146
Şagirdlər linzaların tətbiqi ilə bağlı cihazlara gündəlik həyatda çox
rast gəldikləri üçün,
bu mövzu nəzərdə tutulan alt standartların reallaşdırılmasında mühüm əhəmiyyətə malikdir.
Maraqoyatma dərslikdəki materialdan istifadə edərək yerinə yetirilə bilər (A bloku). Bu
mərhələdə şagirdlərə fizika laboratoriyasında olan müxtəlif linzalar paylayıb onlarla müxtəlif
məsafələrdə yerləşən cisimlərə, məsələn, dərslikdəki mətnə, qələmə, lövhədəki yazıya, sinif
pəncərəsinin dəstəyinə, tavandan asılan işıq mənbəyinə və s. baxıb müxtəlif cisimlərin
xəyyalları haqqında iş vərəqində uyğun qeydlər etmək tapşırıla bilər.
Sonra isə sinfə müraciət
olunur:
Linzalardan cisimləri müşahidə etdikdə nə üçün onlardan bəziləri düzünə, digərləri isə
tərsinə çevrilmiş görünür?
Lövhədə tədqiqat sualı yazılır və müəllim tərəfindən səsləndirilir.
Tədqiqat sualı
: “
Linzada cismin xəyalı necə qurulur?”
Şagirdlərin irəli sürdükləri çoxsaylı fərziyyələr ümumiləşdirilir və ən maraqlılarından bir
neçəsi lövhədə qeyd edilir. Sonra isə “Linzada hansı xəyal alındı?” araşdırması icra olunur
(
B bloku). İş qruplarda icra olunur. Şagirdlər yanan şamı linzada müxtəlif məsafələrdə
yerləşdirməklə ekranda hər dəfə müxtəlif xəyalların alındığını aşkar edirlər. Nəticənin
müzakirəsini dərslikdə verilən suallar əsasında təşkil etmək daha məqsədəuyğundur.
Diferensial təlim. Təlim nəticələri zəif və sağlamlıq imkanları məhdud
olan şagirdlərin
aktiv iştirakını təmin etmək üçün tapşırıq bir qədər sadələşdirilə bilər.
Şagirdlər dərslikdə verilən nəzəri məlumatlarla tanış olurlar (
C bloku). Bu zaman şagirdlərə
yardım məqsədilə linza haqqında əvvəlcədən hazırlanan slaydlar nümayiş etdirilə bilər.
Cismin linzada xəyalını qurmaq üçün şagirdlərin aşağıdakı şüaların yolunu bilmələri
vacibdir:
1. Linzanın baş optik oxuna paralel olan şüalar toplayıcı linzada sındıqdan sonra linzanın
fokusundan keçir (səpici linzada şüaların uzantısı).
2. Linzanın fokusundan keçən şüa linzada sındıqdan sonra baş optik oxa paralel keçir.
3. Linzanın optik mərkəzindən keçən şüa sınmadan yayılır.
Müəllim bu şüaların ixtiyari ikisindən (yaxşı olar ki, 1-ci və 3-cüdən) istifadə etməklə şagird-
lərə toplayıcı linzada xəyal qurmağı və cədvəli doldurmağı tapşırır.
Cisim məsafəsi Xəyal
məsafəsi
Xəyalın
ölçüsü
Düzünə və ya
çevrilmiş
Həqiqi və ya
mövhumi
→ ∞
Şagirdlər “mövhumi xəyal” anlayışını çətin başa düşürlər. Bu anlayışa həqiqi xəyal an-
layışı ilə paralel baxılır, onların arasındakı fərqin energetik nöqteyi-nəzərdən araşdırılması
məqsədəuyğundur. Qeyd olunur ki, həqiqi xəyalın alındığı yerdə işıq enerjisi toplanır. Bunu
müxtəlif vasitələrlə müəyyən etmək olar (fotoelement, termoelement, fotokağız və s.). Möv-
humi xəyalı ekranda və ya fotokağızda
almaq mümkün deyil, çünki o, həqiqətdə mövcud
deyil. Mövhumi xəyalın alındığı yerə işıq enerjisi düşmür. Şagirdlər hər dəfə linzada cismin
xəyalını qurarkən onu sxematik təsvir etməyi bacarmalıdırlar: xəyal alındığı yerdə həqiqi,
147
yoxsa mövhumi, böyüdülmüş, yoxsa kiçildilmiş, düzünə, yoxsa çevrilmiş alındığını dəqiq
bilməlidirlər.
