İNSAN ALVERİNƏ QARŞI MÜBARİZƏ- DƏRS VƏSAİTİ
75
3.13 Hüquqi yardım
İnsan alverinin qurbanları hüquqi xidmətlərdən yaralanmaq hüququna, o cümlədən öz hüquqları,
hüquq müdafiə vasitələri və onlar üçün mövcud olan seçimlər barədə informasiya almaq hüququna
malik olmalıdırlar.Hüquqi yardım QHT-lərdən, vətəndaş cəmiyyətindən və ya özəl sektordan olan
müstəqil vəkillər tərəfindən göstərilə bilər. İnsan alverinin qurbanlarına hüquqi yardımın göstərilməsi
onlara ədalət mühakiməsinə çıxış imkanı verir, beləliklə də, onların öz hüquqları haqqında məlumatlı
olmasını və onları həm dil, həm də hüquqi baxımdan başa düşmələrini və əlavə informasiya
vermələrini və proseslərdə iştirak etmələrini təmin edir.
BMT-nin İnsan Alverinə dair Protokolunun “İnsan alveri qurbanlarının müdafiəsi” başlıqlı 6.3-cü
maddəsində deyilir:
“3. Hər bir İştirakçı dövlət insan alveri qurbanlarının fiziki, psixoloji və sosial reabilitasiyasının
təmin edilməsi üçün tədbirlərin həyata keçirilməsi mümkünlüyünü, o cümlədən lazım
gəldikdə,qeyri-hökumət təşkilatları, digər müvafiq təşkilatlar və vətəndaş cəmiyyətinin digər
elementləri ilə əməkdaşlıq edərək və xüsusilə də:
(b) insan alveri qurbanlarına aydın olan dildə konsultativ yardımın və məlumatın, xüsusən də
onların hüquqlarına dair yardımın və məlumatın təqdim edilməsini”.
AŞ Konvensiyasının 15(2)-ci maddəsində, iştirakçı-dövlətlərin, öz daxili qanunvericilikliklərində bu
qanunvericiyin şərtləri altında qurbanlar üçün hüquqi yardım və ödənişsiz hüquqi yardım hüququnu
nəzərdə tutmaq öhdəliyi müəyyən edilir.
Aİ-nin 2011/36/EU nömrəli Direktivində deyilir:
“Üzv-dövlətlər, insan alveri qurbanlarının, ləngiməyə yol verilmədən hüquqi məsləhətlərin
alınmasına və müvafiq ədalət mühakiməsi sistemində qurbanların oynadığı rola uyğun olaraq,
hüquqi təmsilçiliyə çıxış imkanını, o cümlədən kompensasiya tələbetmə məqsədilə buna malik
olmalarını təmin etməlidirlər. Qurban kifayət qədər maliyyə vəsaitlərinə malik olmadıqda,
hüquqi məsləhətlərin verilməsi və hüquqi təmsilçilik ödənişsiz olmalıdır”.
3.14 İnformasiya təminatı
Dövlətlər qurbanları informasiya ilə təmin etmək və onlara öz fikirlərini və maraqlarını bildirmək
imkanını vermək öhdəliyini daşıyırlar. Qanunvericilik orqanları hakimlərin, heç bir zəmində,
hüquqların müdafiəsinə xələl gətirən məqamlardan başqa, informasiyanı rədd edə və ya iştirakı
istisna edə bilməmələrini təmin edəcək müddəaları nəzərdən keçirə bilərlər.
139
BMT-nin İnsan Alverinə dair Protokolunun “İnsan alveri qurbanlarının müdafiəsi” başlıqlı 6.2-ci
maddəsində deyilir:
“2. Hər bir İştirakçı dövlət təmin edir ki, onun daxili hüquqi və ya inzibati sistemi insan alveri
qurbanlarına lazım gəldikdə:
a) müvafiq məhkəmə və inzibati araşdırma haqqında məlumatın təqdim edilməsinə;
139
UNODC
UNTOC və onun Protokollarının tətbiqi üçün qanunvericiliklə bağlı tövsiyələr, 2004-cü il, səh.284.
