197
adamı doyunca yedi. Əlhəmdullah deyif sufradan əl götürəndə
şah dedi, oğlum, bir ay bu şəhəri gəzərsən, yatmağa öz otağına
dönərsən. Şəhərdə heç yerdə sənnən pul istəməzlər, harda ajdın
orda yeyif-içərsən. Amba bir öyüdümü eşit. Bircə Gülşan bağı-
nın qavağınnan keçmə!
Elə də oldu, bir ay keşdi. Şah Əhmədi yanına çağırtdırdı,
dedi, oğlum, indi bil və agah ol, bu günnən sənin vəzifən budu-
ku mənim yüz baş quluma qullar ağası olasan. Əhməd ayağa
duruf ədəfnən təzim elədi. Dedi, şahım, mən özüm insan ola-ola
bir belə adama zülm eliyə bilmərəm, mümkünsə mana başqa bir
iş ver. Şah buna çox qəzəfləndi. Dedi mən deyənə irazı olmasan
səni ömrün boyu burda saxladacam. İlan-çayana yem olajaxsan.
Qul Əhməd dedi, ixtiyar sahibisən, küllü-ixtiyarsan, nejə eliyər-
sən elə də eləginən. Şah dediyi kimi də elədi, iki nəfər cəllad
çağırtdırdı. Tapşırdı ki, bu məlunu qırx arşın quyunun divinə
sallayın, qoyun orada da qalsın, gündə üç dəfə yeməyini tullayın
başınnan qoy ağlı özünə gəlsin. Xülasə, Əhmədi salladılar qırx
arşın quyunun divinə. Der, məsəl var, suda boğulan saman çö-
pünnən yapışar, kömək umar. Əhməd də ümüd pənahı umudu
gəldiyi ağamızın adını dilinə gətirif görək nə dedi. siz də nə
eşidirsiniz:
Zülümkar əlinnən cana gəlmişəm,
Səy eylə dərdimə çara, ya Əli!
Nə müddətdi mən zülmətdə qalmışam,
Əlim çatmır bir diyara, ya Əli!
Yerim nəmli, özüm qəmli, neyliyim
Gəlsən dada, dərdim sana söylüyüm.
Əlacsızam, kimnən pənah gözdüyüm,
Ədalətdən yox işara, ya Əli!
Qul Əhmədi duşman yıxdı, ayağa,
Tut qolunnan özün qaldır ayağa.
198
Gecə-gündüz yalvarıram, ay ağa,
Bir divan tut zülmkara, ya Əli!
Yetim Əhməd sözünü tamamladı. Qəm yuxusu gəldi, nə
gəldi. Nə qədər yatdığını demək çətindi, amba nə görsə yaxşıdı,
gördükün başının üstündə iki nəhəng ilan durufdu. İlannarın biri
qaradı, biri şahmardı. Əhməd belə tüşündükü yəqin bu ilannarı
qəsdən, məni çaldırmaxdan ötəri bu quyuya atıflar. Qara ilan
istiyir Əhmədi çalsın, şahmar qoymuyur, bu vəziyyətdə görək
Qul Əhməd qara ilana nə dedi:
Ovsunçu deyləm, mən tutam səni,
Vurma məni o şahmara bağışda.
Atı Düldül, qulu Qəmbər ağamın
Əlindəki zülfüqara bağışda.
Şah zülüm eyliyif yazıx quluna,
Siz getməyin müxənnətin felinə.
Gəlin, baxın haqqın doğru yoluna
İrəhm eylə günahkara, bağışda.
Qul Əhmədəm, nejə olmuşam zəlil,
Sana sığınmışam, Cabbarı-Cəlil.
Mənim diləyimi sən eylə qəbul,
Yeddi yığnax o xublara bağışla.
