Microsoft Word herbi sahede informasiya elde etmek medeniyyeti doc
Yüklə 0,55 Mb. Pdf görüntüsü
|
- Bu səhifədəki naviqasiya:
- Ramiz Məlikov
- Beləliklə baş verənləri ümumiləşdirərək 1991-ci ildə əldə edilən müstəqillikdən bəri Azərbaycanın müdafiə və təhlükəsizlik
- 2. ORDU İLƏ KİV ARASINDA "ATƏŞKƏS" (1994-1998).
- 3. PROBLEM BUMU (1998-2005).
_____________Milli Kitabxana_____________
12 yiyələnlər – Dadaş Rzayev, Məmmədrəfi Məmmədov və Səfər Əbiyev hərbi sahədə informasiya verilməsinin məhdudlaşdırılması siyasətinə üztünlük verdikləri müşahidə edildi. Əgər Qazıyev dövründə mətbuat xidmətinə müraciət edən hər bir jurnalistə hərbi hissələrə, cəbhə xəttinə baş çəkməyə razılıq verilirdisə, sonrakı nazirlər dövründə bu məsələ bir qədər qəlizləşdi. 1993-cü ilin aprelində Kəlbəcər rayonu ermənilər tərəfindən işğal edildikdən sonra MN-in mətbuatla əlaqələri hissediləcək dərəcədə məhdudlaşdırıldı. Bu, Dadaş Rzayevin dövründə baş verdi. Hadisədən bir neçə gün sonra MN mətbuat xidmətini nazirliyin binasından Salyan kazarmasına köçürdülər. Xidmət əməkdaşları burada kompütersiz və telefonsuz şəraitdə bir müddət işləməyə məcbur olublar. Yeni müdafiə naziri general-leytenant Məmmədrəfi Məmmədov mətbuat xidməti əməkdaşlarını nazirliyin binasına qaytarsa da onların qarşısına böyük məhdudiyyətlər qoymuşdu. 1994-cü ilin mayında - atəşkəs müqaviləsi imzalanandan sonra mətbuat xidməti yeni iş rejiminə keçirildi. Nazirliyin mətbuatla normal münasibətləri ənənəsinə son qoyuldu, məlumatın ötürülməsinə məhdudiyyətlər qoyuldu. Yeni rejimdə həftəlik brifinqlər əvvəl-əvvəl ayda bir dəfə keçirildi, sonra isə qeyri-müəyyən vaxta təxirə salındı. Mətbuat xidmətinin gündəlik məlumatları isə formal xarakter daşımağa başladı. Mətbuat xidməti artıq orduda baş verən hadisələrdən tam xəbər ala bilmirdi. Nazirliyin məlumatlı idarələri mətbuat xidmətini məlumatsız qoydular. Yeni dövrdə mətbuat xidmətinin işi yalnız şablon məlumatları verməkdən və dünya hadisələri barədə icmal hazırlayıb nazir və onun müavinlərinə təqdim etməkdən ibarət idi.
1995-ci ilin mart ayında polkovnik Ramiz Məlikov yenidən nazirliyin mətbuat xidmətinin rəisi vəzifəsinə qaytarıldı. R.Məlikov ordunun mətbuatla əlaqələrində atəşkəsdən sonra yaranmış durğunluğu davam etdirməyə başladı. Müdafiə Nazirliyində mətbuat konfranslarının keçirilməsi ənənəsinə son qoyuldu, jurnalistlərin hərbi hissələrə baş çəkməsi məhdudlaşdırıldı. Əgər 1992-95-ci illərdə ordu cəmiyyət üçün əsas maraq obyekti hesab edilirdisə, 1995-ci ildən başlayaraq Silahlı Qüvvələr diqqət baxımından arxa plana keçdi. Bu dövr 1999-cu ilədək davam etdi. Əslində 1994-1998-ci illər Azərbaycan Silahlı Qüvvələri üçün "itmiş dövr" hesab edilir. Çünki bu dövrdə orduda hansı
_____________Milli Kitabxana_____________
13 irəliləyişin baş verməsi ilə bağlı ciddi məlumatlar yoxdur. Əksinə, bu dövrdə orduda neqativ halların çoxalması sonradan cəmiyyətin müzakirə edəcəyi əsas məqamlardan biri idi. Beləliklə, 1998-ci ildən başlayaraq ordudakı problemlər cəmiyyətin diqqət mərkəzində oldu. Bu dövrdən etibarən ayrı-ayrı hərbçilər, ehtiyatda olan zabitlər ordudakı neqativ halları - xəstəliklərdən və aclıqdan dünyasını dəyişən əsgərləri, korrupsiya və rüşvətxorluğu, qeyri-nizamnamə hallarının çoxalması və digər hadisələri cəmiyyətin diqqətinə çatdırmağa başladılar. Bütün bunları cavablandırmaq isə ilk növbədə Müdafiə Nazirliyi mətbuat xidmətinin öhdəsinə düşürdü. Lakin nazirliyin mətbuat xidməti bu istiqamətdə əsaslı fəallıq göstərə bilmədi. Nəticədə cəmiyyətdə ordunun nüfuzu hissediləcək dərəcədə aşağı düşdü. Ordunun informasiya siyasətindəki böhranlı vəziyyət artıq ölkə rəhbərliyinə də bəlli idi. Bir çoxları 2007-ci ilin aprelində R.Məlikovun istefaya göndərilməsini həm də bununla izah edirlər. 