Fəlsəfədə materiya haqqında təsəvvürlərin təkamülü
167
FƏLSƏFƏDƏ MATERİYA HAQQINDA
TƏSƏVVÜRLƏRİN TƏKAMÜLÜ
Rzayeva Xalidə İsrafil qızı
Bakı Dövlət Universitetinin
“Ontologiya və İdrak nəzəriyyəsi”
ixtisası üzrə qiyabi aspirantı
Açar sözlər: materiya, sinergetika, substansiya, fəlsəfə, sistem yanaşma, atom,
elementar hissəcik, müasir fizika, elektron, obyektiv reallıq
Ключевые слова: материя, синергетика, субстансия, философия, систем-
ный подход, атом, элементарная частица, современная физика, электрон,
объективная реальность
Key words: mather, synergetic, substancy, philosophy, system method, atom,
elementary particle, modern physics, electron, objective reality
Fəlsəfədə materiya anlayışı həmişə filosofların diqqət mərkəzində olmuş, onları
daim düşündürmüşdür. Materiyanın quruluş və xassələrinə dair məsələləri təbiət
elmləri öyrənsə də, materiya anlayışının mahiyyətinin açılmasını fəlsəfə də hərtərəfli
öyrənir. Məhz bu səbəbdən də materiya anlayışı filosofların daim diqqət mərkəzində
olmuşdur.
Fəlsəfədə materiya haqqında təsəvvürlərin təkamülünə nəzər yetirsək görərik ki,
materiya haqqında təsəvvürlər hələ Qədim Hindistan, Çin və Yunanıstandan başlan-
mışdır. Qədim fəlsəfədə materiya anlayışının əsasında maddi olanın (ilkin materi-
yanın) anlaşılması dururdu ki, ondan da bütün şeylərin yaranması qəbul edilirdi.
Antik fəlsəfədə materiyanın bu cür anlaşılması nəticəsində Fales hər şeyin əsasında
suyun, Anaksimen havanı, Anaksimandr apeyronu, Heraklit isə odu görürdü.
Materiya haqqında yuxarıda qeyd etdiyimiz ilkin təsəvvürlərə baxmayaraq ilk
dəfə materiyanın (hyle) anlaşılması cəhdi Platon tərəfindən irəli sürülmüşdür ki, o,
bununla dünyanın müxtəlifliyinin səbəbini aydınlaşdırmaq istəmişdir. Platonun
fikrincə materiya təcrid olunmuşdur və insan idrakı üçün əlçatmazdır. Platonun
materiya haqqında bəhs etdiyi ilkin dialoqlarında materiya qeyri-varlıq kimi
xarakterizə olunur, lakin sonralar yazdığı «Timey» adlı dialoqunda isə bildirir ki,
Rzayeva Xalidə İsrafil qızı
168
materiya istənilən formanı qəbul edə bilər, çünki onun özü əslində formasızdır. O,
reallıq kimi yox, imkan kimi mövcud ola bilər.
Platonun təlimindən fərqli olaraq Aristotel materiya və forma haqqında
təlimində materiyaya imkan (potensiya) kimi baxır. Materiyanın imkandan
gerçəkliyə çevrilməsi məhz formanın köməkliyi ilə mümkün olur. Aristotelin fikrincə
forma aktiv başlanğıcdır, həyat və fəaliyyətinin başlanğıcıdır, lakin materiya isə
qeyri-aktivdir (passiv). «Aristotel gözəl başa düşürdü ki, zaman – sadəcə hərəkətin
ölçüsüdür» (5, 9). Lakin materialistlərdən fərqli olaraq «astroloji məktəb olan
«Rodnik» isə belə bir şərh verir: «Zaman – ruh və materiyanın qarşılıqlı təsirinin
meydana gəlməsi formasıdır»» (5,9).
Lakin Demokrit isə öz atomizmində materiyanın 2 növünü – atomları və boşluğu
göstərməklə həp şeyin əsasında bölünməz atomların durduğunu göstərirdi. Epikür isə
Demokritin təlimini daha da inkişaf etdirsə də onun materiya haqqında olan bu
təsəvvürləri bəsit xarakter daşıyırdı.
Belə nəticəyə gəlmək olar ki, Aristotelin təlimində materiya haqqqında
təsəvvürlər antik dövrdə, uzun müddət diqqət mərkəzində olmuşdur. Lakin onun
təlimi dualist xarakter daşısa da, orta əsrlərdə bu təsəvvürlər xristianlığın və
müsəlmanlığın monoteist, dini təsəvvürləri ilə əvəz olunmuşdur.
Materiya haqqında təsəvvürlər sonralar R.Dekart, və Spinozanın təlimlərində
özünün müəyyən inkişaf mərhələsinə gəlib çatmışdır.
C.Brunonun sonralar isə Spinozanın fəlsəfəsində materiya bir substansiya kimi
nəzərdən keçirilmiş və materiya əslində elə tam halda elə dünyanın özüdür, qənaətinə
gəlinmişdir. Spinoza ümumiyyətlə «materiya» terminindən uzaqlaşaraq «substan-
siya» termininin anlaşılmasını irəli sürürdü.