Sözünü qurtarıf üzünü sol yana çöyürdü, nə gördü? Gördü
qara ilan qarayanız bir oğlana, Şahmar ilan da gözəl bir qıza
çöyrüldü. İlahı pərvərdiyar, elə bil qədir allah coşa gələndə
birinci bu qıza qələm çalıfdı. Qız baxıf gördü bu Qul Əhməd
buna çox ayıl-mayıl olur, oduku dedi, cavan oğlan, bil və agah
ol, mən ilannar padşahının qoşun sərkərdəsiyəm, mənim hökmü-
mə yeddi min yeddi yüz yetmiş yeddi ilan tabedi. Özüm də səni
sevirəm, məni bu günnən özünə söygülü yar hesab elə. Bütün
başına gələnnəri də oycumun içi kimi bilerəm, sana söz verirəm-
kin yeddi günün tamamında qoşunumu çəkif Cam şəhərini üzük
qaşı kəsəjəm. Cəmşid şahı qanına qəltan eliyif o məmləkətin
199
ixtiyarını sana verəjəm. İndi mana cavaf ver görüm, məni özünə
həmdəm sayarsanmı? Qul Əhməd dedi, can başnan sən deyənə
irazıyam, amba məni bura saldıran Həbəş şahına nə cavaf verə-
jəksən, ikinci də məni bu quyunun dibinnən çıxartmağa sizin
güjünüz çatarmı? Qız dedi, Həbəş paccahı sarıdan heç niyaran
olma, səni burdan elə aparajıyıx ki, heş onun xavarı da olmu-
yajax. Qaldı quyudan çıxmağına, indi gör nejə çıxajaxsan? Bunu
deyif əlini əlinə vurdu, bu vaxt yüzdən çox ilan bir-birinə qar-
max oluf nərdivan düzəltdilər. Sallandılar quyunun divinə. Qız
dedi, Əhməd, indi bu nərdivannan çıx. Yazıx Əhməd bu nər-
divana ömründə bir dəfə əlini-ayağını ilan-çayana vurmamışdı,
elə ki əlini uzatdı, ilana toxunan kimi əti ürpəşdi. Ayağını ilan
nərdivana qoydu. Qorxudan ayağında zoqqultu hiss elədi. Qız
baxdı ki, Əhməd ilannardan eymənir, tez bir göz qırpımında özü
qabağa düşüf Əhmədə dedi ki, yapış mənnən, mən səni dartıf
çıxardajam. Beləjə də oldu. Qız Əhmədi işıxlı dünyaya çıxartdı.
Eşiyə çıxcaq Əhməd gördü kü üç ərəb atı duruf, üçünün də
belində zərrin yəhər, yəhərin də üstündə o zamanın silahları ası-
lıf, qılınc, qalxan, şeşpər, yaydı, belə-belə silahlardı. Nə başınızı
ağrıdım. Silahlandılar, atdara süvar oldular, üz qoydular Cəm
şəhərinə. Qız yeddi gün demişdi, beş günün tamamında gəlif
şəhərə çatdılar. Bu o vaxtıydı şah, vəzir, vəkil, qoşun böyükləri,
hamsı bir yerdə Gülşan bağında, hovuz kanarında al şaraba
«gəl» deyif vurordular. Birdən Cəmşid şah başını yana əydi,
gördü, əzizdərim, iki nəhəng ilan, bir də pəhlivan başının üstünü
alıflar. Şah qeyzə gəldi, dedi, vəzir, bunlar nə karadı gəlif daxil
oluflar. Vəzir dedi: tanımadın, bu Qul Əhməddi. Bə nə tez
yadınnan çıxardıfsan onu. Şahın dili tutar-tutmaz qoşun başçıla-
rını harayladı ki tutun buları. Vəzir dedi: şahım, yatıfsan fil qu-
lağında qoşunun təmiz tərkisilahdı, sən artıx təslimsən, şəhərin
ətrafını ilan bürüyüf, ananı ağlar qoymağa gəliflər. Birdən Qul
Əhmədi gördü, Cəmşid şahın halı yaman pərişan oldu. İrəngi üs-
tünnən qaçdı, odukun Qul Əhməd yaxınnaşıf Cəmşid şaha dedi:
Dostları ilə paylaş: |