Microsoft Word hasanova camila docx
Yüklə 0,5 Mb. Pdf görüntüsü
|
53
hüququ, kollektiv əsərlərə müəlliflik hüququ, törəmə əsərlərə müəlliflik hüququ, audio əsərlərə müəlliflik hüququ və s. müddəlar öz əksini tapmışdır.
Qanunun 47-ci maddəsinə müvafiq olaraq, bu Qanunla nəzərdə tutulmuş müəlliflik hüququnun və əlaqəli hüquqların pozulmasına görə Azərbaycan Respublikası qanunvericiliyinə uyğun mülki, inzibati və cinayət məsuliyyəti nəzərdə tutulur.
ntellektual mülkiyyət hüquqları sahəsində dövlət siyasətini həyata keçirən, intellektual mülkiyyət sahəsinin inkişafını, habelə normativ-hüquqi tənzimlənməni təmin edən mərkəzi icra hakimiyyəti orqanı Azərbaycan Respublikası Müəlliflik Hüquqları Agentliyidir. Müəlliflik Hüquqları Agentliyi həmçinin intellektual mülkiyyət sahəsindəki fəaliyyəti əlaqələndirir və normativ-hüquqi tənzimlənməni həyata keçirir.
Müəlliflik Hüquqları Agentliyi fəaliyyətində Azərbaycan Respublikasının Konstitusiyasını, Azərbaycan Respublikasının qanunlarını, Azərbaycan Respublikası Prezidentinin fərman və sərəncamlarını, Azərbaycan Respublikası Nazirlər Kabinetinin qərarlarını, o cümlədən Azərbaycan Respublikasının tərəfdar çıxdığı beynəlxalq müqavilələri rəhbər tutur.
Öz fəaliyyətinin həyata keçirilməsini Müəlliflik Hüquqları Agentliyi mərkəzi və yerli icra hakimiyyəti, yerli özünü idarəetmə orqanları, ictimai birliklər və digər hüquqi şəxslərlə birlikdə reallaşdırır. ntellektual mülkiyyətin qiymətləndirilməsi probleminin hüquqi bazası təkcə qiymət siyasəti üzrə deyil, həm də konkret olaraq hər cür mülkiyyətin qiymətləndirilməsi üzrə qəbul edilmiş qanunlarla təmin olunur.
ntellektual mülkiyyət obyektlərinin qiymətləndirilməsində "Qiymətləndirmə fəaliyyəti haqqında" Azərbaycan Respublikasının Qanunu və bu Qanuna uyğun olaraq, "Qiymətləndirmə standartları və normaları, peşəkar qiymətləndiricilərin hazırlanması Qaydaları haqqında" Nazirlər Kabinetinin qərarı mühüm əhəmiyyət kəsb edir. Qanunda qiymətləndirmə fəaliyyətinin ümumi prinsipləri, obyekt və subyektləri, qiymətləndiricilərin hüquq və vəzifələri, qiymətləndirmə standartları, qiymətləndirmə ilə bağlı xərclər və s. öz əksini tapmışdır. 54
Bu Qanuna müvafiq olaraq, göstərilən xidmətlərə görə qiymətləndiriciyə ödənilən haqq qiymətləndirmə obyektinin yekun dəyərindən asılı olmamalıdır. Yəni qiymətləndirmə keçirilməsi ilə bağlı xərclər, o cümlədən ekspertin əməyi qanunvericiliyə uyğun olaraq qarşılıqlı razılaşma əsasında ödənilməlidir. Həmçinin qiymətləndirmə standartları, normaları və peşəkar qiymətləndiricilərin hazırlanması qaydaları qanunvericiliyə uyğun olaraq müvafiq icra hakimiyyəti orqanları tərəfindən hazırlanır və təsdiq edilir.
