63
təkbətək nə danışdıq. V.Molotov divara, tavana göz gəzdirdi, içində təzə
qızllgüllər olan böyük çin vazasına xüsusi diqqət yetirdi. O ehtiyat edirdi ki,
ingilis və amerikan cəsusları və ya Hitlerlə Molotovun danışıqları barədə məlumat
almaqda maraqlı olan almanlar burada hər yerdə səs yazmaq üçün mikrofon
quraşdıra bilərlər" (59).
1940-cı ilin noyabrında Berlində aparılan danışıqlarda aydın oldu ki, Sovet
İttifaqı öz təsirini yeni ərazilərə yaymaq fikrindədir. Bu danışıqların aparılması ilə
bağlı İ.Stalinin V.Molotova verdiyi göstərişlərdə mövcud dünya düzənindəki
dəyişikliklərin mümkün istiqamətləri əks olunmuşdu. Şərqi Avropada baş vermiş
dəyişikliklərdən sonra 1940-cı ilin payızında artıq söhbət SSRİ-nin Balkanlarda
(Rumıniya və Bolqarıstanda), Türkiyədə (Qara dəniz boğazlarında) və İranda
xüsusi maraqlarından gedirdi (60).
İ.Stalin təklif etmişdi ki, Berlin danışıqları zamanı SSRİ-nin Avropada, eyni
zamanda Yaxın və Orta Asiyada (Şərqdə-C.H.) maraq dairəsmin genişləndirilməsi
haqqında məsələni Hitlerin qarşısında qoymaq lazımdır və bu məsələlər müvafiq
Sazişdə öz əksini tapmalıdır. İ.Stalinin irəli sürdüyü Sovet iddialarına görə
danışıqların başlıca məsələsi kimi Bolqarıstana Sovet qoşunları yeridilməli, Dunay
və onun dənizə töküldüyü ərazilərin bir hissəsində Sovetlər hərbi baza yaratmaq
hüququna malik olmalı idi. Türkiyəyə gəldikdə Stalin bildirmişdi ki, Türkiyə
haqqında məsələ və onun taleyi bizim iştirakımız olmadan həll edib bilməz, belə
ki, bizim Türkiyədə çox ciddi maraqlarımız vardır. İ.Stalin öz direktivlərində
V.Molotova tapşırıq vermişdi ki, əgər bizim Türkiyə ilə münasibətlərimiz
haqqında soruşsalar bizim türklərə verdiyimiz cavab qaydasında demək lazımdır:
SSRİ ilə qarşılıqlı yardım haqqında paktın olmaması onlara SSRİ-dən yardım
tələb etmək hüququ vermir. Bu tövsiyə ona işarə idi ki, Balkanlarda vəziyyət
gərginləşdiyi şəraitdə Türkiyənin Moskvadakı səfiri A.Aktay öz ölkəsinin
adından SSRİ Xarici İşlər Komissarlığına Türkiyənin narahatlığını ifadə edən
sorğu göndərmişdi. Noyabr ayının 4-də verilən cavabda SSRİ Xarici İşlər
Komissarlığı Balkanlarda şəraitin gərginləşməsi ilə bağlı SSRİ-nin Türkiyəyə
kömək göstərə bilməsi haqqında Ankaranın sorğusunu "anlamadığını" bildirmişdi.
Moskva yada salmışdı ki, SSRİ ilə Türkiyə arasında qarşılıqlı yardım haqqında
pakt mövcud deyildir və bu barədə heç bir söhbət olmamışdır. Lakin görünür,
Sovet rəhbərliyi 1939-cu ilin sentyabr-oktyabr aylarında Moskva
danışıqlarında Türkiyə xarici işlər naziri Ş.Saracoğlunun təkliflərini və hələ
ondan qabaq sentyabr ayının 8-də Türkiyənin təklif etdiyi müqavilə layihəsini çox
tez yaddan çıxarmışdı. Tanınmış rus tarixçisi L.A.Bezımenski Sovetlərin Türkiyə
sorğusuna 4 noyabr cavabını dəyərləndirərək yazır ki, bu cavab
mənəviyyatsızlıqdan xali deyildi. SSRİ ilə həmsərhəd dövlətlər kimi Rumıniya və
Maca-
64
rıstanın taleyi də Stalini maraqlandırırdı. İ.Stalinin təkliflərində Boğazlar ayrıca
xatırlanmamışdı. Eyni zamanda Yunanıstan və Yuqoslaviyaya münasibətdə
Almaniya və İtaliyanın nə fikirləşdiyini aydınlaşdırmaq da Sovet rəhbərlərinin
maraq dairəsinə daxil idi (61).
