33
2. Azərbaycanın bazar iqtisadiyyatına doğru hərəkəti işində mövcud sistem
daxilində dövlət maliyyəsinin idarə edilməsinin əhəmiyyəti xeyli artmış, bununla
bərabər onun qarşısına çıxan yeni tapşırıqları həll etməyə qadir olmuşdur.
Maliyyə Nazirliyi iqtisadiyyatın idarə edilməsində plana əsaslanan birbaşa
nəzarət sistemindən, bazar prinsiplərinə əsaslanan dolayı nəzarət sisteminə keçidlə
daha vacib rol oynamışdır. Pul-kredit sferasının idarə olunmasında inkişaf etmiş
vasitələrin mövcud olmadığı şəraitdə Maliyyə Nazirliyi, hər şeydən əvvəl,
makroiqtisadi tənzimləmə alətinə çevriləcəkdir. Belə olan halda o, maliyyə
sabitliyinin lazımi səviyyəsini təmin etməlidir. Bu baxımdan xəzinədarlığın
təşkilində ona Maliyyə Nazirliyinin yeni rolunun həyata keçirilməsinə kömək edən
ə
n mühüm vasitə kimi baxılmalıdır.
3. Əgər ölkə qeyri-sabit bir dövrünü yaşayırsa, bu qeyri-sabitlik,
iqtisadiyyatdakı böhran hadisələrlə, hərbi əməliyyatlarla əlaqədar olan fəlakətlə,
güclü inflyasiya və yüksək səviyyəli qeyri-müəyyənliklə və s. xarakterizə edilirsə,
dövlət maliyyəsinin idarə edilməsinin əvvəlki sistemi meydana çıxan bu
problemlərin operativ həlli üçün kifayət qədər təsir etmək gücündə deyildi.
Xəzinədarlığın yaradılması, makroiqtisadi sahədə gözlənilməz dəyişikliklərə cavab
olaraq daha operativ təsirli tədbirlərin qəbul edilməsi üçün Maliyyə Nazirliyini
lazımi informasiya və alətlərlə təmin edir.
Azərbaycanda 1995-ci ildə dövlətə məxsus maliyyə ehtiyatlarının vahid
mərkəzdən idarə edilməsini təmin etmək, bu vəsaitlərin daxil olması və xərclənməsi
üçün daha çevik nəzarət mexanizmi yaratmaq, dövlət borclarının, zəmanətlərin və
alınmış kreditlərin uçotunu yaxşılaşdırmaq və respublikada qiymətli kağızlar
bazarının formalaşmasınısürətləndirmək məqsədilə Azərbaycan Respublikası
Maliyyə Nazirliyinin nəzdində Baş Dövlət Xəzinədarlığı yaradılmışdır. Respublika-
mızda xəzinədarlıq sisteminin inkişaf mərhələləri aşağıdakılardan ibarətdir:
•
birinci mərhələ (1995-1997-ci illər). Mövcud hüquqi bazaya
ə
saslanaraq dövlət büdcəsinin kassa icrası üzrə yeni sistemin respublikada tətbiq
edilməsi üçün hazırlıq işləri.
34
Xəzinədarlıq sisteminin inkişaf I mərhələsi Xəzinədarlıq sisteminin II
mərhələsi üçün hazırlıq fazası olub, I mərhələdə büdcənin icrası üzrə əməliyyatların
uçotu Xəzinə Hesab Kitablarında (XHK-da) mövcud uçot sistemi ilə paralel
aparılmışdır. Nəzərə alınmışdır ki, I mərhələdə aparılan uçot II mərhələdə davam
etdirilə bilməz, çünki I mərhələ sınaq dövrüdür. II mərhələdə isə I mərhələdən fərqli
olaraq bank tərəfindən büdcənin icrası üzrə əməliyyatların uçotunun aparılması və
hesabatın hazırlanmasına ehtiyac olmamışdır. Bu işlər Xəzinədarlığın və Maliyyə
Nazirliyinin birbaşa vəzifələrinə çevrilmişdir.
Ödəmənin aparılması üçün hər bir büdcə təşkilatı (BT) həmin büdcə
təşkilatının yerləşdiyi ərazidə yaradılan Yerli Xəzinədarlıq Orqanına (YXO)
aşağıdakı sənədləri hazırlamalı və təqdim etməlidir:
1) 2 nüsxədə sifariş
2) 2 nüsxədə hazırda istifadə olunan ödəmə tapşırığı forması və ya çekin
orijinalı;
3) Əlavə xərc sənədləri: məs., əmək haqqı cədvəli, hesab-faktura və s.
