___________________________________________________112
YUNESKO-nun BAŞ DİREKTORU
CƏNAB KOİÇİRO MATSUURAYA
Hörmətli cənab Matsuura!
BMT-nin Təhsil, Elm və Mədəniyyət Məsələləri üzrə Təşkilatının
(YUNESKO) baş direktor vəzifəsinə seçilməyiniz münasibətilə sizi
səmimi-qəlbdən təbrik edirəm.
YUNESKO-nun baş direktoru vəzifəsinə məhz Yaponiya
nümayəndəsinin seçilməsi xəbəri məni məmnun etdi. Azərbaycan ilə
Yaponiya arasında dostluq və əməkdaşlıq əlaqələri gündən-günə
genişlənməkdədir. Mühüm beynəlxalq strateji layihələrdə
ölkələrimizin birgə
iştirakını, Azərbaycan iqtisadiyyatının
dirçəldilməsi üçün Yaponiya hökuməti tərəfindən qoyulan
investisiyaları yüksək qiymətləndirirəm.
Azərbaycan Respublikası XX əsrin sonlarında dəhşətli faciələr -
hərbi təcavüz və etnik təmizləmə ilə üzləşmiş, torpaqlarımızın beşdə
bir hissəsi qonşu Ermənistan tərəfindən işğal olunmuş, bir milyon
vətəndaşımız qaçqın və məcburi köçkün vəziyyətinə düşmüşdür.
Müharibənin təhsil, elm və mədəniyyət sahələrinə vurduğu zərbələrin
aradan qaldırılması üçün ölkəmiz YUNESKO ilə fəal əməkdaşlıq edir.
Əminəm ki, sizin rəhbərliyiniz altında YUNESKO özünün nəcilə
və son dərəcə vacib fəaliyyətini bundan sonra da uğurla davam
etdirəcək, başçılıq etdiyiniz təşkilat ilə Azərbaycan Respublikası
arasında qurulmuş qarşılıqlı
işgüzar münasibətlər daim
möhkəmlənəcək və inkişaf edəcəkdir.
___________________________________________________113
Sizə möhkəm cansağlığı, xoşbəxtlik və məsul vəzifənizin icrasında
uğurlar arzulayıram.
Hörmətlə,
HEYDƏR ƏLİYEV
Azərbaycan Respublikasının Prezidenti
Bakı şəhəri, 13 noyabr 1999-cu il
___________________________________________________114
TÜRKİYƏ RESPUBLİKASININ PREZİDENTİ
ZATİ-ALİLƏRİ
CƏNAB SÜLEYMAN DƏMİRƏLƏ
Əziz dostum və qardaşım!
İstanbul yaxınlığındakı Düzcə-Bolu bölgəsində baş vermiş zəlzələ
nəticəsində çoxsaylı insan tələfatı və dağıntı barədə xəbər məni
dərindən sarsıtdı.
Bu faciə ilə əlaqədar dərdinizə şərik çıxır, sizə, həlak olanların
qohumlarına və yaxın adamlarına dərin hüznlə başsağlığı verir,
yaralananların və xəsarət alanların tezliklə sağalmasını arzu edirəm.
HEYDƏR ƏLİYEV
Azərbaycan Respublikasının Prezidenti
Bakı şəhəri, 13 noyabr 1999-cu il
___________________________________________________115
UKRAYNA PREZİDENTİ
ZATİ-ALİLƏRİ
CƏNAB LEONİD KUÇMAYA
Hörmətli Leonid Daniloviç!
Ukrayna prezidenti vəzifəsinə yenidən seçilməyiniz münasibətilə
Sizi ürəkdən təbrik edirəm.
Prezident seçkilərində Sizin qalib gəlməyiniz inandırıcı şəkildə
sübut edir ki, qardaş Ukrayna xalqı ölkənin müstəqilliyinin və
suverenliyinin möhkəmləndirilməsinə, cəmiyyətin
demokratikləşdirilməsinə, dərin sosial-iqtisadi dəyişikliklər
aparılmasına yönəldilmiş siyasətinizi dəstəkləyir.
Əminəm ki, ölkələrimiz arasındakı ənənəvi dostluq, tərəfdaşlıq
münasibətləri xalqlarımızın mənafeləri xeyrinə, regionda sülh, sabitlik
və tərəqqi naminə bundan sonra da inkişaf edəcək və
möhkəmlənəcəkdir.
Sizə möhkəm cansağlığı, səadət və dövləti fəaliyyətinizdə yeni
uğurlar arzulayıram.
Hörmətlə,
HEYDƏR ƏLİYEV
Azərbaycan Respublikasının Prezidenti
Bakı şəhəri, 15 noyabr 1999-cu il
___________________________________________________116
AZƏRBAYCANDAKI DİNİ KONFESSİYALARIN
BAŞÇILARI İLƏ GÖRÜŞDƏ SÖHBƏT
Prezident sarayı
16 noyabr 1999-cu il
Heydər Əliyev: Siz bilirsiniz ki, Birləşmiş Millətlər Təşkilatının
YUNESKO təşkilatı 1995-ci ildə özünün qərarı ilə noyabrın 16-nı
dünyada dözümlülük günü, səbirlilik, tolerantlıq günü elan etmişdir.
XX əsrin sonunda demokratikləşmə prosesinin Yer kürəsinin bir çox
ölkələrini əhatə etdiyini və insan hüquqlarının mühüm amil kimi ön
plana çəkildiyini nəzərə alsaq, bu, çox vacib qərardır. Bu münasibətlə
də mən istədim sizinlə görüşəm, ölkəmizdə bu məsələnin nə
vəziyyətdə olduğunu, qısaca da olsa, birlikdə təhlil edək, mən sizi
dinləyim və öz fikirlərimi deyim.
Bildiyiniz kimi, tolerantlıq, gözümlülük çox geniş anlayışdır. O,
həm insani münasibətlərin, həm insan cəmiyyətində gedən proseslərin,
həm də dövlətlərarası, millətlərarası, dinlərarası münasibətlərin bir
çox cəhətlərinə aiddir.
Bilirəm ki, siz, - hörmətli şeyx Allahşükür Paşazadə, bizim Qafqaz
Müsəlmanları İdarəsi, Azərbaycanın Xristian Pravoslav Konfessiyası,
Azərbaycanın Yəhudi Konfessiyası və bütün başqaları, - öz işinizi
məhz bu istiqamətdə aparırsınız, buna böyük əhəmiyyət verirsiniz.
Bununla belə, görünür, bayaq dediyim kimi, YUNESKO-nun 1995-ci
il iyun ayının 16-da qəbul etdiyi qərara hörmət edərək, zəmanəmizin
bu vacib tələbinin həyata keçirilməsinə hamımız daha böyük diqqət
yetirməliyik.
Dostları ilə paylaş: |