78
hakimiyyətinə qarşı çıxan qiyamçıların kömək üçün Qarabağ xanına
müraciət etməsinə baxmayaraq, həmsərhəd olduğu bu xanlıqla
normal qonşuluq münasibətlərini qorumağa çalışırdı. Onun İbra-
himxəlil xana göndərdiyi məktubda dostluqdan və səmimiyyətdən
söhbət getdiyinin şahidi oluruq (48, 78-79).
Beləliklə, Kartli-Kaxetiya qoşunlarının İrəvan xanlığına yü-
rüşün acı nəticələrini aradan qaldıran Hüseynəli xan xarici siyasətdə
də müəyyən uğurlara nail oldu. Belə ki, o, ömrünün sonlarına yaxın
qonşu Azərbaycan xanları ilə dostluq münasibətləri yarada bilmişdi.
Georgievski müqaviləsi və İrəvan uğrunda mübarizə.
XVIII yüzilliyin 80-ci illərinin əvvəllərində Cənubi Qafqazda vəziy-
yət daha da mürəkkəbləşdi. Belə ki, II İrakli güclü müttəfiq
olmadan Azərbaycanın bir sıra torpaqlarını, xüsusilə, İrəvan xanlı-
ğının öz çarlığına birləşdirməyin qeyri-mümkün olduğunu başa
düşürdü. Apardığı siyasətlə bölgə dövlətlərinin-Osmanlı imperiya-
sının, Azərbaycan xanlıqlarının, Dağıstan siyasi qurumlarının nif-
rətini qazanmış Kartli-Kaxetiya çarı bu birlikdən qorxaraq
Rusiyanın himayəsinə keçməyə çalışırdı. Belə plan hələ XVIII
yüzilliyin 50-ci illərin sonları – 60-cı illərin əvvəllərində II İraklinin
atası çar Teymurazın hakimiyyəti illərində mövcud olmuşdu. Lakin
onun qəfil ölümü bu işi yarımçıq qoymuşdu (107, c.1, səh.241; 249,
130-131).
Kartli-Kaxetiya çarı məqsədini həyata keçirmək üçün Rusiya
hökmdarı II Yekaterinaya xüsusi layihə ilə müraciət etmişdi.
Cənubi Qafqazda öz mövqeyini möhkəmləndirməyə cəhd edən
Rusiya II İraklinin müraciətini məmuniyyətlə qəbul etdi. Nəticədə
1783-cü il iyulun 24-də Georgievskdə bağlanmış müqaviləyə görə,
Kartli-Kaxetiya çarlığı Rusiya dövlətinin təbəəliyinə keçdi (107,
c.2, səh, 11; 229, 67-70; 182, 9; 78, 277-286; 209, 436; 247, 168-
171; 291, 118-128). Bunun ardınca S.D.Burnaşovun başçılığı ilə iki
rus batalyonu Tiflisə daxil oldu (502, 22).
Georgievski müqaviləsi bölgədə çox böyük səs-küyə səbəb
oldu və qonşu dövlətləri bərk təşvişə saldı. Bu hadisə Kartli-
79
Kaxetiya çarlığının həmin dövlətlərlə onsuz da yaxşı olmayan
münasibətlərini daha da kəskinləşdirdi. Müqavilədə Azərbaycan
xanlarının narazılığına səbəb maddələrin birində II İraklinin adının
təmtəraqlı və şişirdilmiş formada göstərilməsi idi. Burada Kartli-
Kaxetiya çarının adı belə qeyd olunur: «…, Qazaxın mtavarı (hakim
knyaz – E. Q.), Borçalının mtavarı, Şəmşəddilin mtavarı, Qaxın
mtavarı, Şamaxının mtavarı, Şirvanın mtavarı, Gəncə və İrəvanın
padşahı» (209, 437). (Qeyd – Bildiyimiz kimi, Kartli-Kaxetiya çarı
Şirvanda və onun mərkəzi Şamaxıda heç bir zaman nüfuz sahibi
olmamışdı. Digər tərəfdən, beynəlxalq vəziyyətlə və ara mühari-
bələri ilə əlaqədar olaraq Gəncə və İrəvan xanlıqları müxtəlif dövr-
lərdə Kartli-Kaxetiya çarlığından nominal asılı olmuşdu. Lakin bu
asıllıq yalnız vergi verməklə məhdudlaşırdı – E. Q.). P.Butkov yazır
ki, «Rus qoşunları Gürcüstana (Kartli-Kaxetiyaya – E. Q.) daxil
olduqdan sonra onun (II İrakli – E. Q.) vəziyyəti pisləşdi; onun
təbəəliyində olan elat və ya köçəri tatarlar (Azərbaycan türkləri-E,
Q.) və başqa müsəlman əhalisi ona itaət etməkdən imtina etdi. O,
Azərbaycanda əvvəlki nüfuzunu itirdi və oradan alınan
hədiyyələrdən məhrum oldu. Gəncə tamamilə ondan uzaqlaşdı,
xoylu Əhməd xanla qohum olan İrəvan xanı bac verməkdən imtina
etdi…» (107, c.2, səh, 177-178).
