Azərbaycan SSR sovet gömrük sistemi şəraitində (1920-1991)
91
təlimatına əsasən verilən Bakı gömrükxanası rəisinin 20
may tarixli əmrində
göstərilirdi ki, SSRİ-dən İrana və əksinə baqaj və poçt bağlamaları,
həmçinin yüklərin Bakı-Tehran hava xətti ilə buraxılışı Gömrük-Tarif
Komitəsinin təsdiq etdiyi Qaydaların (13 mart, 1925-ci il) 1-ci maddəsinə və
Gömrük Məcəlləsinin 98-ci maddəsinə əsasən Bakı gömrükxanasına tap-
şırılır [95, 28-29].
Bakı gömrükxanası əhaliyə xarici ölkələrdən göndərilən kiçik həcmli
poçt bağlamalarına gömrük baxışını və qeydiyyatını həyata keçirirdi.
Gömrük nəzarətçilərindən xaricdən bağlama alan vətəndaşların dəqiq
qeydiyyatının aparılması tələb olunurdu. Bağlamalarda eyni adda malların
təkrar göndərilməsi aşkar edildikdə nəzarətçi baxış sənədində müvafiq
qeydlər aparmalı idi. 1928-ci ilin fevralında İrəvan və Tiflis gömrükxanaları
ləğv edildiyindən həmin ünvanlara beynəlxalq yük və poçt əməliyyatları
Bakı gömrükxanası rəisinin 14 fevral tarixli əmri ilə dayandırıldı.
1928-ci il mayın 3-də Culfada SSRİ Baş Gömrük İdarəsi və Cənubi
Qafqaz Baş Gömrük İdarəsinin iştirakı ilə keçirilən xüsusi müşavirədə idxal
mallarının sərhəddən buraxılışı qaydalarının
təkmilləşdirilməsi məsələsi
müzakirə edilmişdi. Müşavirədə qəbul edilən qərara əsasən Bakı, Culfa və
Astara gömrükxanalarında İrandan gətirilən malların daxili bazara buraxılışı
aşağıdakı qaydalar əsasında həyata keçirilməli idi: 1) Əgər Xarici Ticarət
Komissarlığının İranla ticarət üzrə Müvəkkilinin daxili bazara buraxıl-
masına icazə verdiyi yüklərə tətbiq edilən gömrük rüsumları qanunla
müəyyən edilmiş müddətdə ödənilmədiyi halda, bu mallar gömrük Məcəl-
ləsinin müvafiq maddələrinə uyğun olaraq hərracda satılmalıdır; 2)
Gömrükxana normadan çox gətirilən və ya icazə verilməyən yüklər daxil
olarkən, belə yüklərin buraxılıb-buraxılmaması haqqında İranla
ticarət üzrə
Müvəkkilə sorğu verir. Mənfi cavab alındıqda, yük sahibinə bir ay ərzində
SSRİ ərazisindən yükün çıxarılmasına möhlət verildiyi bildirilir. Yüklər
həmin müddətdə daşınmasa, Gömrük Məcəlləsinin 257 və 258-ci maddələri
tətbiq edilməklə hərracda satılır; 3) Gömrükxananın sorğusuna Müvəkkildən
iki həftə ərzində cavab alınmadığı halda, yükün daxili bazara buraxılmasına
icazə verilmir [95, 29].
Digər dövlət strukturlarında olduğu kimi respublikanın gömrük
orqanlarında vaxtaşırı “kadr təmizliyi” aparılırdı. Bu işlə gömrükxanaların
yerləşdiyi rayonların qəza komitələrində xüsusi olaraq yaradılan komis-
siyalar məşğul olurdu. AKP (b) Lənkəran təşkilatının 24 dekabr 1924-cü il
tarixli iclasında təsdiq olunan siyahıya gömrük xidmətində uzun müddət
işləyən Astara gömrükxanasının mühasibi Talışxanov Mirismayıl Mirəsgər
oğlunun, həmin gömrüyün gəmi nəzarətçisi Salatenko Andrian İvanoviçin,
onun köməkçisi Kərimov Bahadır
Kərim oğlunun, Port-İliç gömrük məntə-
qəsinin rəisi Talışinski Rzaqulu Əbülfət oğlunun, Kilvəz gömrük məntə-
Azərbaycan dövlətçiliyi tarixində gömrük işi
92
qəsinin rəisi Nurullabəyov Şirəlibəy
Xankişi oğlunun, Əsədov İsrafil Dadaş
oğlunun adları daxil edilmişdi [88, 164].