Şagirdlərdə məntiqi təfəkkürü inkişaf etdirmək üçün onlara xəyalın vəziyyəti və xa-
rakterinin cismin hərəkətdə olduğu zaman necə dəyişdiyi haqqında əsaslandırılmış fikir söy-
ləməyi tapşırmaq olar. Bunun üçün şagirdlərə təklif etmək lazımdır ki, onlar cismin linzadan
müxtəlif məsafələrdəki xəyallarını eyni bir çertyojda göstərsinlər. Daha sonra şagirdlərə tək-
lif etmək olar ki, cisim və xəyal məsafələrinə əsasən linzanın fokus məsafəsini təyin etsinlər.
“Cismin nazik linzada xəyalını qurun” araşdırmasında məqsəd toplayıcı və səpici linzada
xəyalların həqiqi və mövhumi alınmasını sxematik təsvir etməkdir. Şagirdlərin diqqəti toplayıcı
və səpici linzalarda xəyalların alınmasında
yaranan fərqlərə yönəldilir, onlarda yaranan fərziyyə-
lər dinlənilirr. Araşdırma qruplarda yerinə yetirilirsə, onların təqdimatı zamanı aparılan müzakirə
dərslikdə verilən suallar əsasında qurula bilər. Müzakirənin sual və cavabları iş vərəqlərində qeyd
edilir.
Təklif olunan sxemlər. 1. Cisim linzadan müxtəlif məsafələrdə yerləşir, onların xəyallarını
qurmaq və xəyalı xarakterizə etmək tapşırılır. Aşağıda nümunə verilir.
2. Venn diaqramında linzada alınan mövhum və həqiqi
xəyal müqayisə olunur.
Elektron resurslar:
1. https://www.youtube.com/watch?v=mRwRy24hbg8
2. https://www.youtube.com/watch?v=kyTH_fAEObc
Qiymətləndirmə. Aşağıdakı meyarlar əsasında təlim məqsədlərinə nail olmaq
dərəcəsini
müəyyən etmək olar.
M-lar
I
səviyyə
II
səviyyə
III
səviyyə
IV
səviyyə
T
əsnifetm
ə
Nazik linzalarda xə-
yalqurmada
tətbiq
olunan əlverişli şüa-
ları səhv təsnif edir
və onları sxematik
göstərə bilmir.
Nazik linzalarda xə-
yalqurmada tətbiq
olunan əlverişli şüa-
ları çətinliklə təsnif
edir və onları sxema-
tik
olaraq kiçik qü-
surla göstərir.
Nazik linzalarda xə-
yalqurmada tətbiq
olunan əlverişli şüa-
ları əsasən təsnif edir
və onları sxematik
qismən düzgün gös-
tərir.
Nazik linzalarda xə-
yalqurmada tətbiq
olunan əlverişli şüa-
ları düzgün təsnif edir
və onları sxematik
dəqiq göstərir.
İzahe
tm
ə
Nazik linzalarda xə-
yalların alınmasının
müxtəlif hallarını
sxemlərlə müəllimin
köməyi ilə izah edir.
Nazik linzalarda xə-
yalların alınmasının
müxtəlif hallarını
sxemlərlə çətinliklə
izah edir.
Nazik linzalarda xə-
yalların alınmasının
müxtəlif hallarını
sxemlərlə qismən
izah edir.
Nazik linzalarda xə-
yalların alınmasının
müxtəlif hallarını
sxemlərlə tam izah
edir.
Linzada xəyalın qurulması və onun xarakteristikası
Nümunə.
Cisim nazik toplayıcı linzada fokus nöqtəsi ilə linza
arasında yerləşir:
xəyal mövhumidir, düzünə və böyüdülmüş
alınır.