85
Tövsiyə 1. Təlim nəticələri yüksək olan siniflərdə qruplara cərəyanlı sarğacın da maqnit
spektrinin mənzərəsinin alınma eksperimentini icra etmək tapşırila bilər. Şagirdlər cərəyanlı
sarğacın maqnit spektrinin mənzərəsinin sabit düz
maqnitin induksiya xətlərinə oxşar olduğunu “kəşf”
edirlər.
2. Cərəyanlı sarğacın maqnit sahəsinin induksiya
vektorunun istiqaməti – maqnit sahəsinin qütbləri məf-
til dolaq, akkumulyator, açar və maqnit əqrəbindən
ibarət cihaz dəsti ilə müəyyənləşdirilə bilər (şəkil 2.1).
Araşdırmanın müzakirəsi zamanı şagirdlərə dərslikdə-
ki, yaxud əlavə suallarla müraciət edilə bilər:
– Cərəyanlı dolaqların sayı artdıqca onun maqnit təsiri
necə dəyişir?
– Dairəvi naqildə cərəyan şiddətinin artması ilə onun maqnit təsiri necə dəyişir?
– Sarğacın maqnit sahəsinin induksiya vektorunun istiqamətini hansı üsulla təyin etmək
əlverişlidir? – və s.
Diferensial təlim. Təlim nəticələri zəif və sağlamlıq imkanları məhdud
olan şagirdlərin
aktiv iştirakını təmin etmək üçün müəllim onları daha fəal şagirdlərlə bir qrupa daxil edə bi-
lər. Suallara verilən cavablar müzakirə olunduqdan sonra qruplara dərsliyin
C blokundakı
nəzəri dərs materialını oxuyub aşağıdakı müddəalar əsasında təqdimat hazırlamaq tapşırıla
bilər:
Dairəvi cərəyanın maqnit sahəsi.
Dairəvi cərəyan üçün sağ əl qaydası.
Dairəvi cərəyan üçün sağ yivli burğu qaydası.
Cərəyanlı sarğacın maqnit sahəsi.
Cərəyanlı sarğac üçün sağ əl qaydası.
Cərəyanlı sarğac üçün sağ yivli burğu qaydası.
Qrup liderlərinin təqdimatları dinlənildikdən sonra növbəti mərhələyə “Yaradıcı tətbiqetmə”
mərhələsinə başlanılır.
Bu zaman D blokunda verilən tapşırıqda şagirdlər sxem üzərində
dərs boyunca öyrəndiklərini tətbiq edirlər.
Tövsiyə. Təlim nəticələri yüksək olan siniflərdə “Yaradıcı tətbiqetmə” mərhələsini cərəyanlı
sarğacın maqnit sahəsinin xassələrinin nümayişi ilə icra etmək olar:
1. Cərəyanlı sarğacın mismar yığınını cəzb etməsi (şəkil 2.2).
2. Ştativdən asılan cərəyanlı sarğacla sabit düz maqnitin qarşılıqlı təsiri (şəkil 2.3). Bu
təcrübə sarğacdakı cərəyanın istiqaməti və cərəyan şiddəti dəyişdirilməklə icra edildikdə
təlim baxımından daha effektli olur.
Şəkil 2.3.
Şəkil 2.2.
Şəkil 2.1.