"Qiymətləndirmə fəaliyyəti haqqında" Azərbaycan Respublikasının Qanununun 17-ci maddəsinə əsasən qiymətləndirmə fəaliyyətinin həyata keçirilməsinə aşağıdakı hallarda xitam verilir: • Azərbaycan Respublikasının qanunvericiliyinə görə qiymətləndirmə fəaliyyəti ilə məşğul olan hüquqi şəxsin dövlət qeydiyyatından keçdiyi zaman saxtakarlıq faktı sübuta yetirildikdə; • Azərbaycan Respublikasının qanunvericiliyinə uyğun olaraq qiymətləndirmə fəaliyyəti ilə məşğul olan hüquqi şəxs Azərbaycan Respublikasının Mülki Məcəlləsi ilə müəyyən edilmiş qaydada ləğv edildikdə; • hüquqi və fiziki şəxs tərəfindən həyata keçirilən qiymətləndirmə fəaliyyəti ilə ə laqədar sənədlərdə məhkəmə tərəfindən saxtakarlıq aşkar edildikdə; • qiymətləndirici qiymətləndirmə fəaliyyətini həyata
keçirmək üçün
qanunvericiliklə ona verilən səlahiyyətləri aşdıqda; • məhkəmənin qanuni qüvvəyə minmiş qərarı ilə.[10, 17]
Sifarişçinin və digər maraqlı şəxslərin qiymətləndiricinin fəaliyyətinə müdaxilə etməsinə yol verilməməsi Qanunda öz əksini tapmışdır. Həmçinin qiymətləndirici və sifarişçi bu Qanunun və qiymətləndirmə haqqında müqavilədə göstərilən şərtlərin pozulmasına görə qanunvericilikdə nəzərdə tutulan qaydada məsuliyyət daşıyır.
"Qiymətləndirmə fəaliyyəti haqqında" Azərbaycan Respublikasının Qanununda peşəkar qiymətləndiricilərin hüquq və vəzifələri qeyd edilmişdir. Belə ki, müvafiq Qanuna əsasən, qiymətləndiricilərin vəzifələrinə aşağıdakılar aid edilir: 55
qiymətləndirmə fəaliyyətini həyata keçirərkən Azərbaycan Respublikasının qiymətləndirmə haqqında qanunvericiliyinə riayət etmək; qiymətləndirməni həyata keçirərkən sifarişçi və ya üçüncü şəxslərdən alınmış sənədlərin saxlanılmasını təmin etmək; obyektin qiymətləndirilməsinə mane olan səbəblər barədə dərhal sifarişçini xəbərdar etmək; sifarişçinin xahişi ilə Azərbaycan Respublikasında qiymətləndirmə haqqında qanunvericilik və onun əsasında qəbul edilmiş normativ hüquqi aktlar, müvafiq peşə birliklərinin nizamnaməsi barədə ona məlumat vermək; sifarişçinin tələbi ilə qiymətləndirmə fəaliyyəti ilə məşğul olmaq üçün zəruri təhsil alınmasını təsdiqləyən sənədləri təqdim etmək; qiymətləndirmə prosesində sifarişçidən alınmış məxfi məlumatı açıqlamamaq; məhkəmənin tələbi ilə özünün hesabatından müvafiq informasiya və məlumatları təqdim etmək; sifarişçinin məlumat verməkdən imtina etməsi qiymətləndirməyə əsaslı təsir göstərərsə, bunu hesabatında əks etdirmək; qiymətləndirmənin obyektivliyinə mane olan hallar meydana çıxdıqda, qiymətləndirmədə iştirakının qeyri-mümkünlüyü haqqında sifarişçiyə məlumat vermək.
Müvafiq Qanuna əsasən, peşəkar qiymətləndiricilərin hüquqlarına aşağıdakılar aiddir: qiymətləndirmə fəaliyyəti haqqında mövcud qanunvericilik çərçivəsində qiymətləndirmənin forma və metodlarını müstəqil seçmək; qiymətləndirmə keçirildiyi hallarda sifarişçidən zəruri olan sənədləri tələb etmək, əlavə məlumat və izahatlar almaq; dövlət və kommersiya sirləri istisna olunmaqla, qiymətləndirməni həyata keçirmək üçün zəruri hesab etdiyi hər cür məlumatı yazılı və ya şifahi formada üçüncü şəxslərdən almaq; Yüklə 0,5 Mb. Dostları ilə paylaş:
|