İNSAN ALVERİNƏ QARŞI MÜBARİZƏ- DƏRS VƏSAİTİ
59
3.3 İnsan alverinin indikatorları
İndikatorlar nailiyyət, dəyişiklik və ya icranı qiymətləndirmək üçün sadə və etibarlı əsası təmin edən
kəmiyyət və keyfiyyətlə bağlı ölçüdür.
117
Onlar vəziyyətin əlamətlərini üzə çıxarır və hər hal üçün
ayrı-ayrılıqda istifadə edilməli olan çevik bir alətdir.Bütün və ya yalnız bir indikatorun qənaətbəxş
olması tələb edilmir: vacib məqam odur ki, indikatorlar şəxsin insan alverinin potensial qurbanı ola
biləcəyi potensial vəziyyəti göstərir. İndikatorlar sonra daha təfsilatlı şəkildə müəyyənləşdirmə və
əlavə indikatorlardan istifadə etmə imkanını verir.
İndikatorlar insan alverinin bütün formalarına tətbiq edilə bilən “ümumi indikatorlara” və istismarın
ayrı-ayrı növləri üçün “xüsusi indikatorlara” bölünür. İndikatorlar, həmçinin əsasən müşahidələr yolu
ilə aşkar edilən “obyektiv indikatorlara” və əsasən müsahibələr və araşdırma yolu ilə aşkar edilən
“subyektiv indikatorlara” bölünür. Yadda saxlamaq lazımdır ki, bunlar yalnız indikatorlardır və tək və
ya birlikdə, onlardan heç biri şəxsin yəqinliklə insan alverinə məruz qalması demək deyildir.Lakin
indikatorların mövcudluğu əlavə araşdırmalara yol açacaqdır.
Əksər dövlətlərdə qurbanların yalnız kiçik bir hissəsi formal olaraq müəyyən edilir və xeyli hissəsi
istismar vəziyyətində qalır. Cinsi istismar məqsədilə insan alveri Avropada və Mərkəzi Asiyada insan
alverinin ən çox aşkar olunan formasıdır.
118
Bu onun üçün belə ola bilər ki, istismarın digər formaları,
xüsusilə də məcburi əməyə məruz qalan əməkçi miqrantlar, ölkə hüdudlarında insan alver və uşaq
alveri halları müəyyən edilmir.
3.3.1 Ümumi indikatorlar
Bu indikatorlar yaşlı insanların alveri ilə bağlıdır və ümumi olaraq onu göstərir ki, şəxs potensial
qurban ola bilər. Şəxsin insan alverinin qurbanı olub-olmadığını müəyyən etmək üçün əlavə
araşdırma, müsahibə və xüsusi indikatorlardan istifadə zəruri ola bilər. Müşahidə edilə bilən
indikatorlar “obyektiv indikatorlar” olduğu halda, əmin olmaq məqsədilə potensial qurbanla
müsahibə aparmaq üçün ehtiyac duyduğunuz hər hansı bir indikator isə “subyektiv indikatordur”.
İnsan alveri qurbanının ümumi indikatorları.
• Şəxs(lər)in nəzarət altında olduğuna dair dəlillər;
• Öz iş mühitində hərəkətetmə və ya onu tərketmə imkanının olmamasına dair dəlillər;
• Zədə izləri və ya fiziki zorakılığın digər əlamətləri;
• Qorxu
və ya depressiya;
• Yerli dili bilməmə;
• Bir ölkədən digər dövlətə, məsələn, Şərqi Avropaya,
Cənubi Amerikaya, ABŞ-a, Afrikaya və ya
Hindistana yenicə gətirilmə;
• Pasportun, immiqrasiya və ya şəxsiyyəti təsdiq edən digər sənədin olmaması;
• İşəgötürənlə birgə yaşama;
• Yoxsul yaşayış şəraiti;
• Sıx məkanda çoxlu sayda insanın olması;
• Hər hansı bir şəxslə təklikdə danışmaq imkanının olmaması;
117
BMqT 2006,
İnsan alveri əleyhinə təlim modulları, Qurbanların müəyyənləşdirilməsi və müsahibə üsulları,
səh.16.
118
UNODC 2014
İnsan Alverinə dair Qlobal Hesabat səh.35.
İNSAN ALVERİNƏ QARŞI MÜBARİZƏ - DƏRS VƏSAİTİ
60
• Cavabların əvvəlcədən hazırlanmış və öyrədilmiş şəkildə verilməsi;
• Qorxu və narahatlığı büruzə vermə;
• Ödənişin olmaması və ya çox cüzi olması;
• Hakimiyyət orqanlarına inanmama;
• İş və ya ev ünvanını bilməmə;
• Qazanclarına çıxış imkanının olmaması;
• Tibbi xidmətlərə çıxış imkanının olmaması;
• Onların borc asılılığında olmalarını anlama;
• Cəmiyyətlə əlaqənin məhdud olması və ya olmaması;
• Saxta vədlər əsasında
hərəkət etmiş olma;
• Öz ailələri və ya olduqları mühitdən kənardakı insanlarla məhdud əlaqəyə malik olma;
• Uzun müddətdə həddən artıq uzanan iş vaxtı;
• İstirahət günlərinin olmaması;
• Hakimiyyət orqanlarına təhvilverilmə ilə hədələnmə;
• İmmiqrasiya statusunun üzə çıxacağından qorxma.
UNODC 2014 Mərkəzi Asiyanın hüquq-mühafizə heyətləri üçün insan alveri və miqrant qaçaqmalçılığı
ilə bağlı hallar üzrə standart fəaliyyət prosedurlarına dair əyani vəsait. səh. 36
3.3.2 Xüsusi indikatorlar
Potensial qurban istismarın xüsusi bir formasında olduqda bu indikatorlar tətbiq oluna bilər
(İstismarın formalarının anlayışları 2.3.1, 2.3.2 və 3.3-cü maddələrdə verilir).
Cinsi istismar
Bu indikatorlara potensial qurbanın cinsi istismara cəlb edilib-edilməməsini yəqin etmək üçün
baxılmalıdır.
Cinsi istismarın indikatorları
• Yaşın 30-dan aşağı olması, baxmayaraq ki yaş yerə və bazara görə dəyişə bilər ;
• Bir fahişəxanadan digərinə getmə və ya müxtəlif yerlərdə işləmə;
• İşə, mağazaya gedərkən
və gələrkən müşayiət olunma;
• İstismar edən şəxslərə “məxsus olmanı” göstərən döymə yazılara və ya digər işarələrə malik
olma;
• Uzun sürən iş vaxtı və ya istirahət verildikdə belə günlərin sayının cüzi olması;
• İşlədiyi yerdə yaşama;
• Qrup şəklində, bəzən eyni dildə danışmayan başqa bir qadınla yaşama
və ya harasa getmə;
• Çox cüzi sayda geyimə malik olma;
• Səciyyəvi olaraq qazanc üçün cinsi xidmətlər göstərərkən geyinilən növdə geyimlərə malik olma;
• Yerli dildə və ya müştərilərin dilində yalnız cinsi xidmətlərlə bağlı sözləri deyə bilmə;
• Heç
bir nağd vəsaitə malik olmama;
• Şəxsiyyəti təsdiq edən sənədi göstərə bilməmə;
Aşağıdakılar da şəxslərin cinsi istismar üçün insan alverinə məruz qalmaları göstərə bilər;
• Ehtimal edilən qurbanların qorunmadan və / və ya zorla cinsi əlaqəyə məcbur edilməsinə dair
dəlillər mövcuddur;