Azərbaycan SSR sovet gömrük sistemi şəraitində (1920-1991)
113
Astara
gömrükxanası
1639,0
429,9
2439,6
709,2
463,2
220,0
Biləsuvar
gömrükxanası
20,0
7,9
200,6
42,1
121,3
49,1
Culfa
gömrükxanası
9711,6
2291,0
14678,7
4943,0
5958,8
4138,7
Şahtaxtı
gömrükxanası
107,7
65,6
1286,0
341,9
976,2
371,9
Cəmi (1-6)
90266,5 31264,9 132786,0 56401,6 70496,8 36493,1
Hesablanıb: Статистический справочник по Азербайджану (под
ред. В.В.Смирнова). Баку: ЦСУ Азербайджанской ССР, 1927, 198 с.,
с.138-140.
Azərbaycan ipəyinin xarici bazara çıxarılması və satışının
düzgün
təşkil edilməsi ölkə büdcəsinə külli miqdarda valyuta gətirə bilərdi. Ali
İqtisad Şurasının Q.Musabəyovun sədrliyi ilə keçirilən 1925-ci il 12 yanvar
tarixli iclas protokolundan məlum olur ki, Azərbaycan İpək Birliyinə
(Azəripək) xaricə ipək ixrac etməsi və əldə edilən valyuta hesabına
müxtəlif
mallar alınmasına icazə verilməsi haqqında məsələyə baxılmışdı.
SSRİ-də satış bazarında həmin məhsula tələbatın zəif olması ipək
sənayesinin ağır böhran keçirirdi. İpəyin Qərbi Avropa bazarlarında
satılması haqqında Azəripək birliyi ilə Zaqafqaziya XXTK arasında
aşağıdakı şərtlər daxilində razılıq əldə edilmişdi: 1) Azəripək pul əvəzinə
özündə olan ipəyin xaricdə satılması üçün təhvil versin; 2) XXTK
Azəripəyin sifarişi ilə satışdan əldə edilən pula xaricdən idxalına icazə
verilən və idxal planına daxil edilən mallar alsın və ZSFSR-ə gətirsin; 3)
malların satışından əldə edilən xalis gəlir XXTK ilə Azəripək arasında
bərabər surətdə bölünsün. Bu qərarın həyata
keçirilməsi məqsədilə ZSFSR
Ali İqtisad Şurası qarşısında təşəbbüs qaldırılsın.
Ali İqtisad Şurasının iclas protokolundan çıxarış
№ 78 12 yanvar 1925-ci il
Eşidildi: Azərbaycan İpək Birliyinə (Azəripək) xaricə ipək ixracına və
əldə edilən məbləğə müxtəlif mallar idxal edilməsinə səlahiyyət verilməsi
haqqında.
Qərara alındı: SSRİ-də satış bazarının olmaması səbəbindən ipək
sənayesinin ağır böhran keçirdiyini nəzərə alaraq ipəyin Qərbi Avropa
bazarlarında satılması haqqında Azəripək birliyi ilə Zaqafqaziya XXTK
arasında aşağıdakı şərtlər daxilində razılığa gəlinsin:
Azərbaycan dövlətçiliyi tarixində gömrük işi
114
1) Azəripək pul əvəzinə özündə olan ipəyi xaricə daşınaraq orada
satılması üçün təhvil verir;
2) XXTK Azəripəyin sifarişi ilə satışdan əldə edilən pula xaricdən
idxalına icazə verilən və idxal planına daxil edilən mallar alır və ZSFSR-ə
gətirir;
3) Bu malların satışından əldə edilən xalis gəlir XXTK ilə Azəripək
arasında bərabər surətdə bölünür.
Bu qərarın həyata keçirilməsi məqsədilə ZSFSR Ali İqtisad Şurası
qarşısında təşəbbüs qaldırılır.
Sədr: Q. Musabəyov
Katib: R. Xoyski.
[49, 40].
Gömrük sənədlərində 1924-1926-cı illərdə Azərbaycan SSR-nin ixrac
potensialı haqqında ətraflı məlumatlar vardır. Respublika ərazisindəki 6
gömrükxanadan (Bakı, Lənkəran, Astara,
Biləsuvar, Culfa, Şahtaxtı) 1924-
cü ildə 13346,9 rubl dəyərində 35399,6 ton, 1925-ci ildə 25241,1 rubl
dəyərində 83365,8 ton, 1926-cı ildə isə 39800,0 rubl dəyərində 92344,4 ton
müxtəlif mallar ixrac edilmişdi. Daha doğrusu 3 il ərzində gömrük baxı-
şından keçirilən ixrac mallarının çəkisi 2,6 dəfə, dəyəri isə 3 dəfəyə qədər
artmışdı. 1926-cı ildə ixracın əmtəə strukturunda neft məhsulları 30500,0
ton olmaqla qənd və şəkər tozu ixracından sonra (33706,5 ton) ikinci,
dəyərinə görə isə 4-cü yerdə idi.
1926-cı ildən başlayaraq, qabaqcıl kapitalist dövlətləri tərəfindən
SSRİ-nin iqtisadi cəhətdən təcrid edilməsi siyasəti gömrükxanaların
fəaliyyətinin nəticələrinə təsirsiz qalmadı. Aşağıdakı cədvəldən
göründüyü
kimi, əgər 1924-cü ildə Azərbaycan SSR gömrükxanalarında qeydə alınan
idxal malları 90266,5 min manat təşkil etmişdisə, bu göstərici 1925-ci ildə
132786,0 min manata yüksəlmiş, 1926-cı ildə 36493,1 min manata qədər
azalmışdı. Xarici ticarət əməliyyatlarının daha yüksək olduğu 1925-ci ildə
Azərbaycan ərazisindəki gömrükxanalara daxil olan 132,8
min ton idxal
mallarının 86 faizi Bakı, 11 faizi Culfa gömrükxanasında qeydə alınmışdı.
SSRİ Maliyyə Komissarlığının nəzdində fəaliyyət göstərən Xüsusi
Valyuta Müşavirəsi hüquqi və fiziki şəxslər tərəfindən gömrükxanalardan
sərbəst surətdə valyuta keçirmələrinə sertifikat verirdi. Azərbaycan SSR-də
bu işi Maliyyə Komissarlığına tabe olan Valyuta idarəsi həyata keçirirdi.
Məsələn, İdarəyə ərizə ilə müraciət edən görkəmli
Azərbaycan şairi və
dramaturqu Hüseyn Cavidə Almaniyaya müalicəyə getməsi ilə əlaqədar
olaraq gömrükdən 1500 ABŞ dolları keçirməyə icazə verilmişdi. 1926-
1929-cu illərdə Valyuta idarəsinin rəisi Yunis Mirzəbəyov olmuşdur.
Valyuta İdarəsinin sertifikatı ilə İran tacirləri Bakı gömrükxanasından təkcə
1928-ci ilin aprel ayında 447316 xarici valyuta manat keçirmişdi. Bu