Sonralar Holbax və Didronun təlimlərindən də materiya haqqında təsəvvürlər bir
qədər inkişaf etmişdir. Holbaxın materiyaya verdiyi tərif isə Leninin tərifinə
müəyyən qədər yaxınlaşsa da onlar forma və məzmunca bir-birindən fərqlənir. Belə
ki, Holbaxın tərifində deyilir ki, materiya duyğularımıza təsir edən hər şeydir və
materiyanın obyektiv reallıq olmaq kimi xassəsi əsas xassə hesab oluna bilər. Bu
tərifdə həmçinin materiya insana qarşı qoyulur və materiya toxunmaqla hiss olunan
fiziki reallıq kimi qəbul olunur. Holbax Spinoza – Brunonun (substansiya-təbiət)
fikirlərinə etiraz etmir, mexaniki-metafiziki materialistlərin fikirlərini inkişaf etdirir.
Qeyd edək ki, dövrlə bağlı olaraq marksizm-leninizm baxışları fetişləşdirilirdi,
bütün təlimlərin yekunu və ən yaxşısı kimi göstərilirdi. Əslində fəlsəfədə varislik
prinsipi həmişə ön planda durur. Yəni marksizm-leninizmdən tam imtina etmək
doğru olmaz. Bu təlimin də müsbət tərəflərindən istifadə etmək lazımdır. Ona görə
Fəlsəfədə materiya haqqında təsəvvürlərin təkamülü
169
də biz Marks, Engels və Leninin materiya və onun mövcudluq formalarına dair
fikirlərinə müraciət etmişik. Onların müsbət və əhəmiyyətli fikirlərini şərh etməyə
çalışmışıq.
Materiya haqqında təsəvvürlər K.Marks, F.Engels və V.İ.Leninin təlimlərində
özünün müəyyən inkişaf mərhələsinə çatır. Belə ki, F.Engelsin materiyanın 5 hərəkət
formasını (mexaniki, fiziki, kimyəvi, bioloji və sosial hərəkət) irəli sürməsi onu
göstərir ki, materiya haqqında təsəvvürlər müəyyən inkişaf mərhələsinə çatmışdır.
F.Engels «Təbiətin dialektikası» (1873) əsərində materiyanın hərəkət formalarının
təsnifatını versə də, həmin dövrdə elmlərin klassifikasiyası çox güclü təsir qüvvəsinə
malik idi. «Əgər riyaziyyatın özünü nəzərə almasaq, hər bir elm materiyanın ayrıca
bir hərəkət formasını özünün predmeti hesab edirdi» (4, 284-285).
XX əsrdə elmin inkişafı XIX əsrdə bəlli olmayan fiziki hərəkətin yeni
formalarını ortaya çıxartmış, mikro və makro aləmdə baş verən proseslər bunu
əsaslandırmağa imkan yaratmışdır. Bunlara baxmayaraq Engels tərəfindən
materiyanın əsas hərəkət formalarının təsnifatı həmişə diqqət mərkəzində olmuşdur.
XIX əsrin 70-ci illərində meydana gələn maxizm («ikinci pozitivizm») dialektik
materializmə əks olaraq, materiya anlayışının mövcud olmaması qənaətinə gələrək
«materiya sarsılmışdır», «materiya yox olmuşdur» kimi təsəvvürləri dəstəkləyirdi.
Maxistlər ciddi şəkildə materiyanın tərifini tələb edirdilər. O dövrün filosofları və
təbiətşünasları elmdəki bütün nailiyyətləri metafiziki nöqteyi-nəzərdən təhlil
etdiklərindən bir sıra ciddi problemlərlə üzləşirdilər. Çünki metafizik nöqteyi-nəzər
elmdəki bir sıra problemləri həll etmək iqtidarında deyildi. Antifəlsəfi, pozitivist bir
hərəkat olan maxizm təcrübəni tənqid etməyi fəlsəfənin əsas vəzifəsi hesab edir və
fəlsəfənin elm fəlsəfəsi şəklində mövcud olmasını dəstəkləyirdilər.
Lomonosov və Lavuazye tərəfindən kəşf olunmuş maddə çəkisinin saxlanması
qanunu isə belə bir tendensiyanın hökm sürməsinə səbəb olmuşdu ki, kütlə maddənin
miqdarını bildirir və kütlə dəyişməz qalır. Lakin Rezerford tərəfindən elektronun
kəşfi və elektron nəzəriyyələrinin yaranması bir çox faktları ortaya çıxarır. Belə ki,
elektron öz hərəkət sürətindən, yaratdığı sahənin enerjisindən asılı olaraq öz kütləsini
dəyişir. Mexaniki və elektrodinamik kütləyə malik olan elektron hərəkət zamanı
mexaniki kütləsini dəyişir ki, bu da elmdə uzun illər sürən «materiyanın yox olması»
qənaətinə gətirib çıxarır. Bəzi hallarda materiyanın bəzi xassələrinin yaxa çıxması,
yaxud onların nisbi halda özlərini göstərmələri də belə bir fikrə əsaslanmağa imkan
verirdi. Çünki materiyanın xassə və növləri onun özü ilə eyniləşdirilirdi. Bu isə öz
növbəsində yanlış bir mövqe idi. Elmdəki kəşflər materiya anlayışına yeni bir tərif,
yeni bir məzmun verilməsini tələb edirdi.
Dostları ilə paylaş: |