Rusiya dövləti bu müqavilə ilə Azərbaycan xanlarına və
Dağıstan hakimlərinə təsir göstərmək üçün Kartli-Kaxetiya kimi
əlverişli strateji meydan əldə etdi. Georgievsk müqaviləsi bölgə
uğrunda yeni Rusiya–Osmanlı rəqabətinin daha da gərginləşməsinə
səbəb oldu. Müqavilədən dərhal sonra Rusiya öz planlarını həyata
keçirmək üçün gerçək addımlar atmağa başladı. Bunun üçün
bölgədə Rusiya siyasəti üçün əlverişli vəziyyət yaranmışdı. Belə ki,
Kərim xan Zəndin ölümündən sonra Mərkəzi İranda hakimiyyəti ələ
keçirən Əlimurad xan II Yekaterina hökuməti ilə əlaqə yaradaraq
Qaradağ, Qarabağ, Naxçıvan və İrəvan xanlıqlarını Rusiyaya
güzəştə getmək müqabilində onun hakimiyyətini tanınmasını xahiş
edirdi (107, c.2, səh.148; 78, 150; 147, 69-73). Hərçənd ki, bu
80
dövrdə onun bu xanlıqlar üzərində real hakimiyyətindən söhbət belə
gedə bilməzdi.
1783-cü il iyulun 30-da rus komandanlığı bir sıra Azərbaycan
xanlarına və Dağıstan hakimlərinə Kartli-Kaxetiya çarlığının
Rusiyanın himayəsinə keçdiyini bildirən fərmanlar göndərərək,
onlardan da belə hərəkət etmələri təklif etdi (14, 181). Fərmanları
yerlərə çatdırmaq üçün sekund-mayor (XVIII yüzillikdə rus
ordusunda kapitan rütbəsinə bərabər zabit rütbəsi – E. Q.), qraf
Apraksin və poruçik (çar ordusunda zabit rütbəsi – E. Q.), knyaz
Çelokayev Tiflisə göndərildi (161, 78-79).
İrəvan xanlığı uğrunda hər iki tərəf arasında mübarizə daha da
şiddətləndi. Həm Rusiya, həm də Osmanlı dövləti Hüseynəli xanı
öz tərəfinə çəkməyə çalışırdı. Eyni zamanda Kartli-Kaxetiya çarlığı
ilə baş verən müharibədən sonra xanlığın dağılmış təsərrüfatını
bərpa etmək, hakimiyyətinə qarşı qiyamları, narazılıqları yatırmaqla
məşğul olan Hüseynəli xan da bu ziddiyyətlərdən yararlanmağa
çalışırdı. O, bitərəf mövqe tutaraq hər iki tərəflə məktublaşır və
dostluq münasibətləri saxlamağa çalışırdı. Bəzi türk müəllifləri
əsərlərində Hüseynəli xanın siyasətini başqa cür izah etməyə çalış-
mışdılar. Belə ki, türk tədqiqatçısı M.A.Çakmaq yazırdı ki, «Os-
manlı dövləti ilə yaxın münasibətdə olan İrəvan xanı Hüseynəli xan
və başqa Azərbaycan xanları Osmanlı dövləti tərəfindən gələn
hədiyyələri qəbul etməkdən çəkinirdilər» (56, 54). Başqa bir Türki-
yə tədqiqatçısı etiraf edirdi ki, «…İrəvan ərazisinə göndərilmiş rus
mühəndisləri İrəvan xanı Hüseynəli xan tərəfindən məmnuniyyətlə
qəbul edilirdi» (57, 54).
Əslində Hüseynəli xanın məktublarının məzmunundan gör-
mək olar ki, bu mürəkkəb tarixi şəraitdə İrəvan hakimi hər iki tə-
rəflə mehriban münasibət saxlamağa çalışmış, xarici siyasətdə ba-
lanslaşdırma siyasəti yeritmişdi. Məsələn, Hüseynəli xanın
II İrakliyə yazdığı məktublardan aydın olur ki, o, bayramlarda və
yaxud adi günlərdə II İrakliyə hərbi geyimlər, müxtəlif növlü
parçalar, cins atlar, dəvələr və s. kimi hədiyyələr göndərməkdə
davam edirdi. Məktublarda dostluq və sədaqətdən danışılırdı (48,
Dostları ilə paylaş: |