Noyabr ayının 12-13-də Berlində aparılan danışıqlarda söhbət ilk növbədə
Sovet İttifaqının 1940-ci ilin sentyabr ayının 27-də Almaniya, İtaliya və Yaponiya
tərəfindən imzalanmış Üçlər İttifaqına daxil olmasından və dünyanın dörd dövlət
arasında nüfuz dairəsinə bölüşdürülməsindən gedirdi. Sovetlər ilk növbədə
Boğazlara nəzarəti ələ keçirmək istəyirdi. Bunun üçün onlar Sovet qoşunlarının
Boğazlara çıxmasına imkan yaradan Bolqarıstanla müqavilə bağlamağa böyük
əhəmiyyət verirdilər. V.Molotov Hitlerlə danışıqlar zamanı bəzi məsələlərə, o
cümlədən "Böyük Asiya məkanı" barədə məsələyə aydınlıq gətirməyi zəruri hesab
edirdi. Onun fikrincə, digər məsələlərlə yanaşı, Türkiyə məsələsində də aydınlıq
yox idi. V.Molotova görə, Montrö sazişinə dəyişiklik edilməli, Sovet hərbi
gəmilərinin Qara dənizdən azad çıxışına və dönüşünə təminat verilməlidir.
Molotov təklif edirdi ki, Rusiya Türkiyə ilə danışıqlar stolu arxasında oturmalı və
daim özünə qarşı təhlükə bölgəsi olan Boğazlarda hərbi baza saxlamaq hüququnu
əldə etməlidir. Bununla yanaşı, o Bolqarıstanın Egey dənizinə çıxışına təminat
verilməsini də zəruri hesab edirdi.(62) Berlində olarkən V.Molotov Türkiyəni
İngiltərə ilə əməkdaşlıqdan ayırıb onu Üçlər İttifaqına cəlb etmək üçün ona təzyiq
göstərmək və bu məqsədlə onunla ayrıca bir protokol imzalamağa hazır olduğunu
bildirmişdi.
Dünya müharibəsi başlandıqdan sonra Türkiyə hakimiyyət orqanlarının
Boğazlar üzərində nəzarəti gücləndirməsi Sovetləri təmin etmirdi. 1940-cı ilin 14
iyulunda Sovet bayrağı altında üzən "Moskva" katerinin Bosforun yuxarısında
saxlanması SSRİ tərəfindən ayrı-seçkilik kimi qiymətləndirildi. Ankaradakı Sovet
səfiri S.Vinoqradov Türkiyənin Montrö sazişinin 4-cü maddəsini pozduğunu
xatırlatdıqda ona bildirilmişdi ki, Sazişin müdafiəçisi rolunda çıxış etmək
Sovetlərin işi deyildir (63).
Öz növbəsində Almaniya da Sovet İttifaqını Avropaya, o cümlədən Balkanlara
buraxmaq fikrində deyildi. Qara dənizdə Sovetlərin xüsusi imtiyazını qəbul etsə
də, Berlin SSRİ-nin okeana yolunu daha çox Fars körfəzindən salmağa maraqlı
idi. Molotov Berlindən qayıtdıqdan sonra Sovet rəhbərliyi dünyanın nüfuz
dairəsinə bölünməsi haqqında Alman layihəsinə bir sıra düzəlişlər etdi. Bu sənədə
görə, Bakı və Batumdan cənuba doğru Şərqi Türkiyə, Şimali İran və İraq da daxil
olmaqla Fars körfəzinə doğru uzanan ərazilər sovet nüfuz dairəsinə daxil olmalı
idi. Boğazlarda isə uzunmüddətli icarə əsasında Sovet quru qoşunlarının və dəniz
qüvvələrinin hərbi bazası yaradılmalı idi. Bu məqsədlə Türkiyə dördlər ittifaqına
qoşulmağa dəvət edilməli, yalnız bundan sonra