7
hüququnun sərbəst bir sahə kimi fəaliyyət götərməsinə nəinki mane olur, əksinə onu
vacib edir.
Bütünlükdə, gömrük işinin hüquqi cəhətdən tənzimlənməsi mexanizmini yalnız
gömrük hüququnun sərbəst hüquq sahəsi olması nəticəsində hayata keçirtmək
mümkündür.
Gömrük hüququnun əsas məqsədləri aşağıdakılardır:
1) gömrük işini həyata keçirmək, onun inkişafını və təkmilləşdirilməsini təmin
etmək üçün, gömrük və digər müvafiq dövlət orqanlarına səmərəli fəaliyyət şəraiti
yaratmaq;
2)
gömrük siyasətinin həyata keçirilməsi üçün optimal, elmi cəhətdən
ə
saslandırılmış və daha çox demokratik dəyərlərə söykənmiş gömrük sistemi yaratmaq;
3)
ölkə vətəndaşlarının hüquq və azadlıqlarının qanuni təminatı, onların birləşdiyi
ictimai birliklərin gömrük işi ilə əlaqədar fəaliyyətləri zamanı, habelə, xarici vətəndaşlar
və vətəndaşlığı olmayan fiziki şəxslərin, həmçinin hüquqi şəхslərin gömrük
qanunvericiliyində nəzərdə tutulan bütün hüquqlarının qorunması üçün möhkəm, sabit
hüquqi təminat yaratmaq;
4) Azərbaycan Respublikasının sosial-iqtisadi üstünlüklərini və maraqlarını
qorumaq (ilk növbədə burada söhbət ölkəmizin iqtisadi suverenliyi və iqtisadi
təhlükəsizliyindən, daxili bazarın qorunmasından, milli iqtisadiyyatın inkişafının
stimullaşdırılmasından, həmçinin Azərbaycan iqtisadiyyatının beynəlxalq əlaqələrindən
getməlidir).
Gömrük hüququnun prinsiplərinə isə aşağıdakılar aiddir:
1)
qanunçuluq;
2)
demokratiklik;
3)
əhatəli və aydın gömrük tənzimlənməsi;
4)
gömrük hüququnun vasitə və alətlərinin səmərəli təminatı;
5)
gömrük işi sahəsində beynəlxalq-hüquqi əməkdaşlıq və təcrübədən
yararlanmaq.
Qanunçuluq-gömrük sisteminin fəaliyyət göstərməsi və gömrük hüququ üçün əsas
prinsip sayilır. Bu prinsip digər sahələrdə olduğu kimi, Konstitusiya ilə təsbit
olunmuşdur. 1995-ci ildə qəbul olunmuş «Azərbaycan Rеspublikası Konstitusiyasının»
7-ci maddəsinin IV bəndində yazılır: «Bu Konstitusiyanın müddəalarına əsasən
qanunvericilik, icra (Gömrük Komitəsi dövlət icra orqanı sayılır- müəllif) və məhkəmə
hakimiyyətləri qarşılıqlı fəaliyyət göstərir və öz sə-lahiyyətləri çərçivəsində
müstəqildirlər» . Konstitusiyanın bu maddəsi Dövlət Gömrük Komitəsinə öz
səlahiyyətləri çərçivəsində müstəqillik verməsi bir daha Azərbaycan Respublikasında
sərbəst gömrük siyasəti aparmaq üçün gömrük hüququnun vacibliyini gündəmə gətirir.
8
Azərbaycan Rеspublikası Gömrük Məcəlləsində gömrük siyasətinin əsas
məqsədlərindən biri də məhz Konstitusiya və Azərbaycan Respublikasının qanunvericilik
aktlarından irəli gələn tələblərin icra edilməsidir.
Məcəllənin 243-cü maddəsi bilavasitə gömrük qaydalarının pozulması zamanı
qanunçuluğun təmin edilməsi ilə əlaqədardır.
Maddədə deyilir: «Gömrük qaydalarının pozulması haqqında işlar üzrə icraat və bu
işlərə baxılma, eləcə də tənbehetmə barədə Azərbaycan Respublikası Gömrük
orqanlarının qərarlarının icrası qıti olaraq qanunçuluq əsasında həyata keçirilir.
Azərbaycan Respublikası Gömrük orqanları və onların vəzifəli şəxsləri tərəfindən
gömrük qaydalarının pozulmasına görə təsir vasitələrinin tətbiqi onların səlahiyyətləri
daxilində və dəqiq olaraq Azərbaycan Respublikası qanunvericiliyinə uyğun həyata
keçirilir» . Bizcə əlavə şərhə ehtiyac yoxdur.
Demokratiklik - gömrük hüququnun prinsipi kimi özünü bir nеçə cür göstərir.
Gömrük Məcəlləsinin Preambulasında öz əksini tapmış «gömrük işi sahəsində təsərrüfat
subyektlərinin, fiziki şəxslərin və dövlət orqanlarının hüquqlarının müdafiəsinin təmin
olunmasının» özü elə demokratikliyin bir formasıdır.
GM-də gömrük orqanlarının əsas funksiyalarından olan ictimai asayişin, əhalinin
mənəviyyatının, insanların həyat və sağlamlığının heyvan və bitkilərin, ətraf mühitin
qorunması, gətirilən malların istehlakçıların mənafeyinin müdafiəsi sahəsində tədbirlərin
həyata keçirilməsi elə dеmokratikliyin nümunələridir. GM-də nəzərdə tutulan
məlumatlandırma və məsləhətvermə, ilkin qərarların qəbul еdilməsi də gömrük
hüququnun demokratik hüquq normalarına əsaslanır. Məcəllənin 40-cı fəsili əsasən
gömrük qaydalarının pozulmasında iştirak edən şəxslərin hüquqlarına həsr olunmuşdur.
Bеlə misalların sayını kifayət qədər artırmaq olar.
Ə
hatəli və aydın gömrük tənzimlənməsi-gömrük işi sahəsindəki ictimai
münasibətlərin hüquqi tənzimlənməsini tam və hərtərəfli əhatə edən gömrük hüququ
prinsipidir. Söhbət bu münasibətlərin imkan daxilində maksimum əhatə oluna
bilməsindən gedir.
Gömrük-hüquq vasitə və alətlərinin səmərəliliyinə təminat və onların
səmərəliləşdirilməsi-dedikdə, gömrük nəzarəti vasitələrinin genişdəndirilməsi, mal
dövriyyəsində müxtəlif gömrük rejimlərindən istifadə, gömrük brokeri, gömrük
tərcüməçisi və s. kimi yeni formalardan istifadə nəzərdə tutulur. Eyni zamanda mal və
nəqliyyat vasitələrinin keçirilməsi, gömrük nəzarəti, gömrük ödənişləri də gömrük-hüquq
vasitə və alətlərindən hesab olunur.
Gömrük işi sahəsində beynəlxalq-hüquqi əməkdaşlıq və bu təcrübədən
yararlanmaq. Azərbaycan Respublikası Dövlət Gömrük Komitəsinin beynəlxalq-hüquqi
ə
məkdaşlıq sahəsindəki fəaliyyəti təqdirəlayiqdir. Belə ki, gömrük işi sahəsindəki
dövlətlərarası və beynəlxalq münasibətlərin tənzimlənməsi zamanı beynəlxalq hüquq
Dostları ilə paylaş: |