyi söhbəti aparıf Cəmşid şahın
oycuna qoydu. Cəmşid şah gənə də özünnən çıxdı, vəziri, vəkili
çağırıf bir əncam çəkməyi tələb elədi. Tələbi də bu oldukun
təcili qul Əhmədin boynu vurulsun. Vəzir ayağa duruf baş əydi,
dedi, şah sağ olsun, Əhmədi qul eləməmişdən qavax öldürə
bilərdin, amba indi öldürməyə ixtiyarın yoxdu. Bütün dünyada
1
Firoyun – Firona işarədir.
192
biavır olarıx, deyəllər Cəmşid şah gör nə günahkar şahdı ki, öz
qulunu edam elətdirer. Gənə də çalışıf onu harda ağır iş var,
orya salmax lazımdı, bəlkə bu yolnan tələf oluf gedə.
Şah irazı oldu. Qullar ağasını gənə də yanına çağırıf möh-
kəm-möhkəm tapşırdı ki, o məluna heç dincdik, irahatdıx vermə,
qoy yuxuya həsrət qalsın, çalış yeməyini də azalt.
Bir neçə gün keçmişdi. Gənə qullar tərəfindən gizlin bir
şikayət gəldikin, pəs şah sağ olsun, Qul Əhməd gənə də göylər-
nən əlləşir, fikri zikri qulları sənin üstünə qaldırmaxdı.
Gənə şah əmir verdi, qul Əhmədi hüzuruna gətirdilər. Şah
dedi: əyə dəyyus oğlu dəyyus, sən bir kəmtər qul ola-ola şahlığın
işinə niyə qarışersan. Neçə dəfədi vəzirin, vəkilin məsləhətinnən
səni cavannığına baxıf öldürtməmişəm. Bu dəfə heç kimin sözünə
baxası döyləm, boğazına qurğuşun tökdürəjəm. Belə deyəndə
vəzir yavaşca şaha yaxınnaşdı, qulağına astadan pıçıldadı. Dedi,
qibleyi aləm, sənin onu öldürməyə gənə də ixtiyarın yoxdu. Şah
dedi, vəzir, sən gənə də məni dağa-daşa salma. Hökm yerinə
yetməlidi. Üzünü qul Əhmədə tutuf dedi, tez ol son sözünü de,
vəsiyyətini elə. Qul Əhməd dedi, şahım, icazə ver sinəmə bir neçə
xana söz gəlif, sazı alım deyim. Götürdü görək nə dedi:
Zülm, zəncirini taxdın boynuma,
Qoyufsan doyuncax nana
1
həsrətəm.
Mən də sənin kimi insan oğluyam
Həqiqətə, azad cana həsrətəm.
Xaltaynan qalmışam ömür tustağı,
Sinəmə çəkifsən dağ üstdən dağı.
Nə vaxt keçər zülmkarın çırağı,
Arzum budu, o zamana həsrətəm.
Bu sözdən sonra şah qəti qərara gəldikin gərək hökmən
bunun boynunu vurduram. Götürdü qul Əhməd son bəndi:
1
nan – çörək
Dostları ilə paylaş: |