Azərbaycan SSR sovet gömrük sistemi şəraitində (1920-1991)
63
Cədvəl 1.6
Azərbaycan SSR-in xarici ticarət əlaqələrinin dinamikası
(1913-cü ilə nisbətən faizlə)
İllər
Ticarət
dövriy-
yəsi
Neft
məhsulları
Digər
mallar
Neft
məhsullarının
xüsusi çəkisi
Digər
malların
xüsusi çəkisi
1913
100 100 100 82,4
17,6
1922-1923
31,1 29,7 37,0 78,6
21,4
1924-1925
104,8 118,0 42,1
92,0
7,1
Cədvəldən
göründüyü kimi, 1924-1925-ci illərdə respublikanın ümumi
xarici ticarət balansı 1913-cü il səviyyəsini ötüb keçmişdi. Lakin neft və
neft məhsulları, balıq və xəz məmulatları istisna olmaqla digər ixrac malları
müharibədən əvvəlki səviyyədən çox aşağı idi.
1925-1926-cı illərdə Azərbaycanın hesabına ZSFSR-dən ixrac edilən
neftin həcmi 1922-1923-cü ilə nisbətən 6,5 dəfə artmışdı. İxrac mallarının
dəyərinin 88 faizini sənaye, 22 faizini isə kənd təsərrüfatı məhsulları təşkil
edirdi. İdxal olunan malların strukturunda müəyyən dəyişikliklər olmuşdu.
Əgər 1923-1924-cü illərdə maşın və avadanlıqlar ümumi idxalın 61,0 faizini
təşkil edirdisə, 1925-1926-cı illərdə bu göstərici 77,2 faizə qalxmışdı [65, 3;
221, 1924, № 1, 146-147].
Azərbaycanın xarici ölkələrlə ticarətində qonşu İran
dövləti xüsusi yer
tuturdu. 1922-1923-cü illərdə SSRİ-nin İranla apardığı ticarət əlaqələrində
Azərbaycanın xüsusi çəkisi ixrac üzrə 88,0 faiz, idxal əməliyyatları üzrə isə
81,8 faizə bərabər olmuşdu. 1922-1923-cü illərə nisbətən Azərbaycandan
İrana ixracın həcmi 7,0 dəfə, idxal isə 2,7 dəfə artmışdı. İrandan başlıca
olaraq kənd təsərrüfatı malları (hazır məhsul və xammal şəklində) gətirilmiş
əsasən sənaye malları göndərilmişdi. Bir cəhəti qeyd etmək lazımdır ki,
İrandan gətirilən sənaye və kənd təsərrüfatı mallarının az bir hissəsi
Azərbaycanda qalır, yerdə qalanı Qafqaz respublikalarının və mərkəzin
ehtiyaclarına yönəldilirdi [65, 2, 9, 8].
1923-cü ildə Bakı limanına daxil olan
və buradan yola düşən yük
gəmilərin sayı da bunu sübut edir. Bir il ərzində limana xarici ölkələrdən
gələn 264 gəmi, Bakıdan yük aparan 268 gəmi gömrük baxışından keçiril-
mişdi, Bundan əlavə, həmin müddətdə daxili limanlardan gələn (kabotaj)
3713 gəmi qəbul edilmiş, 3658 gəmi yola salınmışdı [93, 133].
Beləliklə, 1920-1921-ci illər ərzində Azərbaycan
SSR XKS xarici
ticarət əməliyyatlarının təşəbbüsçüsü kimi çıxış edir, gömrük nəzarəti və
qaydalarının tətbiq edilməsi sahəsində sərbəst qərarlar qəbul edirdi. Lakin
1922-ci ildən başlayaraq, Cənubu Qafqaz respublikaları, o cümlədən
Azərbaycanın iqtisadi müstəqilliyinin qarşısına sipər çəkildi: idxal-ixrac
Azərbaycan dövlətçiliyi tarixində gömrük işi
64
əməliyyatlarının aparılması qəti olaraq mərkəzləşdirildi. Xarici ticarət üzə-
rində sovet Rusiyası və SSRİ-nin tam inhisarının bərqərar edildi, respublika
ərazisində yerləşən gömrükxanaların işinə nəzarət tədricən sovet Rusiya-
sının səlahiyyətinə keçdi. Sovet gömrük tarifi açıq-aşkar proteksionist
mahiyyət daşıyırdı. Bu məqsədə çatmaq üçün
gömrük-tarif tənzimlənməsi
tətbiq olunurdu.
