_____________ Milli Kitabxana_____________
107
erini sərsəm qadınlar və vaki personajları daşıyır. Qəhvəyi
rəngli yaxalıq rahib və qocalara məxsusdur. Göy eri qəzəbli
tanrıların, hərbçilərin və əcinələrin geyimlərində olur.
Noh teatrında sitenin kostyumu həmişə öz rövnəqilə seçilir.
Bu personajı ifa edən aktyor üst-üstə bir neçə kimono geyinir
və axırda ağır mahud parçadan hazırlanmış paltar-ləbbadəni
çiynindən aşırır. Sitenin geyimi bir qayda olaraq bahalı, şax
parçalardan biçilir. Onun paltarının üzərində həmişə zərif
saplarla kəpənək, susuki budaqları, böyük banan yarpaqları
formasında tikmələr işlənir. Vaki personajlarının geyimi bir
qədər sadədir, lakin gözəllik, zövq baxımından onlar heç də
site paltarlarından geri qalmır. Nökərlərin kostyumları adətən
yaşıl, açıq və tünd yaşıl rəngdə olur. Müasir yapon Noh
teatrında 94 kostyum növü məlumdur. Bu kostyumlar
aktyorların dəyərli sərvətidir: onlar nəsildən nəslə fəxr və
qürur hissilə ötürülür. Çağdaş dövrümüzdə də onlar köhnə
nümunələrə uyğun tərzdə tikilir.
Kanyami və Ceami zamanında kostyumlar çox sadə olurdu.
Sonradan isə onlar tədricən zadəganların, ruhanilərin və
hərbçilərin məişət geyimlərinə oxşamağa başladı. Bu, Noh
teatrının kübarlaşması və kübar təbəqənin zövqünün
mədəniyyətdə hakim mövqe tutması ilə bağlı idi. XV əsrdən isə
zadəganlar arasında aktyorlara öz bahalı paltarlarını hədiyyə
kimi vermək ənənəsi dəbə mindi. Noh teatrının muzey
eksponatı kimi qoruyub indiyəcən saxlanılmış ən qədim
kostyumları şögün və zadəgənları işarələyən geyimlərdir.
Kance məktəbində bir vaxtlar şögün Yösimasanın tamaşa
zamanı əynindən çıxarıb aktyora bağışladığı xappi (tünd yaşıl
rəngli eleqant jaket) müasir dövrümüzədək gəlib çatmışdır və
ənənənin Ortaçağ yapon mədəniyyətində qədərincə gəlişdiyini
görükdürür.
_____________ Milli Kitabxana_____________
108
5. Noh teatrının maskaları
MASKA
Noh teatrının energetik nüvəsidir. Təsadüfi deyil
ki, bu teatrı bütün dünya mədəniyyəti “maska teatrı” kimi
tanıyır. Noh teatrının maskaları
MASKA-AMPLUA
qismində
təsnif olunur və 5 qrupa ayrılır: 1) qoca maskaları; 2) kişi
maskaları; 3) qadın maskaları; 4) tanrı, ruh, əcinə maskaları; 5)
xüsusi personajlar üçün hazırlanmış maskalar. Bu gün Noh
teatrında 86 adda maska məlumdur. Hər aktyorun adətən bir
neçə maskası olur. Pyes üçün seçdiyi maskadan asılı şəkildə
aktyor öz personajının xarakterini bu və ya digər tərzdə
yozub mənalandırır. Bu teatrda maska niqab xarakteri daşımır.
O, qəhrəmanın məğzinin, mahiyyətinin, iç mənasının
ifadəçisidir. Maska personajın əkizi deyil, həqiqətidir, həqiqi
üzüdür, yugen deyilən məxfi ideyanı, mənanı, ruhun
gizlinlərini əyaniləşdirən eyhamdır.