SSRİ gömrük idarəsi Cənubi Qafqaz şöbəsinin 16 dekabr 1926-cı il
tarixli 241 nömrəli əmri ilə Bakı gömrük rayonuna tabe olan gömrük
müəssisələrinin şəxsi heyətində dəyişikliklər aparıldı. Növbəti ilin yanvarın
1-dən Bakı gömrükxanası üzrə heyətin 59 nəfərə çatdırılması nəzərdə
tutulurdu. Onlardan 7 nəfərinin əmək haqqını Azneft, 14 nəfərinin əmək
haqqını Xəzər gəmiçiliyi (Kaspar), 7 nəfərinin əmək haqqını “Komvo”
ticarət şirkəti ödəməli idi. Astara gömrükxanasında (rəis – M.B.Mirzəyev)
qulluqçuların sayı 7, Lənkəran gömrükxanasında (rəis – P.D.Salayev) 6
nəfər, Biləsuvar gömrükxanasında (rəis – M.F.Xoylu, az sonra
Ə.Nərimanov), Cəbrayıl məntəqəsində (rəis – A.Y.Bıkov) 3, Bəramtəpə
məntəqəsində (rəis – Şərbətərov) 2 nəfər saxlanılırdı [89, 166].
Culfa gömrükxanasında İrandan qəbul
edilən və həmin ölkəyə yola
salınan tranzit yüklərə gömrük baxışının sürətləndirilməsi sahəsində görülən
tədbirlər mərkəzi aparatın diqqətini cəlb etmişdi. Zaqafqaziya Gömrük İda-
rəsinin rəisi Xutuşvili və Gömrük İnspeksiyasının rəisi Lebedevin imzaları
ilə yerli gömrük orqanlarına göndərilən 29 sentyabr 1927-ci il tarixli mək-
tubda əldə edilən müsbət təcrübədən istifadə edilməsi tövsiyə olunurdu.
Gömrükxanada tranzit yüklərə nəzarətin sadələşdirilməsi məqsədilə aşağı-
dakı tədbirlər həyata keçirilirdi: 1) anbara vurulmayan tranzit yüklərin rəs-
miləşdirilməsində paralelizmi aradan qaldırmaq üçün malların qeydiyyatı
pakhauz kitablarında deyil, yalnız mühasibatlıq tərəfindən aparılsın; 2) vaxt
itkisinin qarşısını almaq üçün bəzi gömrükxanalarda tranzit yüklərə də-
miryolu xəttindəki gömrük məntəqələrində baxış keçirilməsi hallarına son
qoyulsun, gömrük baxışı malların dəmiryolunda
yüklənməsi və çəkilməsi ilə
eyni vaxtda keçirilsin: 3) tranzit əməliyyatlarının gecikdirilməsinin qarşısını
almaq və gömrükxananın xəzinədarına əlavə çətinlik yaratmamaq üçün yük
sahiblərindən gerb rüsumu marka ilə ödənilsin, yaxşı olar ki, gömrükxanalar
bu nişanlara müntəzəm təchiz edilsin; 4) sənədlərin
tərtib edilməsinə sərf
edilən vaxt itkisinin qarşısını almaq üçün tranzit yüklərin və ixrac əməliy-
yatların rəsmiləşdirilməsi bundan sonra iki yox, bir nüsxədə hazırlansın [24,
3].
Müxtəlif bəhanələr əsas gətirilərək, ZSFSR XKS-nin 1928-ci il 30
avqust tarixli 19 nömrəli qərarı ilə Naxçıvan və Ordubad gömrükxanalarının
da fəaliyyəti dayandırılmışdı [168, 21].
Arxiv sənədlərində Naxçıvan MSSR XKS yığıncaqlarında gömrük
nəzarəti ilə bağlı məsələlərin müzakirə edildiyi
və müvafiq qərarlar qəbul
edilməsi haqqında məlumatlar vardır. 1929-cu il fevralın 29-da Məmməd-
xanovun sədrliyi ilə keçirilən yığıncaqda Naxçıvan MSSR ərazisindəki
gömrükxanalarda müsadirə edilən qaçaqmalların bundan sonra Tiflisə
göndərilməməsi müzakirə edilmişdi. Yığıncağın qərarı ilə Culfa gömrük-