1922-ci ilin martında İttifaq müqaviləsinin təsdiq edilməsi ilə
Zaqafqaziya Sovet Federativ Sosialist Respublikası təşkil edildi (ZSFSR).
Zaqfederasiyanın yaradılması əsas etibarı ilə siyasi və hərbi amillərlə bağlı
olsa da, təsərrüfatın bərpası və inkişaf etdirilməsində “Qafqaz xalqlarının
səylərinin birləşdirilməsi”nin zəruri olması ictimai şüura təlqin olunurdu.
Guya hər bir respublikanın gömrük-tarif sisteminin və ayrı milli pul
vahidinin olması normal iqtisadi əlaqələrə və mal mübadiləsinə mane
olurmuş. Əslində isə əsas məqsəd zəngin təbii sərvətlərə, o cümlədən
karbohidrogen ehtiyatlarına malik olan Azərbaycanın hesabına Rusiya və
Ermənistan üçün iqtisadi dividentlər əldə etmək idi.
Sözsüz ki, Azərbaycanın xarici iqtisadi əlaqələrində RSFSR-in
inhisarına aldığı malların siyahısında neft, pambıq,
xam ipək və dərman
bitkilərini əhatə edirdi. Neft məhsullarının ixracı hüququ RSFSR-in xarici
ticarət komissarı L.Krasinin imzaladığı 1922-ci il 21 iyul tarixli qərarı
yaradılan “Nefteksport” Cəmiyyətinə verildi. İran, Xorasan, Türkiyə
(İstanbul vilayətindən başqa), Suriya, Fələstin, Fars körfəzi və Bolqarıstana
Bakı, Batum və Poti limanlarından ixracı nəzərdə tutulurdu. Neft
məhsullarının ixracı ilə əlaqədar bütün məsələlər, o
cümlədən dəniz yolu ilə
İrana daşınmasına icazə verilməsi səlahiyyəti Xarici ticarət komissarlığının
Bakı nümayəndəsindən alınaraq Azneftin rəisinə verilirdi. Bakı gömrük-
xanası “Nefteksport”un icazə verdiyi bütün neft məhsulları maneəsiz və
gömrük rüsumsuz buraxılmalı idi. Bunu RSFSR xarici ticarət komissarının
müavini Frumkinin Azərbaycan hökumətinə və Azneftin rəisi Serebrovskiyə
göndərdiyi 1922-ci il 31 iyul tarixli teleqram sübut edir. Teleqramda neft
məhsullarına təyin edilən rüsumun təcili olaraq aradan qaldırılması üçün
göstəriş verilməsi xahiş olunurdu. Azneftin neft məhsullarının xarici ticarə-
tinə həsr edilmiş 1922-ci il iyulun 11-də keçirilən müşavirəsinə dəvət
olunan Cənubi Qafqaz xarici ticarət idarəsinin
Azərbaycan üzrə nüma-
yəndəsi Qulubəyov və Bakı gömrükxanasının rəis əvəzi Düdənginski məsə-
lənin Cənubi Qafqaz SSFR-in ittifaq Şurası və Azərbaycan KP MK ilə
razılaşdırılmasının vacib olduğunu bildirmişdilər. Lakin Azərbaycanı təmsil
edən məsul şəxslərin etirazına məhəl qoyulmamışdı. Bundan bir qədər öncə
Azərbaycan SSR XKŞ-nin qərarı ilə İrana göndərilən neft və neft məhsul-
larına dəyərinin 50 və 70 faizi həcmində gömrük
rüsumu təyin edilməsi
RSFSR hökumətinin narahatlığına səbəb olmuşdu. [46, 102; 33, 12; 222,
169-170].