83
Bu sualların cavabı müzakirənin, xüsusən diskussiyanın
təşkili ilə
aydınlaşdırılır və əlavə edilməli olan məlumatların müəyyənləşdirilmə-
sinə, bəndlərlə yazılmasına vaxt ayrılır.
Üçüncü mətnkənarı sual
(Əsər hansı bədii xüsusiyyətləri ilə diqqəti
cəlb edir?) daha ciddi yanaşma tələb edir. Bu sualla bağlı cavabı – dərs-
likdəki mətni oxuyan şagirdə müəllimin istiqamətləndirici suallarla kö-
mək etməsi məqsədəuyğundur. Şagird poemanın süjeti, mərhələləri,
kompozisiyası haqqındakı fikirlərini ümumiləşdirib yığcam
ifadə etmə-
lidir. Bunun səmərəliliyi isə müəllimin istiqamətləndirmələrindən xeyli
dərəcədə asılıdır.
Dərslikdəki təhlil materialının bütövlükdə oxusu başa çatdırıldıq-
dan sonra öyrənilmiş məlumatlarla bağlı qənaətlərin ümumiləşdirilmə-
sinə, nəticənin çıxarılmasına vaxt ayrılır. Bunun üçün təqdimatların
dinlənilməsi və müzakirə edilməsi faydalıdır. Bu mərhələdə şagirdlərdə
belə bir qənaət möhkəmlənir ki, milli azadlığa, müstəqilliyə qənim kə-
silənlərə nifrət edən Ə.Cavad bu poemada
öz mövqeyini gizlətməmiş,
obrazlara, hadisələrə münasibətdə fikirlərini qabarıq ifadə etmişdir.
Şair güclü dövlətin zəif ölkələri işğal etməsini, onun əhalisinə divan
tutmasını “insanlığın əzilməsi” hesab edir, bununla barışa bilmirdi.
Şairdə bu qənaətin möhkəmlənməsinin mühüm səbəbi, şübhəsiz, “qır-
mızı rus ordusunun” ölkəmizi işğal etməsi idi.
Qiymətləndirmə. Formativ qiymətləndirmə aparılarkən 31–38-ci sə-
hifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə ye-
tiriləcəyini şagirdlərə xatırladır.
84
Mövzu: Ə.Cavad. Səsli qız (ixtisarla) – 4 saat
Dördüncü saat: Tətbiq. Müzakirə. Yaradıcı iş
Standartlar
Təlim nəticələri
3.1.1. Yaradıcı yazıların məzmunu-
na uyğun üslub müəyyənləşdirir,
müxtəlif mənbələrdən seçdiyi inan-
dırıcı faktlardan, şəxsi təəssüratla-
rından istifadə edir.
İnşanın, essenin məzmununa uyğun
üslub müəyyənləşdirir, müxtəlif
mənbələrdən seçdiyi inandırıcı fakt-
lardan, şəxsi təəssüratından istifadə
edir.
3.1.2. Müşahidələrinə, əlavə məlu-
matlara əsaslanmaqla əsərin ideya-
sına, probleminə, bədii xüsusiyyət-
lərinə münasibət
bildirir, ümumi-
ləşdirmələr aparır, nəticə çıxarır.
Müşahidələrinə, əlavə məlumatlara
əsaslanmaqla faciənin ideyasına,
probleminə münasibət bildirir, ümu-
miləşdirmələr aparır, nəticə çıxarır.
3.1.3. 3,5–4 səhifə həcmində nəqli,
təsvir, təhlil xarakterli mətnlər
(ədəbi və sərbəst mövzuda inşa,
esse, məqalə, məruzə) yazır.
Təhlil xarakterli inşa, esse yazır.
Dərsin gedişi
Ev tapşırığının yerinə yetirilməsi
səviyyəsi müəyyənləşdirilərkən,
ilk növbədə, sinifdə öyrənilmiş materiala mənbələrdən hansı əlavələrin
edildiyi aşkara çıxarılır. Mənbələrdən əldə olunmuş bu əlavələrin
müvafiqliyi, dərslikdəki məlumatla uzlaşması, ümumiləşdirilməsi təq-
dimatların dinlənilməsində və müzakirəsində diqqət mərkəzində saxla-
nılır. Aşağıdakı suallar ətraflı fikir mübadiləsi və ciddi müzakirə tələb
edir:
–
Əsərin ideya-məzmunu hansı mənəvi dəyərlər barədə danışmağa
imkan verir?