YXO qeyd edilən sənədlər təqdim edilərkən aşağıdakıları yoxlamalıdır:
1) göstərilən sənədlərin düzgün hazırlanmasını;
2) Sifarişdə göstərilən məbləğin müvafiq dövrün rüblük, illik büdcə smetası
məbləğindən çox olmamasını;
büdcə təşkilatının hesabında kifayət qədər vəsaitin olmasını.
Sənədlər yoxlanıldıqdan sonra müvafiq Xəzinədarlıq orqanı 2 nüsxədə Sifariş
və ödəmə tapşırığını, həmçinin çeki imzalayır (daha doğrusu təsdiq edir). YXO
Sifarişin bir nüsxəsini özündə saxlayaraq qalan sənədləri BT-yə qaytarır.
Sənədlərin YXO tərəfindən imzalanmasından sonra BT onları Agent-Banka
(AB) ödəmənin icra edilməsi üçün təqdim edir. Agent-Bank dedikdə dövlət
ə
məliyyatları ilə məşğul olan kommersiya banklarının filialları nəzərdə tutulur. AB
hər şeydən əvvəl ödəmə tapşırığının Xəzinədarlıq orqanı tərəfindən imza edilməsini
yoxlayır. Ödəməyə YXO-nın icazə vermədiyi hallarda AB ödəmənin aparılmasından
imtina etməlidir. Hər günün sonunda AB yerinə yetirilmiş əməliyyatlar üzrə 2
35
nüsxədə icmal gündəlik bank çıxarışını və hər bir əməliyyat üzrə isə ödəmə
tapşırığının nüsxəsini YXO-ya göndərir. Çek əvəzinə ödəmənin aparıldığı (çekin
nağdlaşdırıldığı) hallarda AB həmin çekin YXO tərəfindən imzalanmasını yoxlayır,
çekin nömrəsi və məbləği haqqında YXO-ya məlumat göndərir. YXO gündəlik bank
çıxarışı üzrə əməliyyatların yerinə yetirilməsinin düzgünlüyünü yoxlayır, sonra isə
ödəmə tapşırığının nüsxəsini özündə saxlamaqla çıxarışın bir nüsxəsini uçotun
aparılması üçün AB-yə qaytarır. Xəzinədarlıq orqanı gündəlik bank çıxarışı və
ödəmə tapşırıqlarının nüsxələri əsasında uçot işlərini aparır.
Xəzinədarlığın I mərhələsində daxilolmaların hesablanmasının mövcud olan
mexanizmi davam etdirilir. Yeganə fərq ondan ibarətdir ki, ödəyici və ya vergi
ödənişini təmin edən orqan (vergi müfəttişliyi, bank və s.) bir nüsxə artıq ödəniş
sənədi (ödəniş tapşırığı, mədaxil orderi, bildiriş, ödəniş sərəncamı və s.) hazırlayır
və YXO-ya göndərir. Ödəmələrdə olduğu kimi AB hər günün sonunda YXO-ya 2
nüsxə icmal bank çıxarışı və hər bir əməliyyat üzrə ödəmə sənədinin nüsxəsini
göndərir. YXO əməliyyatların yerinə yetirilməsinin düzgünlüyünü yoxlayır, uçotun
aparılması üçün çıxarışın bir nüsxəsini AB-yə qaytarır, ödəmə sənədinin bir
nüsxəsini isə özündə saxlayır. Beləliklə, YXO daxilolmaların uçotunu gündəlik bank
çıxarışı, həmçinin ödəmə tapşırığı, kassa mədaxil orderi və s. ödəmə sənədləri
ə
sasında həyata keçirir.
Xəzinədarlığın 1 mərhələsində maliyyələşdirmə mexanizmində də ciddi bir
dəyişiklik nəzərdə tutulmur. Yalnız cüzi bir dəyişiklik ondan ibarətdir ki, YXO
respublika büdcəsindən əldə edilən vəsaitlərin uçotunu «Köçürmə» XHK-da
müəyyən edilmiş qaydada bank çıxarışları əsasında aparacaqdır. Maliyyələşdirmə
mexanizmində əsas dəyişikliklər bank hesablarının bağlanması ilə əlaqədar olaraq
Xəzinədarlıq sisteminin II mərhələsində aparılır.
Bütün əməliyyatlar yeni büdcə təsnifatı əsasında həyata keçirilir. Hər bir
ödəmə həm funksional, həm də iqtisadi təsnifatdan ibarət olmaqla, həmin təsnifat
Sifarişdə və XHK-larda dəqiq göstərilir.
Dostları ilə paylaş: |