2007-ci ilin əvvəlində mətbuat xidmətinə rəis təyin olunan Eldar Sabiroğlu Müdafiə Nazirliyi ilə KİV arasında münasibətlərin normallaşması istiqamətində diqqətçəkən addımlar atmağa başladı. Onun dövründə mətbuat xidmətinin mətbuat konfranslarının keçirmək ənənəsi bərpa olundu. Eyni zamanda müəyyən məsələlərlə bağlı məlumatın əldə edilməsi istiqamətində media nümayəndələrinin işi asanlaşdı. Lakin əvvəllər rübdə bir dəfə keçiriləcəyi bəyan olunan mətbuat konfranslar artıq ildə iki dəfə keçirilir. Eyni zamanda ordudakı problemlərlə bağlı jurnalistləri maraqlandıran əsas suallara cavab verilmir. Mətbuat xidməti jurnalistlərin hərbi hissələrə səfərlərini təşkil etsə də, bu səfərlərdə əsasən tənqidçi jurnalistlər iştirak etmir. Ən əsası, Müdafiə Nazirliyi hərbi sahədə problemləri qabardan jurnalistlərə qarşı dözümsüz münasibəti davam etdirir. Beləliklə baş verənləri ümumiləşdirərək 1991-ci ildə əldə edilən müstəqillikdən bəri Azərbaycanın müdafiə və təhlükəsizlik sahəsinin KİV-lə əlaqələrini 4 şərti dövrə bölmək olar: 1. VƏTƏNPƏRVƏR MEDİA (1991-1994). Bu dövr Azərbaycanın Ermənistanla qızğın hərbi əməliyyatlar dövrünə təsadüf edir. O zaman cəbhə xəttində baş verən döyüşlər, Azərbaycan cəmiyyətinin bütün diqqətinin hərbi əməliyyatlara yönəlməsi ölkə mətbuatını vətənpərvər mövqedən çıxış edərək problemlərə göz yummaq, daha çox Azərbaycan silahlı qüvvələrinin gücünü təbliğ etmək məqsədi güdməyə vadar edirdi. _____________Milli Kitabxana_____________
14 O zaman silahlı qüvvələrdə problemlər çoxsaylı idi, ordunun təminatında, təşkilatlanmada ciddi problemlər gözə dəyirdi. Lakin KİV birmənalı olaraq problem mövzusunu qabartmır, bu istiqamətdə hansısa informasiya əldə etməyə cəhd göstərmirdi və bu istiqamətdə ona güc strukturlarının rəsmiləri tərəfindən təzyiq, demək olar, yox idi. Problemlər hansısa ərazinin itirilməsi, döyüş uğursuzluğu zamanı qabardılırdı, lakin bu, o qədər də diqqət çəkmirdi.
dövr Azərbaycan və Ermənistan arasında atəşkəsin imzalandığı 1994-cü ildən sonraya təsadüf edir. 1998-ci ilə qədər davam edən bu dövrdə ordu ilə KİV arasında münasibətlərdə bir süstlük nəzərə çarpırdı. Bu dövrün ən böyük problemi ordunun və KİV-in qarşılıqlı münasibələrin qurulmasına təsir edəcək fəaliyyət mexanizmlərinin olmaması idi. Yəni güc strukturları hansı məlumatın cəmiyyətə çatdırılmasının zəruri olduğunu müəyyən etməkdə çətinlik çəkirdi. Hesab edilirdi ki, hər hansı informasiya və ya yanlış yozum cəbhə xəttində döyüş əməliyyatlarını yenidən alovlandıra bilər. KİV də bu dövrdə hansı hərbi informasiyaları əldə etmək, ordu problemlərini necə qabartmaq və onu necə təhlil etmək istiqamətində "baş sındırırdı". Artıq köhnə sovet dövrünə xas olan hərbi yanaşmalar cəmiyyətdə qəbul olunmurdu, müasir qaydalara uyğun yazılar isə güc strukturları tərəfindən hiddətlə qarşılana bilərdi. Odur ki, 1994-1998-ci illəri Azərbaycanda ordu ilə KİV arasında bir "atəşkəs dövrü" kimi qiymətləndirmək olar. Bu dövrdə hərbi əməliyyatların yenidən bərpa olunacağı, Azərbaycan ordusunun işğal altında olan torpaqları tam geri qaytaracağına inam çox güclü idi. Odur ki, hamı gözləyirdi - bu dövrdə də KİV ordudakı problemləri qabartmamağa üstünlük verdi. 3. PROBLEM BUMU (1998-2005). Hərbi əməliyyatların bərpa ediləcəyi təhlükəsi geridə qaldıqdan sonra, 1998-ci ildə ilk dəfə olaraq Silahlı Qüvvələrdə xidmət etmiş bir neçə əsgər və zabit tərəfindən ordudakı problemlər, müxtəlif xəstəliklərdən dünyasını dəyişən hərbi qulluqçuların siyahısı KİV vasitəsilə cəmiyyətə çatdırıldı. Bu dövrdə ordudakı problemlər, təminat sahəsində çatışmazlıqlar, hərbi vəzifəlilərin tutduqları vəzifələrdən sui-istifadə etməsi ilə bağlı çoxsaylı faktlar müxtəlif qəzet və telekanallarda öz əksini tapdı. Bu dövrdə hərbyönlü qeyri-hökumət təşkilatları xeyli fəallaşdılar, çoxsaylı mətbuat konfransları təşkil olundu. Məhz 1998-2005-ci ildə Azərbaycanın güc Yüklə 0,55 Mb. Dostları ilə paylaş:
|