–
Əsərin dili üçün səciyyəvi olan cəhətlər hansılardır?
–
Obrazların nitqinə əsasən müəllifin mövqeyini müəyyənləşdirmək
mümkündürmü? Fikrinizi nümunələrlə əsaslandırın.
Dərslikdəki təhlil materialında bu suallarla bağlı yalnız
istiqamət
verilmiş, mənbələri araşdırmaqla sinifdə yığcam öyrənilənlərin zəngin-
ləşdirilməsi və tamamlanması nəzərdə tutulmuşdur. Müzakirə zamanı
bütün şagirdlərin mövqeyinin aşkara çıxarılmasına, fəal olmalarına səy
göstərilir. Bütün hallarda müvafiq qiymətləndirmə meyarlarına
müraciət edilir.
Motivasiya, problemin qoyuluşu. Şagirdlərin təhlil xarakterli inşa
və esse ilə bağlı bilik və bacarıqlarını xatırlamağa yönəlmiş yığcam
müzakirə aparılır. Müzakirənin sonunda tədqiqat sualı müəyyənləş-
dirilir.
Tədqiqat sualı: Poema üzrə təhlil xarakterli inşa və essedə hansı
məsələlər öz əksini tapmalıdır?
Şagirdlərin fərziyyələri dinlənilir, təkrara yol verilmədən qeyd
edilir.
85
Mövzular elan olunur:
“Ə.Cavadın yaradıcılığında milli - azadlıq və
müstəqillik ideyalarının tərənnümü” mövzusunda inşa; “Poemada
təsvir olunanlara və obrazlara müəllifin münasibəti” mövzusunda esse.
Seçilmiş mövzular üzrə fikir mübadiləsi aparılır. Şagirdlər mənbələr
üzrə apardıqları araşdırmaların nəticələrini nəzərdən keçirir, onlardan
necə istifadə edəcəklərini müəyyənləşdirirlər. Ümumi hazırlıq başa
çatdıqdan sonra yığcam müsahibənin aparılması məqsədəuyğundur.
Yazı prosesini müşahidə edən müəllim ehtiyac yaranan məqamlarda
istiqamətləndirici suallarla şagirdlərə kömək edir.
Şagirdlər mənbələrdən əldə etdikləri məlumatlarla məhdudlaşmır,
faciənin səhnə həyatının onlarda yaratdığı təəssüratdan bəhrələnirlər.
İşin icrasına ayrılmış vaxt başa çatdıqdan
sonra şagirdlərin bir-
birinin yazısını oxumalarına imkan yaradılır. Onlar oxuduqları yazının
uğurlu cəhətlərini göstərməklə yanaşı, öz arzularını da (yazıya nə əlavə
etmək, nələri dəyişmək, yaxud təkmilləşdirmək və s. ilə bağlı) ifadə
edirlər. Şagirdlərə konkret meyarlara istinad etmələri üçün istiqamət
verilir. Meyarları müəyyənləşdirməkdə müəllim sərbəstdir.
Yazılardan nümunələrin oxunmasına və müzakirəsinə vaxt ayrılır.
İnşada və essedə müşahidə olunan üslub fərqinə, ayrı-ayrı şagirdlərin
fikirlərini ifadə tərzinə diqqət yetirilir. Şagirdlərə öz yazıları barədə
yoldaşlarının arzu şəklində bildirdiklərinin üzərində evdə düşünmək,
deyilənləri nəzərə almaq və təkmilləşdirmə aparmaq təklif edilir.
Müəllimin istiqamətləndirici sualları şagirdlərin əsaslandırılmış
nəticə çıxarmalarına imkan verir. Şagirdlərdə belə bir
qənaət möhkəm-
lənir ki, təhlil xarakterli inşada, əsasən, əsərin mövzusu, ideyası, onda
qaldırılmış mühüm problem ön plana çəkilir. Essedə isə şəxsi
təəssüratın ifadəsi önəmli yer tutur.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.