Noh maskalarını həmişə pariklə birgə taxırlar. Üç parik
növü var: katsura, tare və kasira. Katsura qadın maskaları
üçündür, qısa parikdir, qulaqların üstünü və boynu yaxalığa
qədər örtür. Tare tanrıların geyindiyi parikdir. Bu parikdə
oynayan aktyorlar başlarına mütləq şlyapa və ya tac qoyurlar.
Kasira pariki döşəməyə kimi uzanan saç düzümüdür. Qara
kasira kişilər, qırmızı əcinələr, ağ isə qocalardan ötrüdür. Parik
enli, dekorativ, süsləmələrlə işlənmiş lent vasitəsilə qafaya
bərkidilir.
Yapon mədəniyyətində bir sıra əşyalar kimi Noh maskaları
da ecazkar, mistik qüvvənin daşıyıcısı sayılırlar. Bu da
Yaponiyada özünəməxsus bir inancdır. Noh aktyoru heç
vaxt yerə düşmüş teatr maskasının üstündən adlayıb keçməz.
Bu teatrda maskalar müqəddəs bütlər qismində qorunub
saxlanılır. Aktyorlar maskaya, maska ustasına, onun xatirəsinə
daima böyük hörmət və ehtiramla yanaşırlar. Hətta Yaponiyada
_____________ Milli Kitabxana_____________
109
cansız taxta maskalara ad vermək dəbi də mövcud olmuşdur.
Bu maskalar əksərən onları düzətmiş ustad sənətkarların
şərəfinə adlandırılardı. Məs., “c(dz)o-onna” qadın maskası
onu kötükdən ovub çıxarmış Coami adlı ustanın ismilə bağlıdır.
Yaponiyada Edo dövrünədək tanınan maskalar xommen, yəni
həqiqi, adlandırılmışdır. Bundan sonra yaradılmış maskalara
isə utsusi, yəni surət maskalar deyirlər. Noh teatrının
maskalarının əsl fəxrediləsi bir tarixi var. Düzdür, həkkak
(oyucu) peşəsi Yaponiyada yalnız XVII yüzildə meydana
gəlmişdir. Yapon Noh maskalarının tarixinin
dövrləşdirilməsinə əsasənsə ilk maskalar, guya ki, tanrılar
tərəfindən düzəldilib. Üstəlik hələ deyirlər ki, bu maskalar VI
əsrdə yaşamış imperator Cyoqu Taysinin öz əlinin işidir. Bu,
Noh maska tarixinin mifoloji mərhələsidir. Amma fakt bundan
ibarət ki, Noh teatrından öncə YIII əsrdə Yaponiyada öz
çiçəklənmə çağlarını yaşayan giqaku sənətində (Budda
məbədlətində oynanılan misteriya növüdür) də maskalardan
istifadə edilmişdir. Hərçənd mütəxəssislər onları “təmiz” yapon
maskaları bilmirlər. Amma bütün bunları birbaşa şəkildə Noh
maskaları ilə bağlamaq professional səriştəsizlikdir. Çünki
maskalar heç Noh teatrının eksperimenti də deyil: onlar bu
teatrın yaranış formasının ayrılmaz hissəsidir.
Yapon teatrşünaslığı X-XV yüzillərin Noh maska
ustalarından 10 nəfərin adını dəqiq bilir: Nikko, Miroku,
Yasya, Bunce, Tatsuyemon, Syakucuru, Ximi, Eti, Kousi,
Tokuvaka. Tarix yalnız bu 10 ustanın hazırladıqları maskalar
haqqında məlumatlıdır. Güman olunur ki, bu dövr sənətkarları
maskalara ölmüş şəxslərin üz cizgilərini həkk edirmişlər. Bu
versiya daha çox rahib-usta Ximinin adı ilə əlaqədardır. XVI
əsr cəmi 6 həkkakın adını açıqlayır: Coami, Syünvaka,
Tiqusa, Fukurai, Xurai və Sankobo. XVII yüzildən etibarən
isə sənətin bu sahəsində ixtisaslaşmış ailələr nəsilbənəsil
Dostları ilə paylaş: |