İNSAN ALVERİNƏ QARŞI MÜBARİZƏ- DƏRS VƏSAİTİ
77
4. Beynəlxalq çərçivə - insan alverinin müxtəlif aspektləri üzrə cavab
tədbirləri ilə bağlı qabaqcıl təcrübələr
Bu Fəsildə insan alverinin qurbanlara təsiri və onların birbaşa fiziki və psixoloji ehtiyacları nəzərdən
keçiriləcəkdir. Burada genderin və mədəniyyətin təsiri və qurbanlara necə nəzarət olunduğu izah
ediləcəkdir. Burada həmçinin qurbanlarla müsahibənin necə aparılmalı olduğu izah ediləcəkdir.
İnsan alveri gizlədilmiş cinayətdir. Qurbanlar adətən öz hüquqlarını bilmirlər, dövlətin qanunlarını
başa düşmürlər və onlara insan alverçiləri tərəfindən nəzarət olunur.
140
Qurbanlar yardım istəməyə
bilərlər, insan alverinə məruz qalmış vəziyyətdə olduqlarını başa düşməyə bilərlər və ya hakimiyyət
orqanlarından çəkinmiş ola bilərlər.
4.1 Nəzarət metodları
İnsan alverinin müxtəlif istismar formaları vasitəsilə bu əməli törədənlər öz qurbanlarından mənfəət
əldə edirlər. Lakin onlar qurbanların istismar şəraitində qalmasını təmin etməli olurlar. Buna insan
alverçisinin davamlı nəzarətə malik olmasını və qurbanın istismar olunmuş vəziyyətdə qalmasını
təmin edən müxtəlif nəzarət metodları vasitəsilə nail olunur.
Nəzarət bir çox müxtəlif, müəyyən qədər zorakı mexanizmlər vasitəsilə həyata keçirilir. Hər bir
mexanizm ayrı-ayrılıqda istifadə edilə bilər, lakin əksər hallarda, qurbanı həqiqi və ya psixoloji
əsirlikdə saxlama şəraitini yaratmaq üçün onlardan bir yerdə istifadə edilir.
141
Nəzarət
metodlarından insan alveri prosesinin hər bir ayrıca ünsüründə istifadə edilə bilər və müxtəlif
metodlardan düşünülərək istifadə edilir.
İnsan alverinin qurbanlarının istismarın bir çox formalarına və zorakı nəzarətə məruz qalmaları ilə
yanaşı, mənfəət əldəetmə vədi ilə insan alveri qurbanlarına nəzarət olunmasının mümkünlüyünü
göstərmək vacibdir. Məsələn, fəhlələrə, gələcəkdə daha yaxşı məvacib, bundan başqa onların
dövlətdə qalmasının leqallaşdırılması, onlara ailələrini öz yanlarına gətirməyə kömək etmə və ya
digər mənfəətlər vəd oluna bilər. Qurbanlara, həmçinin onların öz hüquqları və təyinat ölkənin
qanunları haqqında məlumatsız olmaları ilə nəzarət oluna bilər. Məsələn, bir çox qurbanlar
əmindirlər ki, onların
iş üçün icazələri, bu icazə olmadıqda, onları işəgötürənlərdən asılıdır.
142
Prokurorlar və hakimlər, qurbanların istismar vəziyyətindən və bu əməli törədənlərin nəzarətin nə
üçün çıxmamalarını bilmək üçün qurbanlara necə nəzarət olunduğunu başa düşməlidirlər. Bu, onlara
həm də insan alveri qurbanlarını və insan alveri hallarını müəyyənləşdirməkdə və insan alveri
vəziyyətinin reallıqlarını başa düşməkdə kömək edəcəkdir.
Borc asılılığı
Qurbandan onun təyinar ölkəyə və ya regiona aparılmasına görə yaranmış borcu ödəmək tələb
olunur. Onlardan borcu ödəmək üçün istismar vəziyyətində işləmək tələb ediləcəkdir, lakin bu borc,
140
ATƏT.
İnsan alveri: potensial və təxmin edilən qurbanların müəyyənləşdirilməsi. İcma siyasət yanaşması.
2011-ci il, səh.48.
141
MSİEBM, 2006-cı il.
Hakimlər və prokurorlar üçün insan alveri əleyhinə təlim materialı. Aİ-yə üzv-ölkələrdə,
qoşulan və namizəd ölkələrdə biliklərin daxil edilməsi üçün sistem proqramı, səh.32
142
ABŞ BİA 2010
Avropa və Avrasiya regionunda yaşlı kişilərin alveri, səh. 16.